عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله..

[أوراق الخريف]

السلام عليكم ورحمة الله وبركاته..

ادري انكم بتردون عليي وبتكثر الاسئله ان شاء الله..
المهم حبيت اخبركم عن الزيت هذا..
هو هندي الصنع..
وعلبته زجاج والزيت لونه بني غامج على كركمي غامج على احمر..
وفوايده لا تحصى:
1- يطول الشعر في مده قصيره..
2- يغذي فروة الراس..
3- يحسن من شكل الشعر..
4- يغلظ الشعر..
5- يكثف الشعر..
و........ و........ و......... و........

---------------------------

يعني لا دابر املا من ناحية الريحه.. ريحته قويه بس افضل وتتحمل مش مثل دابر املا..
ومفعوله افضل من زيت الحشيش.. يعني يطول ويغلظ بسرعه..
وفوايده احسن عن حمام الزيت.. يعني التغذيه والتحسين وانبات الشعر..

---------------------------

رخيص وينباع في سوبرماركتات وبقالات هنديه..

واسمه: هيما تاج= HimaTaj
ركزو باسمه لاني غلطت في وضع الموضوع وكتبت العنوان غلط والحين اصححه..
عليه ستيكر فيه رسمت جبال هيمالايا المشهوره.. وريال بو شنبات..
ومكتوب بلهندي والعنوان بالانجليزي..
---------------------------

طريقة الاستخدام تستخدمينه عادي كاستخدام اي زيت.. وكلما اكثرتي منه كلما حصلتي على نتايج زينه.. وادلكي فروة الراس كلما حطيتي فيه..

--------------------------

اي سؤال انا حاضره على الجواب..

اولا عند نقل الموضوع اتمنى انكم تذكرون المصدر..
ثانيا اشكر الاخت الي ساعدتني وايد وساعدت البنات اسمها بيسان في منتدى ثاني انها سهلت لي المهمه في نقل الصوره..


ومشكورين..

[جلينار]

تسلمين عزيزتي بس كل الزيوت الهنديه فيها ريحه

[أوراق الخريف]

السلام عليكم ورحمة الله وبركاته..

عزيزتي لازم يكون فيه ريحه بسبب الخلطات

[جـونه]

مشكــوره ام سعيده

لكن اول مره اشوف هالزيت ياليت اذا فيه احد من قطر ويعرف وين ينباع يقول لي وعنى انا بدوره في مركز اللولو يمكن الاقيـه

[ملاذ الحب]

من متى تبان النتيجه
وهل فعلا يكثف الشعر

[miss busy]

مشكووووره ام سعيده انشاءالله بجربه
ينفع اذا كل اسبوع مره استعملته ؟؟ يعني احطه فالليل واغسله الصبح؟
انا اشتريت دابر املا بس بعدني ماستعملته
واشتريت زيت من القريه الهنديه وبعدني ماجربته
بنات دبي اذا وحده حصلته تخبرنا

[ملكة الغزلان]

مرحبا حبوبة أم سعيدة,
من وين ألاقي هذا الزيت في الشارقة؟؟ هل ينفع لتساقط الشعر؟؟ لأن مافي شي ينفع مع ماي الشارقة "شعري راح يخلص"

[عروس الغبيراء]

مشكوره ام سعيده جعله الله ف ميزان حسناتك

تعتقدين احصله عند العطار ؟

[reoof]

مشكورة على الزيت وانشاء الله موجود بالشرقية

[أوراق الخريف]

السلام عليكم ورحمة الله وبركاته..

تسلمون عزيزاتي على الرد..

عزيزتي جونه ان شاء الله اتحصلينه دوريه في اسواق الي فيه الهنود..

اختي ملاذ الحب النتيجه اتبين بسرعه بس مع الاستمراريه ان شاء الله وبعد التوكل على الله.. والتجربه خير برهان..

عزيزتي miss busy دابر املا اوكيه.. وهذا بتحصلينه في سوبرماركتات هنديه او الجمعيات ويمكن في كارفور مش اكيد.. ودوريه في سوبرماركتات الهنديه الي فيه هنود ان شاء الله اتحصلينه.. واستخدمي مثلما تبين هو زيت عادي بس نتايجه حلوه..

عزيزتي ملكة الغزلان ماي الشارجه ما فيه شي حبيبتي!؟ ودوريه في الجمعيه او الفلاح بلازا ان شاء الله بتحصلينه..

حبيبتي ام رشود شوفيه عند العطارين يمكن اتحصلينه؟! جربي تروحين سوبرماركتات الهنود شرات الالس والجمعيات الكبيره..

تسلمين reoof على الرد حبيبتي وان شاء الله اتحصلينه..