{ مـطـبـخ رمـضـان }

[همسه شوق]

2 ملعقه صغيره ب. ب الباء شنو يعني ؟

[همسه شوق]

يعطيج العافيه تسلم ايدج بغيت اسأل عن 2 ملعقه صغيره ب. ب الباء شنو يعني ؟

[مهاري]

عروسة المسك

ان شاء الله تبيضين الوجه

وان شاء الله تصيرين احسن مني يا رب ,, وطمنيني ايش صار معاك في الفطور ,,


ان شاء الله تسمعين المدح ..


همسة شوق


مشكورة حبيبتي على المرور

و ب.ب يعني بكنج بودر

بس انتبهي لا تكثرين منه لان بيخليها ناشفه كثير

اسمه Backing Powder

[palestain]

جزاج الله خير اختي ومتباركة بحلول الشهر ...
اختي مهاري انا كتبت لج سؤال في موضوعج اطلبي اي وصفة ...... وكنت انتظر جوابج من زمان ... يا ريت كرما لا امرا تردين لي عليه واكون لج شاكرة

[همسه شوق]

ايييي اعرفه بس راحت علينا اليوم باجر انشاء الله اسويها

[مهاري]

شوربة البطاطس

المقادير :

100 جرام من الزبده

3 حبة كراث مقطعه شرائح متوسطه اسمه بالانجليزي Leek

وهذا شكله





5 حبات بطاطي مقطعه مكعبات

2 -3 ليتر ماء

دبل كريم * اذا ما كان موجود ضعي بداله قشطة كي دي دي الذهبيه او اي كريمه للطبخ

مكعبين ماجي

فلفل اسود

طبعا هذه المقادير


بس انا ما حطيت كراث 1 لا حطيت 2 هذا الي لقيته

الطريقه :

نقطع هذا الجزء من الكراث الي لونه غامق



شوفوا هذا الجزء ما نستخدمه لكن اخذي جزء بسيط منه وقطعيه شرايح ضعيييييييفه للتزييين

وطبعا نقطع الكراث ونستخدم هذا منه فقط ..



نضيف الكراث والزبده في وعاد غزير ونغطيه ,, ونتركه على النار



حتى يذبل .. ثم نضيف معات البطاطس ونتركه على النار بس لازم تغطينه



وبعد مرور تقريبا 5 دقايق نضيف عليه الماء ونتركه يغلي على النار بس لا تنسون تضيفون الماجي



ونشوفه بعد 25 دقيقه هل البطاطس لينه يعني اصبحت شبه مهروسه عشان بنخلطها بالخلاط

ونضيفه في جيك الخلاط بس انتبهوا لا تكتمونه خلوه من فوقه يطلع البخار

وامسكيه عدل وسمي بالله وشغلي الخلاط

وبعدين في وعاء اخر اضيفي الخليط المتجانس من البطاطس والكراث في الوعاء حتى تنتهي الكميه

وبعدها شغلي النار على نار عاليه ولا تنسين تحركين باستمرار

واضيفي الفلفل الاسود



واول ما يغلي الخليط ,, على طول اضيفي الدبل كريم واخلطيه



وابعديه من على النار

ملاحظه * تذوقي الملح يمكن يحتاج زياده

ويقدم ويزين بشرائح الكراث الخضراء ,, وصحتين وهنا



انتظر تجربتكم ورايكم

[elmaha]

يمي

شكله رهيب
ان شاء الله نجربه ونخبرج بالتطورات

[elmaha]

صح نسيت اسالج سؤال عن القطايف
لما خلصتيها ورفعتيها من النار هل خليتيها تبرد وقفلتيها نص تسكيره ولا لما هي حاره عشان تلصق معانا لما نسكرها؟؟

[مهاري]

المها

مشكورة على المرور

القطايف يوم سويتها وخلصت ,, على طول حشيتها وهي دافيه

بس انتبهي وهما حارييين لا تجطينهم فوق بعض يلتصقون على بعض

وان شاء الله تطلع حلوه

[مدام رولا]

كل عام وانتي بالف خير ويعطيج ألف عافيه .