سؤال لكل من جربه من المصريين أو غير المصريين

[3aroos el nile]

السلام عليكم و رحمة الله و بركاته
أنا عضوة جديدة أوى
بتمنى ترحبوا فيا ما بينكم
و عندى سؤال و خصوصا للمصريات اللى جربوا زيت جديد من زيوت الشعر نازل فى مصر و مش عرفة اذا موجود برا مصر أو لا
الزيت اسمه زيت ضفاير لإطالة الشعر
أنا كنت سمعت انه كويس و فعلا نتايجه أكيدة
فهل فى هنا حد استعمله بيقدر يقوللى؟؟
و كمان فى وحدة من الأعضاء الكرام كتبت عنه و مش حاضر فىا بالى اسمها دلوقتى
لكن ذكرت إنه بيلون الشعر شوية!!و الله أنا مش عرفة لأنه أنا أصلا شعرى فاتح و لونه بنى فمش قدرة ألاحظ كويس و مش عرفة هل ده صحيح و هل التلوين ده ممكن يسبب مشاكل بعدين؟؟
و هل أوقف استخدامه؟
ساعدونى وفقكم الله

[3aroos el nile]

هاى يا بنات
ليه مفيش ردود

[حكاية روح عاشقة]

على فكرة هوه زيت كويس انا استعملته وهو جميل بس عايز استمرارية

[غزولـه]

انشالله اللي تعرفه ترد عليج

وحيااااك الله بالمنتدى


تحياتي غزووله

[cat2006]

لو قصدك زيت ضفاير حراز

هو تحفه

[littelswan]

انا استعملت ضفاير حراز لكن فى زيت ضفاير بس مش من حراز لسه اجربه
بيقولوا بينعم الشعر جدا لكن انا بصراحه نفسى فى حاجة تطول و تغذى لانه شعرى اصبح تالف

[نسمه احساس]

السلام عليكم ورحمه الله وبركاته
انا سعوديه وما سمعت عن هذا الزيت ابدا لاكن انا اعرف زيت اخر مطول للشعر الي هوه زيت السمسم وكمان مغذي ومرطب للشعر الجاف ولا يلونه وانا استخدمه باستمرار اتمنى تجربيه على الاقل كل ثلاثه ايام ساعتين وتحطي على شعرك كيس خلال هذي الساعتين وبتلاحظين الفرق واسئل مجرب
مع اجمل الاماني

[3aroos el nile]

سلام يا بنات
شكرا لكل ردودكم و اهتمامكم
أنا دلوقتى باستخدمه و جايب معايا نتايج حلوة و مش ملاحظة أى تلوين و الحمد لله حتى الآن
الأخت cat2006
أنا معرفش زيت بالاسم ده!حلو فعلا؟طب أقدر أجيبه منين؟
مشكورة حبيبتى نسمة إحساس و زيت السمسم فعلا حلو لكن منين أجيب الأصلى من السعودية؟؟للأسف أغلب اللى موجود فى السوق مش أصلى

[نرجس20062003]

طيب يا اختى انتى جبتيه منين من مصر علشان عايزه اجيبه ياريت تقولى ليا المكان ضرورى

[Lammy]

عروس النيل

انا استعملت زيت ضفاير حراز لحد ما خلصت العلبة كلها
بصراحة هو حلو قوي و مفيد جدا كنت بلاحظ الفرق من اول مرة و بعد ما اغسل شعري على طول كمان ريحته حلوة رغم انها نفاذة
بس ما داومتش عليها لاني كسولة و هو بيستخدم 3 مرات في الاسبوع نص ساعة بعد شطف الشعر و بعد كده تغسلي شعرك تاني يعني عذاب
بس لو كنتي نشيطة انصحك بيه بجد روووووووعة كمان حلو جدا للشعر الجاف لانه بيطري الشعر و كمان بيفرد التجعيدات اللي في الشعر خصوصا لو لفيتي شعرك بعد الاستحمام
و انا دلوقتي بستعمل زيت الحية الاصلي من حراز برضه جبته من يومين و مستنية اشوف النتايج و بعد كده اقرر هستمر على ايه فيهم


و ياريت اللي جربت زيت الحية من حراز تقولنا على النتايج