طريقة عمل الwaxing خطوه خطوه وبتخليج تقولين مع السلامه يا الصالونات ولا ترجعينلهم!؟

[أوراق الخريف]

قبل لابدأ بالموضوع..

خلوني اخبركم بسالفتي اليوم رحت الصالون وبسبب ضيق الوقت والتعب لاني هلكت من الشغل والتنظيف بسبب ان العيد جاي قلت بروح الصالون وبفك عمري بشيل شعر ايديني ورجلي.. علعموم من سنتين تقريبا وانا (اعوذ بالله من كلمة أنا) اشيل الشعر بنفسي.. وقولولي مبروووووووووك.. قمت اسوي الخيط بنفسي هههههههههههه طبعا شنبي من شهرين او 3 تقريبا.. وبخبركم كيف تعلمته..
المهم لما رحت هناك انقرفت من شغلهم والمعامله الشينه وتمنيت اني سويت كل شي بنفسي.. المشكله (بدون ذكر اسم الصالون) زحمه عندهم وشغلهم معروف انا رحت لهناك بسبب مديح رفيجاتي لهم.. المهم والله قرف.. اول ما دشيت اشوف هذي مالت الصالوت واقفه تسوي حواجب وحده الله يهديها وخلتني اترياها مع ان محد في الطابق الارضي الكل فوق رايحين حق الحنه.. علعموم دخلتني داخل وجلست حسيت ان المكان مش نظيف.. وجابت لي جهاز الحلاوه والسكين والبودره في صحن جديم والقطن يقولها ارحميني من سنين شكلها استخدمته!؟ وما بكمل علعموم يوم خلصت جابت اسفنج الله يعلم مسحت كم وحده فيها خرسته ماي ونظفت ايديني وانا ماسكه حالي وشوي بنفجر..

والله الواحد احسن له ان يسوي الشغل بروحه ويمسك هالجم من خريشات.. صح كلامي والا انا مينونه؟!

كل فلس انتي اتنقينه حق الصالون انتي بنفسج تقدرين تستفيدين منه.. يشترون الاغراض ما يسوى شي ويعبونه بعلب ثانيه اونه ماركه ويستخدمونه لج ويطلعون اضعاف الاسعار..

مثال: الحلاوه يشترونه جاهزه اتكلفهم 20 درهم.. ولما يستخدمونه للزبونه الايدين والرجلين يطلعون 200 درهم او فوق!؟ ومن نفس الحلاوه يستخدمونه ل5 زباين ومن كل زبونه 200 حسبو كم المجموع!؟

طول الوقت وانا يالسه افكر بالموضوع (وحده فاضيه) المهم حبيت انصحكم واقولكم الحل سهل وكل وحده تقدر اتسوي الشي بنفسها واريح لها بدل لدق السياره سلف واتروح الصالون وتتريا دورها ومع معاملة الصالونات الارعه.. تتحمل علشان شغلها ايخلص ولينما ايي دورها اتشوف الشغل مرات مش مضمون ومرات اي كلام وترجع البيت معصبه..

موضوعي هذا اليوم بعد المقدمات الطويله العريضه عن طريقة الحلاوه كيف اتسوينها بالبيت..
الطريقه سهله جدا جدا بس يباله ان الاغراض تكون كامله وبعدين سلام سلــــــــــــــــــم..

------------------)) يتبع باقي الموضوع المضموووووووووون..

[أوراق الخريف]

** اول شي اتجهزين المعدات وهم:

1- جهاز الwax machine لابقاء حرارة الحلاوه.. تاتي بعدة مسميات wax warmer او wax machine وتاتي باشكال مختلفه..


2- حلاوه جاهزه من السوبرمركت جربو حلاوة (ميم) السوريه الي تيجي على شكل رول..


3- قطعة قماش لازالة الشعر..


4- Spatulas خشب او حديد لتوزيع الحلاوه وتاتي باشكال مختلفه..


ملاحظه:
تقدرين تستخدمين حلاوه من صنع يديك وتحطينه في الجهاز..
زورو الروابط لمعلومات كيفية عمل الحلاوه بالمنزل..
طرق عمل الحلاوه بالمنزل هنا الرابطه

---------------------)) يتبع الطريقه خطوه بخطوه

[أوراق الخريف]

1- تسخنين الحلاوه وبعده جربي على الاصبع هل هي ساخنه كفايه ويتحمله الجلد..

2- توزعين البودره على المنطقه المراد النزع الشعر بها.. البودره لا تكون معطره..


3- تاتين بالخشبه او الحديد Spatulas وتوزعين الحلاوه باتجاه نمو الشعر..

4- تاتين بالقماش وتحطينه على الجزء اذي توزع بالحلاوه وتشدينه عكس اتجاه نمو الشعر.. مره مرتين..

انتهى الموضوع ما يباله شي بس الاغراض وخلاص.. والوقت كله على ازالة الشعر مره مرتين بتتعودون وبتصيرون حريفات مثلي



وبعد ما تشلين كل الشعر بالحلاوه في طريقه اتهبل لشد البشره وتنظيف المسامات وغلقها..

1- تغسلين المنطقه بماء بااااااااااااااااارد او تدعكينه بالثلج..

2- تاتين بقطن وماء ورد وتنظفين به المنطقه..

هاتان الطريقتان رائعتااااااااااااااان..

يالله توكلو على الله وروحو واشترو الجهاز من محلات الي تنباع بها اغراض الصالون وغيرها..
جربو وردو علي بر وش صار معاكم..

[rawaan]

تسلم الأنامل

[زهره منسيه]

مشكوره عيوني

[*درب المحبه*]

يسلموووو

[عيون بوظبي]

مشكورة فديتج والله اليوم اطري حق اخت ريلي اقولها خلاص انا ببدا اسوي واكس حقي بروحي في البيت

تسلمين يا احلى ام سعيده

[ماسة دبي]

تسلمين الغاليه أم سعيده

عندي العده كلها بس ما جربت و إستفدت وايد من الموضوع

صدقتي جريب العيد لا نظافه في الصالونات و كمن مره حرقو لي إيدي و لين الحين البقع ما خازت

[خلاصة عطـــــر]

يسلمو عزيزتي شي جمييييييييييييييييييييل ومفيييييييييييييييييييييييد

[دوحانية]

الحمد لله افتكينا اليوم .. بس هاذي الحلاوة الهندية و انا تعودت على الحلاوة المصرية و أصعب شوي ..

جزاج الله خير أختي أم سعيدة على إفادتج للبنات .. و إن شاء الله نكون حريفات مثلج : )