عندك وقت فراغ ؟؟ او ما عندك وقت ؟؟ واذا عندك كيف تستغله ؟؟ شاركوني وعطوني من وقتكم ..

[أريش العين]

السلام عليكم ورحمة الله وبركاته
مساكم الله بالخير

الوقت كالسيف ان لم تقطعه قطعك كل ثانية من حياتنا محسوبة علينا
واوقات فراغنا بالهبل ومع هذا ما نستغلها بالعكس نخليها تمر مرور الكرام ولا نستفيد منها اوممكن نستغلها ولكن نستغلها فيما يغضب الرب والقلة القليلة من الناس هم من يحسنون استغلال الوقت
يقولون انه اوقات الفراغ هي السبب الرئيسي لانحراف الشباب ؟؟ هل هذا صحيح

ما مدى تأثير وقت الفراغ في حياتك ؟؟
اوقات فراغك كثيرة ؟؟ وفي شو تشغلها

انا اقول انه استغلال الوقت فن ومب اي حد قادر انه يستغل وقته صح او بالشي اللي يرضي ربه فهل انته من من يستغل وقت فراغه في ما يغضب الله

في الحاضر اعتقد انه اوقات فراغنا اكثر بوااايد من اوقات الفراغ في الماضي بس مع هذا دايما تشوف الناس مب سائلين على بعض بحجة (ماشي وقت )
اما في الماضي كانو الناس عندهم وقت فراغ اقل بس مع هذا كانو يسألون على بعض وكل واحد قلبه على الثاني
برايكم شو السبب في هالشي ؟؟
عندنا وقت فراااغ بس مب سائلين في حد ؟؟ ليييييييييش ؟؟ الجواب :ماشي وقت

هل فعلا نحن ما عندنا وقت او نحن نملك وقت فراااغ طويييييييييييل لدرجة ممكن يؤدي بنا الى اموور خطييرة او يختلف هالشي من انسان الى اخر وممكن اي واحد انه يرتب وقته ويلقى وقت للقيام بواجباته الاسرية وهواياته وممكن اي انساان انه يملي وقت فراااغه الطوييل باشيااء واايد مفيييدة

شو راايكم انتو ؟؟
وقتكم تستغلونه بشكل جيد او تضيعوونه ؟؟

وتذكر انه الوقت اللي يمر ما يرجع
استغل كل ثانيةبالصورة الصحيحة فانت محاسب عنها
الحين انا ابى اسأل سؤال :
الوقت اللي قضيته وانته تقرا موضوعي هل كان مفيد ولا لاء
والله انا ما ادري اذا كان مفيد او لاء
انتو شو رايكم

اختكم بنفسجة العين

[mm_maha]

شكرا لكي اختي الكريمة على هذا الموضوع

يا كثر وقت الفراغ ..
عندي بعض الافكار .. وهي لي اعملها في وقت فراغي

1- اتصل بصديقاتي كل يوم وحده حتى نبقى على اتصال دايم
2- ازور جدتي خصوصا الصبح لانها تكون جالسه بروحها .. وبين فتره وثانيه ازور ارحامي ..
3- ادخل المطبخ اعمل كم اكله .. يوم كيك ويوم عصاير ويوم سلطات
4- ارتب لحفلة شواي .. واذا كان ما عندي وقت اشتري من القهوه الشعبيه كباب ودجاج متبل وعمله في البيت .. ولا ننسى شواي الذره والشاي ع الفحم .. واذا حبيت نزيد نعمل بوشار ع الفحم ..
5- شاريه مجموعه من الكتب بين قصص وكتب علميه .. النوع إلي احبه واجلس اقرى .. اغلب اوقات القراءه تكون بالليل محد متفيق يجلس وياي اجلس اتسامر مع نفسي وكتابي
5- انمي هواياتي .. احب ارسم ع الزجاج .. واجلس اخيط او اطرز على قماش
6- اشتريت لي حوض سمك ونباتات زينة وورد اجلس اقرا عن طريقة اهتمام فيها في النت .. صارت عندي خبره
7- اقوم بتنظيف البيت ..
8- اجمع الاطفال واجلس اشغلهم باشياء مفيده .. منها يرتاحوا اهلي من ازعاجهم ونمي قدراتهم الابداعيه
9- ومن الاشياء إلي احبها اجيب شنطة المكياج واجلس اضع مكياج لنفسي وجلس اتزين واصفف شعري .. طبعا البركه في النت اجلس اشوف تسريحات الشعر وقصات الشعر .. وماسكه بين كل مره وثانيه نغير اللوك 2

وسلامتكم

[نجوم الليل]

مشككككرو يا الغالية على الموضوعالأكثر من حلو

وأطمنج أستفدت من الوقت الي قضيته أفرا الموضوع

وحقيقة أحنا نحتاج وقفة عنده علشان عنيد ترتيب الوقت

وأنا بالنسبة لي أيام المدرسة أو الجامعة ماعندي وقت إلا أيام خميس وجمعة وهذي أقضيها بين الطلعات أسوي الواجبات والخ... ومن تقرب العطلة الطويلة أو الصيف أتملل وأقعد فاضية وما عندي شي مع أني أخطط أيام الامتحانات أني في العطلة بسوي كذا وكذا لكن بعدين كل شي يتبخر وأقعد متمللة

أما السنة الحمد لله حطيت لي جدول بالأعمال الي بسويها في هاي العطلة وهي غالبا خطط علشان أرتب نفسي وأغراضي يعني من أتذكر شي أسجله في دفتر اليوميات علشان ما تجي العطلة إلا كل الخطط جاهزة وبكذا ما بعقد متمللة

[أريش العين]

mm_maha: هلا وغلا فيج اختي
بصرااحة ماشاء الله عليج
افكاارج حلوة
بس انتي ما جاوبتيني على باقي الاسئلة
على العموم مشكوورة على مروورج ومشاركتج وافكارج الحلوة
وربي يعطيج العافية

[أريش العين]

نجوم الليل
حيااج اختي والعفو الغالية
حتى انا نفس حالتج ايام الامتحانات احط خطط في بالي وبسويي جيه وبسوي جييه ولكن للاسف يوم تجي الاجازة كل شي يتبخر ويخطف الوقت وانا ما وسيت شي

وانا وياج انه لازم نكتب كل شي نبي نسويه عشان ما ننساه وما يمر الوقت عاالفاضي


شكرا حبيبتي على مرووورج واسعدني كلامج وانج استفدتي من الموضوع

[شجونة الحلوة]

هلا وغلا غاليتي بنفسجة العين
عوداً حميداً .. هاشخبار الامتحانات
وطلعت النائج والا بعد
وحشتينا ...

شو راايكم انتو ؟؟
وقتكم تستغلونه بشكل جيد او تضيعوونه ؟؟
والله يابنفسجة خليط من هالنوعين ...ومقصرين

وتذكر انه الوقت اللي يمر ما يرجع
استغل كل ثانيةبالصورة الصحيحة فانت محاسب عنها

نصيحة من ذهب

الحين انا ابى اسأل سؤال :
الوقت اللي قضيته وانته تقرا موضوعي هل كان مفيد ولا لاء

بالعكس مفيد واستفدنا منه
ربي يسعدج ..
اختيار رائع لموضوع جميل ..

[أريش العين]

هلا فيج زود حبيبتي شجونة
الحمدلله الامتحانات كانت
بس النتايج بعدها ما طلعت يمكن يوم الاربعاء
حتى انتو وحشتووني وااااااااااااااااااااايد

شكرا لج على اجابتج مروورج وتعليقج
وتسلميين يا احلى شجوونة

اختج بنفسجة العين

[جــوري]

تسلمين اخت بنفسجه العين على هالموضوع...

وبصراحه تقريبا انا اكثر وحده محتاجه للموضوع هذا لاني اقضي وقت فرااااااااااااااااااااااااااااغ كبير ومدري اش اسوي فيه وخاصه هذي الفتره لانه محرومين من الزيارات والخروج من البيت على الاصح بسبب الحج والزحمه .............

[العيون العسلى]

[TABLE=width:70%;background-color:transparent;background-image:url(backgrounds/21.gif);][CELL=filter:;][ALIGN=center]حبيبتى انا عن

نفسى اه وثم اه

ما عندى

وقـت

ابد

كل وقتى ما بين

الاولاد

زوجى

المدرسة

البيت

ولما الاقى وقت

بسيط

اقعد على النت قليل

اكلم لى صديقه

غاليه

على قلبى

هى من السعوديه

حبيبتى

وافوت على المنتدى

الحلو

واللى محليه

انتوا يا

عرايسنا

طبعا ازور فى صديقاتى بين الفترة والاخرة


هدا كل شئ حبيبتى[/CELL][/TABLE]

[ست بيت]

تسلمي على الموضوع الاكثر من رائع اختي بنفسجه العين ..
دقيتي على الوتر الحساس ..
انا احس اني انسانه معفوووووووسه من فوق لتحت ليش ؟؟؟؟؟
انا ما ادري ..
وقتي ابدا ما فيه بركه
احس اني طووووووووووول النهار اشتغل بس ما فيه فايده ..يعني فاضيه ومشغوله ..
وابغى اطلع وابغى اروح وابغى اجي وابغى كلللللللل شي ..
لكن !!!!
احب النظافه واحب الشغل ..واحب الطبخ ..واحب الزرع والنباتات ..واحب الخياطه ..وشغل الصوف ..كل شي احبه <<<<تتفلسف
لكن ماااااافيه وقت ولا همه <<<<طفراااااااااااانه
اللي عندها حل تسعفني به بسررررررررررررررعه
اني اغرق اغرق :