شعري يقول النجــــــــــــــــده من القشره ... الى لها تجربه مع القشره تتفضل تفيدنا

[~~زورقـــ~~]

السلام عليكم ورحمة الله وبركاته


شلونكم يابنات ياحلوات
ان شاء الله كلكم بخير يارب

انا بشكى لكم حالى وياريت تساعدونى

انا من فتره اشتكى من شعرى
يعنى كل مايطرى عليكم من مشاكل الشعر عانيت منها
وكل الحلول الى ممكن تخطر على بالكم جربتها
الى الثوم للحين اقااوم

مشكلتى تكمن فى ان شعرى قبل كان يهبل لون وكثافه وطول
وبدت السالفه قشره
وبعدين تساقط
وتســــاقط
وتســــــاقط
وتقصف
وهم تســــــاقط


لين صار خفيف جدااااااااااااً
وتعيس جداااااااااااااااً
ومن قدام شوى واصلع
وجبهتى كل مالها وتكبر من تراجع الشعر للخلف

بس هذا كله صوب
والقشره الى زادت فجاه صوب ثاانى
انا اعرف القشره تهيج بالحر
مو بالبراد !!!!

فروت راسى كلها قشره وجروح من شنو ماادرى
مع انى احاول كثر ماقدر ماحكها بالمره
بس الوضع صار لا يطاق
جربت الدكتور من فتره عطانى دواء قطعها على طول
بس فتره معينه ورجعت
لا ومن زود القراده الدواء بكبره انقطع من السوق
شفتو الحظ
حتى القاااااز
تخيلوا !!!
قالت لى وحده مفيد
واستخدمته
ملعقه صغيره مع زيت الشعر
اوكيه القشره خفت وااايد وتقريبا اختفت بس فتره و هم رجعت
ومااستفدت الى ان شعرى فقد لونه الحلو وصار شديد السواد
<<<تلاحظون القراده
وانا فينى عيب كبير وطريقه باايخه مااقدرت اتركها
وهو الماء الحار جدا عند الاستحمام
ماقدرت اتخلص من هالطريقه


الى عندها تجربه مع القشره وعانت منه مثلى تقوولى شو الحل وتساعدنى ومالها الى اجر ودعاااء منى

فيه مراكز لعنايه بالشعر ناس تمدحها وناس تقول نهيبه وبس
الى جربت شى منهم بعد خل تفيدنا


والله يعطيكم العافيه ويوفقكم وحده وحده نفره نفره
عسى ماطولت عليكم بس

<< ماتنعطى وجه

[مريووومه]

الحل بسيييط يا اختي
واسهل مما تتخيلين
تعرفين المرميه
فوريها في المااي شوي لين تصبغ
وعقب صفيها
و يوم بتغسلين شعرج و بتشطفينه
صبي عليه المرميه المصفاايه
و دلكي جذور الشعر لمدة دقيقه مش اكثر
نفذي ها الشي مره بالاسبوع بس
مثل سويتي السبت تسوين السبت اللي عقبه
- لانه المرميه فيها مضاد حيوي -
و بتفتكين من القشره باذن الله
انا من اول غسله افتكييت من القشره


و في شامبو بعد واايد زين اسمه نيزورال
انا مره استعملت المرميه و نفعتني
و مره الشامبوو

[لؤلؤة جدة]

السلام عليكم ورحمة الله وبركاته

عزيزتي

الماء الحااار هو سبب القشرة فحاولي تغسلين شعرك بماء دافي افضل

وفي شامبو ممتاز مرة للقشرة اسمه نيوزرال استخدميه وإن شاء الله يفيدك

تحياتي ،،،

[الشيخة]

نصيحة الاخوات جداً ممتازة

بالفعل الشامبو إلي قالوا عنه جداً ممتاز

وأعرفي انة مشكلة القشرة وتفاقمها وحلها يكمن في كيفية غسل الشعر والاعتناء به.

يعني ..
اتخذي لك برنامج حددي مدتة لشهرين مثلاً ويكون كل شيئ بإنتظام.

وهذه النصائح :
** استخدمي أفضل انواع الشامبوهات الي ضد القشرة .. ومنها على سبيل المثال الي ذكر.
** أغسلي شعرك 3 مرات بالاسبوع .. ولنقول السبت الاثنين الخميس
** بعد الحمام خذي كوب عصير ليمون واعملي مساج لفروة الرأس لمدة 5 دقايق.
** وكمان تجنبي الزيوت في هذه الفترة الي راح تعالجين فيها شعرك.. واستخدمي عوضاً عنها كريم خفيف مرطب للشعر ورطبيه على الشعر نفسة.. وليست فروة الرأس.
** أعملي قناع من كوب الليمون + كمية نعناع مغسول ومعصور + ملعقة كريم الشعر + ملعقة حمام زيت ودلكية 5 دقائق . وتركيه لمدة نصف ساعة بفروة الرأس. في الاسبوع مرة.

تحياتي
الشيخة

[امووووووره]

الله يساعدك اختي ويخلصك من مشكلتك

وانا انصحك بالسدر جربته

[MooLy]

والله أختي أنا حاسه فيج....

لأن محد كثري عانى من القشرة والحكة ألي سببتها ....

ما خليت زيت ولا شامبو ولا كريم ما استخدمته تختفي فترة وترجع مرة ثانية ...

لين ما استخدمت زيت جوز الهند ألي يسوونه الأندونيسيات والحمد الله من يومها ما رجعتلي القشرة ...

وحتى سألت الخدامة وقالتلي أنه واااايد زين حق القشرة ... وله بعد فوائد ثانية ...

وهاي تجربتي ويا القشرة ...

أختكم
MooLy

[loora]

بسم الله الرحمن الرحيم


السلام عليكم ورحمة الله وبركاته


الله يأجرج اختي على صبرج


انا كنت مثلج
لكن ألين الحمد الله


رحت عند طبيبة جلديه

و وصفتلي شامبو نايتروجينا جل ب 40 درهم


+ لوشن للشعر احطه خمس مرات ..

واسم اللوشن
Locoid
scalp lotion


وانشاء الله اتروح عنج القشره خلال في اقل من اسبوع

جربيه وادعيلي

[*العصفوره*]

السلام عليكم ورحمة الله وبركاته
صابون الغار حلو بالمره للقشره وهو متوفر عند العطارين وفي
كل مكان ورخيييييص كمان
ومفعوله ميه بالميه على ضمانتي
جربيه وادعيليييييييييي إن الله يرزقني الي في بالي

[أوراق الخريف]

السلام عليكم ورحمة الله وبركاته..

تسلمون وبارك الله فيكم يا بنات.. وايد استفدت منكم..

انا عاني من القشره واستخدمت شامبو السيباميد وما شفت منه فايده.. و الحين خفت القشره بعدما استخدمت الزيوت وبالفعل زيت جوز الهند الاندونيسي روعه الي لونه اخضر وعليه رسمت نارجيل وقمت اغسل شعري في الاسبوع مرتين وخففت من استخدام الاستشوار..

[روى الريم]

سمعت عن الخل تتشطفي به بعد الحمام بس الله يعينك على رائحته