شنو اخرتها مع المسامات والشعر الي تحت الجلد والله تعبت؟؟؟

[نجمة الليل]

السلام عليكم ورحمة الله وبركاته



شلووونكم يا عراايس انشاللة مرتااحين وبخيير...


بناااات ا ليت تساعدوني بشي بكريم ولا خلطة مجربينها حق الشعر الي تحت الجلد والحبوب الي

فوق الشعر والي مشوه منظر رجلي (ساقي) حتى لو حفيت بالشيرة وشلت الشعر الي فوق الي

داخل مايطلع الي اهو الشعر الصغير والي تحت الجلد يبقى مو راضي يطلع وفوق هذا كلة حبووب

الي اهي المسامات كبيرة يعني تبين كأن الرجل فيها شعر وخشنة واهي بالعكس ناعمة بالملمس

بس بنظر تحسين انها خشنة الساق وفيها شعر من برة لكن الواقع الشعر داخلي وموراضي يطلع

فمادري شسوي في سااقي وانا على وشك زواااج ياليت تساعدووني وانا بوريكم صور لساق

مثل مشكلت ساقي بالظبط بس شكلها مو واضحة حيل شوفوهم تحت و قولولي حل يقضي على

الشعر الي تحت الجلد والمسامات الكبيرة
بس اعذروووني الصور شوي مو وااضحة بس اهي في الحقيقة مثل قشر البرتقاللل تمااما ماكو

فرق فياليت تسااعدوني في الحل عشااان تختفي المسامات الكبيرة والشعر الي تحت الجلد والي

مشوهة ساقي بليييز وانا ناطرتكم ........

[نجمة الليل]

شدعوة يابنااات محد رد عل يعن معقولة كلكم ماتعرفون حلللل

[دلوعه قطريه]

جربي السكراب
او سكراب زيت الزيتون والملح والليمون
والحمام المغربي
قبل ازالة الشعر

[نجمة الليل]

شكراااا لج حبيبتي دلوعة قطر على الخلطة وتسلمين وانشاللة بجربهاااا

[kholoud_sa]

عليك بفرك جسمك وهو ناشف 3 دقايق وعقب سكراب وبعدين شيلي بالحلاوه

[بنت البذال]

اول شي استخدمي الصنفره وبعدين سوي حمام مغربي وبهدين شيلي شيره وشوفي النتيجه الحلوه انشالله

[فديت إماراتي]

اختى يمدحون عصا الصنفره واوراق الصنفره

[أم عدول]

00 مرحبا عزيزتي 00
شوفي الروابط وان شاء الله تستفيدين
الرابط الاول

الرابط الثاني

00 تقبلي شكري وتقديري00
ام عدول

[business_girl]

يابنات...


شو هي الصنفرة؟ وكيف شكلها؟؟

وين ألاقيها؟!؟

[OoOo.kuwaiteyah.oOoO]

نجمة الليل...مبروك والله يتمم لج على خير

بالنسبه للمشكله..صاجه والله...وصفتيها عدل بعد ماشالله عليج الله يعينا عليها

الحبوب اللي تطلع لها خلطات تحطينها بعد الحف وموجوده بالمنتدى

بس اعتقد مشكلتج مثلي...الشعر تحت الجلد والمسامات...

شوفي انا شسويت...وحفيت قبل اسبوع وكانت احلى مره احف فيها بحياتي...الفال لج انشالله

الشعر تحت الجلد مشكلته هينه

سكراب لمن تتسبحين وليفه وطيحيله فرك وكل ماتتسبحين سوي هالحركه..زيادة نظافه وبنفس الوقت يطلع الشعر

المشكله اللي موهقتني المسامات اللي اذا شافها احد جنه يشوف شعر

هذي الله يسلمج جربي لها الخلطات اللي تشد المسام وموجوده بكثره بالمنتدى بس انا مالي خلق لول

ومشيت على اسهل طريقه الا وهي افرك الجلد بالليمون بعد ما احف واكررها يوميا وفعلا واللــــــــــه قلت المسامات..

يالله جربي هالطرق وقوليلي...

وموفقه انشالله