بنات قطر ساعدوني

[*(سوسو)*]

السلام عليكم ورحمه الله
بنات انا ولادتي قربت وعندي كم استفسار بخصوص شنطه المستشفى<<اعذروني اول بيبي
حبيت اعرض عليكم شنو بحط فيها وقولو لي شنو ناقص
بحط 6 بجامات بيض و3 قبعات و9 فنايل وبامبرز وحليب و5 مراضيع ومصاصه و3 مهادات وكريماته والشامبو والفوطه
وبالنسبه لي شريت لي 9 هافات استعمال واحد من شيكو و6 قمصان نوم ونعال وكفر واستشوار وميك اب
بليز علموني شنو نسيت احط
انا ولادتي يمكن تكون في اي لحظه ابي اسرع رد
جزاكم الله خير وادعولي الله يبلغني بالبيبي اللي نطرته وايد

[الـدمـعـه]

هلا اختي

ان شاء الله تولدين بالسلامه ..



وكريماته والشامبو

ماانصحج انتي تسبحينه او تدهنينه ..الياهل بروحه يكون جسمه مزيت من اللي كان معاه في البطن

وهم راح يزيتونه من عندهم .. وحتى شعره مب محتاجه للشامبو من اول يوم يكفي بالماي بس ..

اذا كان فيه بقايا دم او شي ..

وماشريتي ثياب العافيه ؟؟ اريح لج في التبديل عن لاتملعين الصغير ..

لين رجعتي البيت بالسلامه .. سبحيه براحتج ..

راح تحتاجين شامبو وكريمات لج انتي .. وفوطه .. وفام للولاده اكبر حجم عن التخرخر يمين ويسار

:D_smil1:

ووايد خمس مراضيع .. مرضاعه وحده اللي فيها 2ملل..

ومن اولها مراضيع ..رضعيه من صدرج لاتتعذبين وينتفخ صدرج ..

ويمكن تحتاجين اكثر من تسع هافات .. ولاتكثرين من الميك اب ..لان العين بتكون عليج ..

تحملي حافظي على روحج ..


وبس هاي اللي في بالي وان شاء الله مانسيت شي وماضايقتج بشي ..

[الـدمـعـه]

ايه نسيت اقول لج عن السليبنغ باق لاتنسينها عشان وانتي طالعه تحطين البيبي فيها ..

[كريستالة قطر]

*(سوسو)*

ربي يهون عليج إن شاء الله وتولدين بالسلامة يارب ..

بخصوص موضوعج لو منزلته في التجهيزات البنات بعد بيفيدونج أكثر ..

بس مب مشكلة ..

أول شي أقول لج لو كنتي حاطه ميك آب في الشنطة شليه ..

والله الناس عينها في كل شي .. والناس تدري إنج والدة وتعبانه ..

ليش تجاملينهم .. تبين حطي عقب ماتطلعين من المستشفى بإسبوعين على الأقل ..

ولو إني كلش ماأنصح والله .. لان الناس ماتخاف الله .. فحاسبي على نفسج ..

لاتزعلين من كلامي بس لاني خايفه عليج .. و إن شاء الله ماعليج شر ..

بخصوص المراضيع ودي معاج 2 بس وحدة حق الماي ووحدة حق الحليب ..

وإن شاء الله ماتحتاجين الثانية والبيبي يرضع طبيعي إن شاء الله ..

وأفضل مثل ماقالت أختي الدمعة تحطين حق البيبي ثياب العافية أحسن لج من البجامات الكاملة

وحطي لج سليبنج باج عشان لو طلعتي من المستشفى بالسلامة إن شاء الله تحطينه فيه ..

سبوح البيبي بيكون في البيت أريح لج وله خبرج المكيف بيكون مفتوح .. وأنتي لازم تحاسبين

عشان مايمرض ..

حطي لج مشط ، سياده ويلال (( عشان اللي يصلي عندج )) ، شيلة تغطين فيها صدرج وأنتي ترضعين ، حطي لج 3 بجامات أخف لج حق النوم بالليل ، وقمصان النوم خليهم حق الاستقبال بس ،
دهن العود ، عطر ، كوتكس (( الله يعزج )) ، ستيانات الرضاعة ، فوطة .. وإن شاء الله مانسيت شي بالنسبة لج ..

[@شهد@]

في شئ مهم لا تنسيييييييينه دائما الكل ينساااااه

الشااااحن لتلفووون

الله يسهل عليج يالغاليه

[*(سوسو)*]

مشكوووريين على ردودكم

[اللماحه]

هلا سوسو
الله ايهون عليج
المهادات اشوي 3 حطي 6 على الاقل احتمال ايوصخ واتلعوزين

واخذي فوطه التبديل البلاستيك عشان ما ايتوصخ شرشفج

ايه وفيه بعد المهادات التشك تشك منزلينهم باليبي شوب ب 39 وايد حلوين وعمليين اخذي منهم بعد


اتمنى اكون افدتج ...........ومبروك مقدما

[أحلى أم]

اممممممممممممممممممممممممم

بعد شنووووووووو

فوط صغيره للبيبي
فراش لسرير البيبي في المستشفى ومخده صغنطوطه وملحف صغنطوط
ملحفج انتي واطقم الشاي والعصير والحلويات للتقديم
اغراض الحمام
عطر


واذا تذكرت شي بقولج

[عليا8]

لاتنسين الملح علشان تتشطفين فيه مع السافلون للجرح أحسن من الديتول
وتمره صغيره علشان تحنيك البيبي....

[مطلع_الشمس]

السلام عليكم ورحمه الله
بنات انا ولادتي قربت وعندي كم استفسار بخصوص شنطه المستشفى<<اعذروني اول بيبي
حبيت اعرض عليكم شنو بحط فيها وقولو لي شنو ناقص
بحط 6 بجامات بيض و3 قبعات و9 فنايل وبامبرز وحليب و5 مراضيع ومصاصه و3 مهادات وكريماته والشامبو والفوطه
وبالنسبه لي شريت لي 9 هافات استعمال واحد من شيكو و6 قمصان نوم ونعال وكفر واستشوار وميك اب
بليز علموني شنو نسيت احط
انا ولادتي يمكن تكون في اي لحظه ابي اسرع رد
جزاكم الله خير وادعولي الله يبلغني بالبيبي اللي نطرته وايد


اول شي وايد 9 فنايل ,,,, حطي بس 6 وبالنسبه للمراضيع 1 او 2 والماي اذا بترضعينه طبيعي ما يحتاج ماي اول 3 شهور هاي من دكتوري وانتي اسالي دكتور الاطفال لما يجيج وهو بياكد كلامي ’’’ اذا ماراح تدخلين له رضعات صناعيه اذا بس طبيعي ...

المهادات شوي حطي حق كل افرول واحد
وابعد فوطه اوكي حطي فوط صغيره تحسبا اذا كان يرجع تحطينها تحت راسه ,,,
واخذي بس الشاور جل ,,, بس ححميه فيه اول اسبوع احس الشامبو حار على الياهل في اول ايامه ,,, ولا كريمات ولا اي شي في المستشفى للبيبي ,,بس اخذي الفاين تبع البيبي عشان لو رجع تمسحينه عشان ما تكون له ريحه ,,,
بعد الفراش اللي تحت البيبي عشان لما حد يشيله ,,
والفراش اللي يدخلون فيه الياهل عشان لما تطلعين من المستشفى ,, ولحاف لياهل لان بيكون طالع من مكان حار لمكان بارد تحملي عليه من هوا المكيف ,, انا ابني زكم من اول يوم تخيلي

بالنسبه لج لا تودين هافات يمكن اوحد او2 لان هناك بيعطونج وانتي في كل شفت للمممرضات اطلبي هافات ,, وظبطي مع وحده ن الممرضات قولي لها ابي للبيت والله انه ما في احسن من هافات المستشفى ,,,
وقمصان النوم اربع يكفون الا اذا انتي ناويه تتمين اكثر ’’’
حمالات الصدر مالت الرضاعه والقطن تبعالصدر للرضاعه واحسن شي بيجون ,,,
شلحه اذا كان قميص الونم شفاف ,,,
لاستشوار اوكي
بس شلي الميكاب لان بيصكونج بعين والله انج ما راح تترقعين انتي توج قايمه من ولاه وتبين تحطين ميكاب والله بياكلونج ....
فوطه لج ولشعرج ,, وشبشب ,,,
مشط عظاظات للشعر ,, ديودرانت والشامبو الوصابون لج ,, عطر خفيف جدا ,,,
واذا موعطر بودره خفيفه بعد الحمام راح تعطي جسمج .. ريحه حلوه .... بس لا تتعطرين وايد لان لما تشيلين البيبي راح يكون وايد عليه

واذا في شي باقول لج ,,

[مطلع_الشمس]

لاتنسين الملح علشان تتشطفين فيه مع السافلون للجرح أحسن من الديتول
وتمره صغيره علشان تحنيك البيبي....


عليا السافلون لا ينصح به طبيا لانه قولي على ما اعتقد الملح هو احسن شي والمره ,,, وبعدين مو لازم بالمستشفى ,,,,

[dying4qatar]

كريم ميبو يقولون زين بجربه هالمره انا

[*(سوسو)*]

مشكورين بنات على ردودكم

[*(سوسو)*]

كريم ميبو يقولون زين بجربه هالمره انا

شنو هالكريم وحق ايش ومن وين اجيبه؟؟:1_42:

[مطلع_الشمس]

من الصيدليه واجد ممتاز ,,, جربيه بس نصيحه استخدمي الملح والمره وادهنيه 3 مرات باليوم وان شاء الله بتبرى جراحتج بسرعه .....

[ام قابوس]

ما قصروا البنات

[hala2000]

معجون اسنا ن و الفرشاة

[قطريه كشخه]

مشكوره اختي عالموضوع

[لغة الحياة]

أختي أخذي لج فوط أنتي،

اسفنجة(ليفة) ، ديودرنت، معجون وبروش( فرشاة)
الشلحات، اممممم، أنا أخذ معاي المكياج ، أحب أحط كريم أساس وبودرة ومسكرة بس !

ولا تنسين السليبنج باج للبيبي ، وانتي طالعة ..

والله يقومج بالسلامة ..

[um 3mor]

بنات وين احصل الهافات استعمال واحد اللي تقولون عنها؟؟

[*جوهرة الدوحة*]

البنات ماقصرو
الله يهون عليج ان شالله

[دلوعة زوجي 2007]

بنات وين احصل الهافات استعمال واحد اللي تقولون عنها؟؟

حبيبتي بتحصلينهم في الصيدليه ..

عندج صيدليه الخلود .. اعتقد 10 او 15 قطعه مع بعض بتحصلينهم ..