ابي هديه مناسبه

[الدانـــــه]

السلام عليكم ورحمة الله وبركاته

خواتي ابي منكم مساعده بسيطه

وأتمنى انكم تفيدوني

محتاره في اختيار هدايا عيد ميلاد بنات أختي

وهم اعمارهم 7 سنوات والثانيه 10 سنوات

مابي آخذ لهم العاب لان غرفهم ملياانه

يعني بشنو تنصحوني آخذ لهم

أنتظر ردوكم

أختكــم الدانــــه

[ღرومانسيةღ]

هلا حبيبتي الدانــــــــــة

والله صعب تفكرين بشي غير الالعاب لانهم اطفال
يعني الملابس وغيرها ماراح تملي عينهم كثر الالعـــاب
انتي دوري لعبة مو موجودة عندهم واشتريلهم
يعني مثلا لو عندهم باربيات وايد " جمع باربي" اشتري لهم بيت باربي او سيارتها وهكذا

وخبريني شصار معاج

#رومانسية#

[ذهب]

امممم يات في بالي شغلة بس يعتمد اهمه يحبونها او لا

ممكن تاخذين شغلات حلوة مال بنات يعني مثلآ في بنات يحبون شنطة صغية وردية مع مشط ومنظرة وحمرة صغيرة ولعبة على شكل موبايل وشباصات مال الشعر

ان شاء الله عجبتج الفكرة

وخبرينه شو يصير معك

[kholoud_sa]

وديهم مدينة الملاهي بحيث تكون مفاجأه لهم ورحله لا تنسى

[مراوي]

انا برايي تاخذين لهم العاب تعليميه

في في العالي فوق محل يبيع العاب ذهنيه وايد حلوه انا كنت باخذ لي منهم

منها لعبه يستمتعون فيها ومنها انها من الالعاب اللي ماينمل منها لانها معتمده على تشغيل المخ في الوصول للهدف بطرق مختلفه

في انواع وايد حق هالالعاب انتي تقدرين تشوفين اللعبه اللي تناسب مستواهم وهم امهم وابوهم بيقدرون يلعبونها معاهم و هذا احلى شي

اسعارهم حول 12 دينار بس

[الدانـــــه]

الغاليه رومانسيه
مشكوره عالمساعده الحلوه منج
بس انا هالمره مقرره أهديهم شي غير الالعاب
وان شاء الله اذا غير أكيد برجع لفكرتج
يعطيج العافيه ودمتي بخير

الغاليه ذهب
مشكوره عالفكره الحلووه والله انها جات في بالي آخذي لي صندوق
حلو واعبيه اكسسوارات وشنط واكسسوارات شعر وعطورات ومن هالقبيل
يعطيج العافيه وعساج عالقوه

الغاليه خلود
تسلمين عالفكره الحلوه بس وايد طبقتها يعني كل
ما يجون البحرين عندنا اوديهم عالعموم جزاج الله كل خير عالحضور الطيب

الغاليه مراوي
فكرتج وااايد حلوه وخصوصاً اذا بشاركونهم أمهم وأبوهم
مشكوره وعساج عالقوه

وان شاء الله راح أخبركم شنو أخذت لهم الهديه

أختكـــــم الدانه

[شواقي]

ممكن تشترين لهم ذهب وكل مايلبسونه بيتذكرونج والذهب بيحتفضون فيه لين مايكبرون وجذي عمرهم مابينسونج وبيستانسون لو خذتيلهم على اشكال طفواليه

[دلوعة حبيبي]

ممكن تشترين لهم الألعاب اللي تكون أشغال يدويه تلاقينها في محلات التعليم المبكر.. العاب تشغل ذهنهم وتخليهم يبتكرون اشياء يلبسونها بعد كذا مثل سلاسل وأساور وفيه افكار احلى..

[الدانـــــه]

هلااا وغلاااا فيكم خواتي

الغاليه شواقي

مشكوره حبيبتي عالفكره

بس انا السنه اللي فاتت خذيت لهم اطقم ذهب وعلى اشكال طفوليه

وهالسنه حبيت اغير من اللعاب والذهب

واهم ماشاء الله عندهم وااااايد ذهب

وشاكره لج مرورج الطيب


الغاليه دلوعة حبيبي

تسلمين عالفكره الحلووه

وان شاء الله بفكر فيها وشاكره لج حضورج العطر


أختـكم الدانـــــه

[ملايين]

انصحج اختي تاخذين لهم اشغال يدوية هم يعملونها بنفسهم تناسب اعمارهم