مشاهدة نسخة كاملة : ساعدوني في اختيارافضل حليب
خزامى نجــــــــــــــد
20/05/2007, 08:00 م
السلام عليكم حبيباتي في المنتدى***ومساكم وردوياسمين(w)
بنتي كملت السنةوابيكم تقولون لي ايش احسن حليب لاني ودي اغيرحليبها
بصراحةفيه انواع كثيرةفي الصيدليات بس احترت مدري وش اختار؟؟؟؟؟
انتظرردودكم يالغاليات لاتتاخرون
FLoOoOoOoNA
20/05/2007, 08:13 م
السلام عليج اختي خزامى نجد...
صدق والله تغيير حليب البيبي وايد صعب....بنتي بعدها ماكملت السنه، بديت أعطيها حليب نان 1، وعقب نان 2 بس مول ما ناسبها و سببلها امساك...أحين اعطيها سيميلاك أي كيو...الحمدالله تقبلته والدكتور بعد مدحه..
خواتي يعطون عيالهم حليب بروجرس...وماشين عليه تمام...
هاي أنواع الحليب اللي اعرفها، انشالله البنات مابيقصرون معاج...
توتة البحرين
20/05/2007, 11:17 م
عن نفسي استخدمت حليب نيدو ووايد مفيد ومغذي و خفيف على معده الطفل
بارونه
21/05/2007, 06:29 م
وانا استعل حليب بيوميل لكن غيرته وعطيته بريميم كير بم بس واجد ضعيفه اللي تعرف حليب ييمتن تقولي
نوره حلوة
07/06/2007, 09:29 ص
السنه، بديت أعطيها حليب نان 1، وعقب نان 2 بس خواتي يعطون عيالهم حليب بروجرس...وماشين عليه تمام...
omdeema
11/06/2007, 09:00 م
أحسن حليب جربته ويتقبله الطفل حليب Novalac أنا حتى شفت الأجانب وايد يشترونه جربته حق بنتي الحمدالله صحتها حلوه الي بتجربه بيعجبها
ana__sa3udiah
04/07/2007, 07:50 م
يالغاليه لاتجربين غير نيدو بريبايو واحد
بصرااحه رهيب انا الحين قلبت ولدي عليه احسه مفيد ويكبر الطفل
واذا ماناسب بنتك استخدميلها بروجرس حلو بعد
أم_صباح
04/07/2007, 08:03 م
السلام عليكم
خبرتني مرت حماي عن حليب وايد زين وبديت استخدمة حق ولدي وهو الحمدالله مرتاح منه
اسمه بيبيلاك اي سي
اختكم في الله
ام صباح
زوجي كل الغلا
04/07/2007, 08:27 م
انا بصراحه ماشفت احسن من حليب (((ميلوب))
جربت غيره بس كان يجيب لولدي الاسهال فوصف لي اخصائي الاطفال هالحليب والحمد لله