محلول البقدونس من صنع يديك: للبشره الدهنيه+ فيها حبوب+ الشاحبه..

[أوراق الخريف]

السلام عليكم ورحمة الله وبركاته..

عزيزتي ورده ينفع من غير الليمون.. سوي بدون الليمون.. وسوي قناع الروب+ طماطم كل يومين مره.. وشوفي الفرق..

[business_girl]

هلا أم سعيده
سويت المحلول بس بعدي ما استخدمته
صار 3 ايام من سويته وفورت البقدونس ولونه تغير في الماي الحار بس اظن شي طبيعي
وعقب هو عالنار عصرت فيه ليمون .. ما انتبهت قبل اني لازم اشله عن النار
صح وصفيت الماي عن البقدونس .. قلت يمكن يخيس

وامس ييت استخدمه بس ريحته فظيعه الصراحه
خفت تصيبني لوعه واصدع..
تعتقدين هو ريحته جذي؟؟ ولا انا طلع عندي غير
وصح لونه اصفر عالمخضر شوي

[أوراق الخريف]

السلام عليكم ورحمة الله وبركاته..

لالالالا business_girl ردي وسويه مره ثانيه.. لا تستخدمين الي سويتيه عقيه..

المفروض الليمون ما ينغلي على النار؟!؟!

ردي واتبعي الطريقه مره ثانيه ولازم ما يكون فيه ريحه قويه..
وصحيح لون الماي يتغير..
وما تصفين البقدونس لالا خليه فيه فوايد..

[business_girl]

عيل خبصت الدنيا.. ما انتبهت اني لازم ما اضيف الليمون والمحلول عالنار

ولا الحبيبه بعد خبرت ربيعتي وسوته قبلي بس مادري شو صار معاها بتزغندي الحين >>ترحموا علي 2

ان شاءالله بسويه مرة ثانية ويضبط

[أوراق الخريف]

السلام عليكم ورحمة الله وبركاته..

2 business_girl لحقي عليها قبل ليستوي بها شي..
وطمنيني عليها..

[عروس الغبيراء]

الليمون ما تغلى

انا غليته واستخدمه كم يوم

وفيه ريحه


شو الحين

[أوراق الخريف]

السلام عليكم ورحمة الله وبركاته..

يا حبيبتي يا ام رشووود.. الليمون ما يتغلى.. بعد ما تغلين البقدونس مه الماء تشيلينه من النار وبعد ما يهدئ ويبرد شوي عصري الليمون..

سوي مره ثانيه يا الغاليه..

[عروس الغبيراء]

اوكي برجع اسويها مره ثانيه

بس تعتقدي المرات اللي سويتها بتاثر على بشرتي

[أوراق الخريف]

السلام عليكم ورحمة الله وبركاته..

لا تحاتين يا الغاليه ما بتتاثر.. لانج ما استمريتي عليها فتره طويله..

[سهورر]

بارك الله فيج يا مشرفتنا الغالية ما تقصرين بجربها وبرد عليكى