علاج الدكتور مبارك الاشقر

[bskotah]

السلام عليكم ورحمة الله وبركاته

شخباركم يا عرايس

عندي سؤال واتمنى اني احصل الاجابه عندكم

انا سرت اتعالجت عند الدكتور مبارك الاشقر عشان شعري
سويت التحاليل وعطاني العلاج
من ضمن العلاج في خلطه احطها مره في الاسبوع
وهي تتكون من (اللفت الاسود + خميرة)

اللي بغييت اسأله هو في حد يعرف شكل اللفت الاسود؟ دورت عليه ماحصلته... اللي حصلته اللفت الاحمر والابيض.. ومن كمن يوم سمعت الدكتور في قناة الديرة يقول انه اللفت الاسود هو نوع من البطاطا الحلوة وله اسم ثاني (كاميوكا)

خصوصا بنات الامارات (الشارجه) حد يعرف شكله والا وين ينباع

[نبض الشوق]

هلاااااااااااااااااااااا اختي بسكوته

اول مرة اسمع عن اللفت الاسود

بس انا قريت في كتب عن الشعر عن الخميرة انها زينة للشعر

سويتها بس ماستمريت بالخلطة وامي قامت تستعمل الخلطة بدالي

يعني انا اسوي خلطات وامي تجرب

تحياتي للجميع

[حبر وورق]

اقتباس

	نحتاج ربع كيلو فجل أسود (موجود لدى محلات الخضرة بكثرة ) اعتقد بالهندي اسمه (كاديوكا ) المهم.. ننظف الفجل الاسود بشكل جيد تماما بدون تقشير (لاحظوا بدون تقشر الفجل ) بعدين نفوره في الماء لين مايصير لين لين ... بعدين نحطه في الخلاط لحد مايصير مثل الماسك طبعا بدون الماي ماله الا اذا احتاج شوي من الماي ماله... ونحطة على الشعر لمدة 4 ساعات مرة في الاسبوع بس .. وان شاء الله بيفيدكم... الخلطة الثانية مفيدة جدا للقضاء على القشرة : وهي عبارة عن 2 ملعقة كبيرة خل التفاح 2 ملعقة كبيرة ليمون 1 ملعقة كبيرة زيت السمسم 2 ملعقة كبيرة ملح خشن (الملح العادي طبعا ) نسخن هذي المقادير مع بعض لين يتجانسون على النار خفيفة .. وبعدها نحطهم على شعرنا وبعد مانحطهم نجيب ( بيضتين ) ونخلطهم زنحطهم مباشره على الخلطة السابقة على الشعر ( وحذاري تكسرين البيض وتخلطينه مع الخلطة ) لازم بعد ماتحطين الخلطة بخمس دقايق تحطين البيض المكسور مباشره على الشعر لمدة 4 ساعات كماسك وبعد كذا تغسلينه عادي... ممكن تجربين الخلطتين معا بحيث تجربين الاولى في اسبوع والثانية في الاسبوع اللي بعدة هو قال لي هالكلام . ما ادري اختي اذا هذي تقصدين والا لا

ما أدري اذا كان اللفت الأسود هو نفسه الفجل الأسود .......بس عالعموم هذي صووووورته


أختيBlack Turnip تعني اللفت الأسود

العموم اذا رحتي سوق الخضرة قولي حق البائع اذا كان هندي كلمة

اقتباس

	كاميوكا

يمكن يعرفه


والله يسر لج وخبرينا شو صار معاج

[bskotah]

اختي نبض الشوق.....

تسلمين على مرورج وردج الغاليين

وسلميلي على الوالده

[bskotah]

الغالية حبر و ورق

يزاج الله الف خير حبيبتي على المعلومات اللي قلتيلي اياها و ان شاء الله باجر بسير السوق وبسأل الهندي اللي هناك...

وان شاء الله اذا حصلت فايده وعد مني ادعيلج في كل صلاه... وحتى لو مافادني بعد بدعيلج لانه اكيد مابيضرني مدامها اشياء طبيعيه

الله يوفقج ان شاء الله

[حبر وورق]

وجزاك الله خيرا

وتذكري

عن أبي الدرداء رضي الله عنه، أنه سمع رسول الله صلى الله عليه وسلم يقول: "ما من عبد مسلم يدعولأخيه بظهر الغيب الا قال الملك: ولك بمثل" رواه مسلم

وكذلك

عنه أن رسول الله صلى الله عليه وسلم كان يقول: "دعوة المرء المسلم لأخيه بظهر الغيب مستجابة، عند رأسه ملك موكل كلما دعا لأخيه بخير قال الملك الموكل به: آمين، ولك بمثل" رواه مسلم

[باوليتا]

اول مره اسمع فيه

[***دلوعه خلودي***]

اول مره اسمع فيه اذا لقيتيه فخبرينا

[شرجاوية81]

اول مرة اسمع عنه اللفت الاسود
انا من الشارجة وما سمعت عنه سيري الجمعية ولا سبينس واساليه عنه
بس خبريني يوم سرتي عند الدكتور مبارك الاشقر كم خذ عنج يعني عنده غالي ولا شو
وهو بالجلسات
با ليت اتردين علي

[red flower]

أنا سرت عند الدكتور و قالي على الكابيوكا و قالي بتلاقينه عند كارفور بس انا من ابوظبي و فعلا لقيته في كارفور تحت اسم كابيوكا او تابيوكا