الطريقه المضمونه باذن الله لزيادة طول+ كثافة+ قضاء على القشره= للشعر (مجرب)

[أوراق الخريف]

الطريقه المضمونه باذن الله لزيادة طول+ كثافة+ قضاء على القشره= للشعر (مجرب)

السلام عليكم ورحمة الله وبركاته

شخباركم اعضاء منتدى العروس وشو مسوين؟ عساكم بخير وسهاله باذن الله

اليوم يايبتلكم موضوع طيب وباذن الله تستفيدون منه وكلعاده عن تجربه

نبدء بسم الله الرحمن الرحيم..

طبعا بعضكم يعرف اني حامل..

ما لي بارض لاي شي وخاصة العناية بالشعر والبشره صايره كسوله وكله اشتكي من الشغل والضغط العملي..

علعموم قمت واستخدمت زيت الخروع.. ايه فقط زيت الخروع وطبعا لازم يكون الاصلي..

المهم جبت الزيت ووزعته علشعر وسويت للفروه مساج محترم وتركته علشعر تقريبا 6-7 ساعات وتقريبا ربع ساعه من هالساعات طلعي شوي جلسي برع الحوش تحت الظله علشان حرارة الشمس وبليز مش تحت ضرت الشمس لانه بياثر على الراس ويمكن اتصابين بالصرعه!؟.. يعني ربع ساعه ل نصف ساعه وانتو تعرفون الجو كيف حار علشان جيه يلسو علظله ومكان هادئ هههههههههههههههه وبعده غسلته بالشامبو المناسب لشعري الا وهو بانتين ونفس نوعية شعري..

وجففت الشعر بالفوطه وتركته شوي يتنفس وبعده وزعت كريم بالمرز الي بالجوز..

وطبعا كل اسبوع اسوي الطريقه يعني كل ويك اند..

ما بجذب عليكم واحلف بالله ان شعري طوله كان ملحوووووووووووووووووووووووظ

جربت الطريقه فقط ل 3 اسابيع تقريبا يعني 3 مرات وتعالو شوفو شعري لا تقصف ولا قشره وطول ملحوظ يعني بنفسي حسيت انه طل يوم اسحبه..

يعني بس يبالكم زيت الخروع الاصلي من العطارين وبلا خساير وبلا بحث على خلطات وزويت اخرى الغير المتوفره..


يالهه نستفيد من حرارة الشمس ههههههههههههههههه..

اتريا تجربتكم اوكيه..

[وَجَعّْ البَوُح]

منوره ام سعيده
من وين طالعه الشمس اليوم فديتك

مشكوره على الخلطه ان شاءالله اجربها واقولك النتيجه



سلاااام

[ضي_البدر]

تسلمين ام سعيده عالوصفه

اكيد انها روووووعه دامها منج

الله يعطيج العافيه

[مملكتي الصغيرة]

مشكوووووووووورة

[دندنه امل]

الله يبارك لك فى شعرك ويسعدك

بس من وين زيت الخروع الاصلى ما شى غير هذا اللى فى الغرش

وما تعرفينه اصلى والا لا

اذا تعرفين فى الشارقه وين ياليت تدلينى واكون شاكره لك



دندنه

[غرااامي]

علبته لونها ذهبي تقريبا جيه صح اختي ام سعيده وكريم اخليه على الشعر ولا اغسله بعدين افيديني لو سمحتي اختي

[غرااامي]

علبته لونها ذهبي تقريبا جيه صح اختي ام سعيده وكريم اخليه على الشعر ولا اغسله بعدين افيديني لو سمحتي اختي

[أوراق الخريف]

اقتباس

المشاركة الأصلية بواسطة دندنه امل

	الله يبارك لك فى شعرك ويسعدك بس من وين زيت الخروع الاصلى ما شى غير هذا اللى فى الغرش وما تعرفينه اصلى والا لا اذا تعرفين فى الشارقه وين ياليت تدلينى واكون شاكره لك دندنه

عزيزتي الاصلي مثل ما ذكرت من عند العطارين بتحصلينه في سوق الجديم عند العطارين..

[أوراق الخريف]

اقتباس

المشاركة الأصلية بواسطة غرااامي

	علبته لونها ذهبي تقريبا جيه صح اختي ام سعيده وكريم اخليه على الشعر ولا اغسله بعدين افيديني لو سمحتي اختي

عزيزتي زيت الخروع الاصلي من دول الشام تصدر ودوريه عند العطارين او شوفي عليه بلد الصنع من دول الشام..

[أوراق الخريف]

اقتباس

المشاركة الأصلية بواسطة غرااامي

	علبته لونها ذهبي تقريبا جيه صح اختي ام سعيده وكريم اخليه على الشعر ولا اغسله بعدين افيديني لو سمحتي اختي

تغسلين الشعر وعقب تجففينه وعقب توزعين الكريم ولا تغسلين الشعر بعده لان الكريم مغذي