يالله ورايا ( كيفية المحافظه على الجسم بانه يكون (نشيط وصحي والوجه خالي من الشحوب)

[أوراق الخريف]

يالله نبدء بسم الله الرحمن الرحيم..

بعطيكم فكره بسيطه للتخليص من الشحوب الي في الويه..
وعشان الويه والجسم يكون صحي ونشط في نفس الوقت..

1- الصلاه أول شي..
حتى ينور وجهكم ويخلي الي يشوفه تفتح نفسه ويرتاح لكم.. وصدقوني ان الصلاه يريح القلوب وينور الوجوه..
2- الريووووووق ( الفطور) مهم جدا جدا جدا جدا..
وللاسف 80% منا نحن الخليجيات نهمل وجبة الفطور.. الفطور مهم جدا لجسمنا..
3- الرياضه.. على الاقل مشي 30 ساعه أو تحريك الجسم عن طريق تنظيف الغرفه بنفسك.. او الجري.. أو دخول المطبخ والمطيخ تتحركين.. ويوم تذاكرين تمشين في الصاله أو حديقة المنزل.. أو عن طريق الرقص.. فلجسم محتاج 30 ساعه على الاقل رياضه عشان الاوعيه الدمويه تتنشط والدم يجري في الجسم.. واول ما تقومين الصبح غسلي وجهك وثم لعبي الرياضه وبعده ب ثلث ساعه خذي الفطور أو خذي الفطور وبعد نص ساعه الرياضه..
4- المأكولات الصحيه.. يعني كيف نعرف ان هذا الغذاء صحي والا لا؟؟ أوكيه نعرف بانه صحي اذا كان مب متروس دهن ( متوسط الدسومه) يعني نسبة الدهن في الاكل قليل.. ونكثر من أكل الخضروات والفواكه.. وننوع بالاكل.. واكثرو من الخضروات الخضرااااء (خس+الرويد+ريحان+الجرجير..الخ)..
5- شرب السوائل بكثره.. حليب+ عصاير+ المااااااااااء+ شوربه..
6- أكل التفااااااااااح كل صباح.. والمثل الانجليزي بيقول:
Eat apple everyday, keeps a doctor away
7- المحافظه على 3 وجبات اليوميه.. وبعد كل وجبه تأكلون المقبلات بنسبه بسيطه وخفيفه..
8- ابتعاد عن الشاي والقهوه (المنبهات) والمشروبات الغازيه.. والكاكاو والشوكولا اذا حبيتو تاكلون طبعا اكلوه بنسبه بسيطه..
9- وابتعدو عن الماكولات الحااااااااااره والدقوس و التباسكو وهالسوالف.. اولا اتظهر الحبوب في الوجه وثانيا تخرب البشره تخريب البلاء..
10- ابتعدو عن الماكولات السريعه (فاست فوود) ترى ما منها فايده.. وما فيها ولا قيمه غذائيه.. وابتعدو من أكل الكفتريا مرض مرض مرض.. الله يعلم كيف يطبخون وكيف يسوون الاكلات والله يعلم جان يغسلون ايدهم والا لا..
11- اول ما تقومين من النوم الصبح بعد الصلاه.. افتحو شباك الغرفه واستنشقو الهواء الطازج وغيرو الهوى الي في الغرفه كل صباح.. واذا عندكم حديقه بالبيت روحو واقعدو فيه وريحو اعصابكم في الهواء الطازج الطلق..

وصدقوني بتكونون صحيين.. جربو وادعولي وتسلمون..

[أوراق الخريف]

السلام عليكم ورحمة الله وبركاته..

محد رد عليي!؟!؟!؟!؟! :MAD:
ما أحبكم :CRY:

[مشتاقة للرسول]

نصائح ممتازه


تعرفين شو مشكلتنا


عقب الأكل نتعايز نمشي ولا نسوي رياضه

يعني يوم تنترس البطن خلص نحس بخموووووول


احس كله ابغي ارقد

ولا نصايحج


وان شاء الله باذن الله بمشي على نصايحج

مشكوووره

[ليالي شهرزاد]

[أوراق الخريف]

السلام عليكم ورحمة الله وبركاته..

عزيزتي مشتاقه للرسول عليه السلام.. جربيه بعد العيد وشوفي النتيجه حبيبتي

تسلمين ليالي شهرزاد على الرد

[كريستاليه]

واااااااااااااااااااااااوي

[أم عدول]

السلام عليكم ورحمة الله وبركاته
الغالية أم سعيده تسلمين على الموضوع والنصائح الرائعة
وان شاءالله تعم الفائدة على الجميع .. نترقب جديدكِ

تحياتي
ام عدول

[أوراق الخريف]

السلام عليكم ورحمة الله وبركاته..

تسلمون عزيزاتي أم عدول وكريستاليه على الاطراء الجميل والمتابعه الجيده والتشجيع الطيب.. وان شاء الله تستفيدون من الموضوع

[حــلا مغــرور]

يعطيك العافيه اختي ام سعيده

موضوع جميل

بأذن الله اطبقه

[أوراق الخريف]

السلام عليكم ورحمة الله وبركاته..

مشكوره حلا مغرور على الرد