أنا بادي شعر أحمر وحلو وبيجنن وبدون لاصبوغو.. بادي بالحنى!؟

[أوراق الخريف]

السلام عليكم ورحمة الله وبركاته..

اول شي انا تعبت وانا الخص واسوي واحط الصور فارجوكم ابغي تفاعل بارك الله فيكم..

يالله انشوف كيف انلون شعرنا بدون الكيماويات والصبغات.. وبدون لينشف ويصير حليان.. وبدون ليتقصف او يصير باهت.. قولو لي بادكم شعر ايجنن واللي يشوفو يقولكم يئئئئئئئيه شوووو ايجنن..
لا تتخبلون يوم اتشوفون المقادير تراها معروفه عند الهنود اسالو المهنده الي يشتغلون في الصالون هذي الخلطه السريه عندهم ويمكن ما يخبرونكم.. واذا خبروكم شوفو ردودهم..



يالله كل وحده فيكم اتجهز هالاغراض وبعدين تتبع الطريقه ولا تحاتون كلها طبيعيه..

صور جماعيه لاغراض اللازمه:



1- الليمون.. واذا ما عندكم الليمون خذوCitric Acid مادة حامضه على شكل الحبيبات ما اعرف شو تسمونها..
* وظيفته جيل جدا لفروة الراس وخاصه حق اللي عندها القشره..



2- اضافة كبش قرفل Cloves "قرفل المطحون"..
* وظيفته يصبغ اللون الاحمر الصاخب..



3- الفلفل الحلو.. Paprika "فلفل حلو المطحون"
* يعطي لون الاحمر الفاتح والجذاب..



4- اللومي الجاف..
* يسهل توزع الالوان وسهل ظهور الصبغه الحمرى على الشعر..



5- ورود الخزامي البنفسجيه.. Lavender Flowers
* لاعطاء رائحه عبقه ولمعة طيبه..



6- او اذا ما حصلتو ورود الخزامي تحطون ورود اكليل الجبل..
* لاعطاء رائحه عبقه ولمعة طيبه..



7- القرفه الصينيه المطحونه.. او السنامكي Senna اوCassia Obovata
* لتلطيف الشعر وترطيبه وممتاز عند مكسه مع الشعر..



8- قفاز..
* علشان لا يتلون ايدكم وانتو تحطون الحنى في الصحن وتخلطونه..



9- اكياس مثلثة الشكل..
* علشان تحطون الخلطه فيهاولسهولة توزيعا على الشعر..



10- ماء..
* علشان تخلطون المكونات..

11- فرشاة لتوزيع الخلطه على الشعر..

12- حنى من النوع الممتاز وللشعر..

------------------------------

** هذا اختياري..

1- البابونج..Chamomile
* اذا تبغون لون الشعر يتحول للاشقر ولون فاتح..



2- الكركم.. Turmeric
* اذا تبغون مثل لون الهايلايت الذهبي..



---------------------------

وهذي الاشياء تحصل عند العطار والجمعيات..
وصدقوني نتايجها مذهله على قولة محمد عبدو 2

** ملاحظه اذا صابغه شعرج من قبل لا تستخدمين هالطريقه ولا بيطلع لون غريب ويمكن يخرب شعرج..

يتبع ان شاء الله ,,,,,,

[الكاشخة]

[TABLE=width:70%;][CELL=filter: dropshadow(color=burlywood,offx=4,offy=4) shadow(color=burlywood,direction=135) glow(color=burlywood,strength=5);][ALIGN=center]

مشكوره الغالية

أم سعيده

سلمت يداج بصراحة موضوع مرتب وحلو

وانا عن نفسي بجرب الخلطة

الله لا يحرمنا منج ولا يحرمج من سعيده

إختج

الكاشخة

[/CELL][/TABLE]

[أوراق الخريف]

السلام عليكم ورحمة الله وبركاته..

يتبع....

** ملاحظه مهمه اذا تبغون لون اشقر تخلطون الكركم والبابوج واذا ما تبغون اللون الاشقر انسوه ولا تضعونهم في الخلطه..

1- نلبس القفاز.. ونجهز المله او الصحن المراد وضع الحنة فيه..

2- ناخذ الحنى+ الليمون+ الماء.. وانمكسهم جميعهم مع بعض بالملعقه او اليد لانج لابسه القفاز..

3- ناتي بباقي المكونات وانمكسهم "الا الورود مثل اكليل الجبل وود الخزامى" هذيلا ابصوب..

4- ونخلطهم خلطا قويا.. ومن ثم نركه ابصوب لمدة تزيزد عن ال5 ساعات حتى يتجانس او الليل كله وفي النهار نستخدمه..

5- وعند انتهاء الفتره الازمه نضعه في اكياس مثلثة الشكل ونوزعه على الشعر.. بالفرشاه جزء جزء..

6- ونتركه على الشعر لمدة ساعه..

7- نغسل الشعر بعد مرور الوقت المطلوب..

8- ناتي بالورود.. ونضعها في الماء لمدة الساعه.. ونفصل الورود عن الماء ولا تسكبون الماء نحن نريد الماء.. وبعد غسل الشعر نشطفه بمالماء التي بقيت فيها مكونات الورود وفوائدها..

9- وشوفو النتيجه..




ويا احبائي في الله.. المكونات على حسب طول شعرج.. والحنى لازم ما يكون شكله ماي او وايد يابس وغليط.. متوسط هو الافضل..



وادعو لي بارك الله فيكم..

وتسلمين حبيبتي الكاشخه على الرد وتسلمين حبيبتي على الرد الطيب..

[Girl]

مواضيعج كللللللها حلووه بصراحه ..تسلمين حبوبه والله يحقق امنياتج يارب

[رهف3030]

الله يعطيك العافية

[فوانيس]

الله يخليج و يبارك فيج يا الغالية أم سعيدة

روعة روعة خلطة الحنا
ماشاءالله عليج

بجربها و بحاول اكررها اكثر من مره قبل العيد

ألف ألف شكر حبيبتي

[فاطمة العلي]

السلام عليكم ورحمة الله وبركاته


شي شي شي

ام سعيدة عساج على القوة دوم حبوبه


خوش خلطة


تحياتي


بنت العلي

[نورس الوجود]

السلام عليكم ورحمة الله وبركاته
الله يعطيك العافية

[أوراق الخريف]

السلام عليكم ورحمة الله وبركاته..

تسلمون عزيزاتي وخواتي على الرد والحماس.. والله انكم فرحتوني.. بس اتمنى انكم اتجربونه واتردون علي خبر شو صار.. بس بليز بالدقه.. وان شاء الله تحصلون على نتايج الي ترضيكم..

[البرتقاله]

يعطيج العافيه يالغاليه