بنات هذي تجربتي لازالة اثار حبوب الشباب والحف

[اشراقه أمل]

بنات عن جد انا جربت هالخلطه ووجهي بدت تختفي الاثار منها بشكل ملحوظ هذا غير النعومه اللي لاحظتها من بداية اسخدام الخلطة والله ما استخدمتها الا 4 مرات ورى بعض يوميا وانام بها ويصير ماسك قوي بالوجه واشيله بماي بارد والله روووعه حبيت افيدكم به واللي عندها استفسار انا حاضرة

الادوات للخلطه...


بقدونس
كركم من العطار
صندل
حليب نيدو
رز مطحون
نشاء
حجر سفيداج
ليمون
روب
عسل

الكميات...
حاولو تكون الكميات متساوية من كل شئ لاني حطيتهم بشكل عشوائي

الطريقه ...
يا اما تجففين البقدونس بالشمس تحطيه لحد ما يجف او تسوينه كذي انا سويته وهو رطب قطعته صغير وحطيته بالخلاط اضفت له المكونات السابقه باستثناء الروب والعسل طبعا الخلاط يحتاج ماي عشان يشتغل فانا بدل ما استخدم الماي استخدمت الليمون بدله وخلطت الخلطه بحيث انها ما تصير سائله ابيها متماسكه نفس الطحين طبعا بعد ما تطلعينها راح تلاحظي انها راح تكون نفس الطحين اللي كانه مبلل المهم راح تتعبك شوي بس استحملي ولا تتضايقي وتزودي الليمون وتصير نفس العجين لاننا نريدها يابسه
المهم تحطينها بماعون وتحطيها مكشوفه باي مكان لحد ما تجف تقريبا يومين او ثلاثه بحيث الطحين يصير جاف كانه بودرة راح تلاحظي في كور صغيره ردي حطيها بالخلاط بعد ما تجف هالمرة الخلاط مو اللي بابريق لا اللي نفس الكوب اللي يستخدم لطحن القهوة البن فهمتو علي؟وحطيها بعلبه ووقت ما تريدي استخدمي منها شوي

طريقة الاستخدام..
حطي شوية روب بكوب وعسل طبيعي وحطي شوي من البودرة الخلطه واخلطيها بحيث تكون مثل الطين وحطيها بوجهك بتحسييه رهيب يشد ويسد المسام والنتائج لاحظتها بسرعه وهذا يعتمد من بشرة لبشرة


اتمنى تستفيدو ولا تنسو تدعون لي

[سمراء الوادى]

شكرا اختى نجربه ونرد عليج

[اشراقه أمل]

شكرا على ردك عزيزتي سمراء الوادي بس ليش ما احد رد علي ولا موضوعي ما عجبكم

[دراعه]

جزاك الله خير على الخلطه

[BINTALAIN]

شو نوعية بشرتج يا اشراقة أمل, أنا نوعيته دهنية بينفع اذا سويتها. متاكدة مافي اي سلبيات

[ema_uae]

عزيزتي اشراقة أمل

مبين من الخلطة أنها رووووعة و مفيدة لأن كل المواد اللي فيها زينة للبشرة و طبيعية
أما حكاية الردود فيمكن عشان الدنيا رمضان فلا تشيلين في خاطرج..

بس حابة اسألج.. الصندل شو فايدته للبشرة؟ بصراحة أنا ما عندي
فعادي لو سويت الخطلة بدونه ؟

تحياتي لج ويعطيج العافية يارب على تجربتك الحلوة و مشاركتج لنا بها ..

[اشراقه أمل]

اقتباس

المشاركة الأصلية بواسطة دراعه

	جزاك الله خير على الخلطه

واياك حبيبتي
مشكورة على ردك مرورك

[اشراقه أمل]

اقتباس

المشاركة الأصلية بواسطة BINTALAIN

	شو نوعية بشرتج يا اشراقة أمل, أنا نوعيته دهنية بينفع اذا سويتها. متاكدة مافي اي سلبيات

بشرتي دهنية وتلوع الجبد جربيها عن جد تجفف الحبوب والاثار بفترة بسيطه بتروح ان شاء الله بس داومي عليها يوميا ونامي بيها

[اشراقه أمل]

[quote=ema_uae]عزيزتي اشراقة أمل

مبين من الخلطة أنها رووووعة و مفيدة لأن كل المواد اللي فيها زينة للبشرة و طبيعية
أما حكاية الردود فيمكن عشان الدنيا رمضان فلا تشيلين في خاطرج..

بس حابة اسألج.. الصندل شو فايدته للبشرة؟ بصراحة أنا ما عندي
فعادي لو سويت الخطلة بدونه ؟

الصندل تحصلينه من العطار انصحك تاخذينه منه واذا اي استفسار انا حاضرة

[BINTALAIN]

THANKS