الخله..

[miss dalo3a]

السلام عليكم ورحمة الله وبركاته

كيف الحال إن شاء الله دوم بخير ؟

بنات حبايبي محتاجتكم تساعدوني عرسي بعد 20 يوم ومو عارفه شلون ارتب خلتي

بليز انا مااعرف حد معرس فاللي عرسوا ساعدوني قولول لي شو لازم اسوي من كل شي المفرش وطاوله العشاء وترتيبها

بلييييييييييييييييز ردوا علي

الله يعطيكم العافيه


اختكم miss dalo3a

[بنوتة الامارات]

حبوبه شو يعني الخله .. مافهمت

[miss dalo3a]

الخله يعني غرفه المعرس والعروس ليله العرس

[عروووس الامارات]

حياتي كاني ودي افيدج بس انا مو متزوجة
بس كل وحدة تسوي هالامور حسب ذوقها
شوفي انتي شو تحبين

[دلوعه قطريه]

وزعي شموع بيضا وبتدرجات البيج بشكل عشوائي وحلو بالغرفه
وتكون باحجام مختلفه
وانثري الورد على السرير
واهم شي بخري الغرفه زيييييييين ورشي على السرير عطر للمفرش تحبينه بس ماتكون ريحته قويه وايد
خذي الفوط وارواب الحمام عزج الله
وامسحي عليها قطرات من دهن العود ولاتنسين تبخرين كل ملابسج وقميص النوم وتعطرينها بدهن العود والمسك واي عطر فرنسي تحبينه
ونفس الشي بالنسبه لجسمج وشعرج
واذا عندج حرمه كبيره بالسن وتعرف تسويلج خلطة عطور حلوه تنحط عالمشموم خليها تسويها وبعدين حطيها بسله حلوه بتعطي ريحه مميزه

هذا اللي جى ببالي الحين واي استفسار انا حاظره

[الغاديه]

بصراحه احنا عندنا اهل المعرس هم اللي يجهزون غرفة النوم

والعروس تحضر بكشختها ومكياجها للغرفه طبعا قبل العرس بيوم يكونون اهلها رايحين قبلها وحطين ملابسه وعطوراتها ويبخرون الملابس ويعطرونها

[مراوي]

انزين هذي الغرفه مو اهي نفسها غرفه النوم مالتهم؟