KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!

[أوراق الخريف]

السلام عليكم ورحمة الله وبركـــــــــــــــــــاته

شخباركم أعضاء عروووووووووووووس.. وشو مسووووووووووووووووين..
وشو الرمضان معاكم؟! ان شاء الله صيام وقيام وبس



خلونا ندش الحين بالموضوع..
اليوم يايبه لكم موضوع روعه روعه وباذن الله بتستفيدون منه..

وارجو من الي تنقل الموضوع تذكر المصدر انه من منتديات العروس مش مهم تذكر اسمي.. اتضايقت وايد لما دخلت منتديات ثانيه وشفت النقل والمشكله ما يذكرون انه منقول كل التعب ينسبونه لاعمارهم!؟ للامانه فقط الواحد يكون حقاني والا انا غلطانه..



طولت عليكم.. علعموم الموضوع بيعجب الكل وخاصة الامهات والكبار بالسن.. يعني اذا عندكم اهات يبغون يقضون على الشيب بدل الحنى والاصباغ يستخدمون هالمنتج.. تراه مناسب لجميع الاعمار..

مره كنت يالسه مع ابويه فكان يياي من سوق السمج.. وتم يتكلم عن المواقف وذكر بانه شاف ربيعه.. قال تقريبا 15-16 سنه ما شفته بس اليوم يوم شفته انصعقت بعده شباب والشعر هو هو كثيف وغليظ واسوووووووووووووود.. قال عرفت من شو هذا الريال كان مدمن هالمنتج ههههههههههههه الي الحين بكلمكم عنه..

واختي كانت تسالني عن منتج يكثف الشعر فنصحته به ويوم استخدمته خلصته وقالت للوالده ربي يخليها اتيب لها واحد ثاني يعني رضت عليه وعجبها..

وعن نفسي كنت استخدمه في الاجازات على ايام الكليه وبعدين ترتكته لان ريحته شوي قويه ما حبيت اتعكر مزاج الربع هههههههههههه..



اسم المنتج: KalaKola Hair Tonic كالا كولا

مميزاته:
1- يقضي على الشيب..
2- مع تكرار الاستخدام يسود الشعر
3- يحافظ على طول الشعر..
4- يغلظ الشعر بطريقه ملحوظه
5- يعالج التساقط

طريقة الاستخدام:
1- تخضينه قبل الاستخدام..
2- توزعينه على الشعر كقناع.. وتتركينه 3 ساعات..
3- تغسلين الشعر بالشامبو فقط بدون البلسم..
4- تجففين الشعر
5- بعد النصف ساعه توزعين كريم مرطب

شكل المنتج:



مكان الحصول عليه:
العطار والسوق الايراني

سعره:
لا يتجاوز ال15 درهم اماراتي

ملاحظه:
مكتوب ان تستخدمينه يوميا وانا انصح في الاسبوع مرتين فقط..



ويالله اي سؤال باذن الله في الخدمه.. واشوفكم على خير باذن الله..

[قمر الزمان]

[*حبوووبه*]

مشكوووووره يزاج الله خيررر و أنا سمعت عنه قبللللل .....

[أوراق الخريف]

السلام عليكم ورحمة الله وبركاته..

تسلمون عزيزاتي reemo و حبوبه على المرور الطيب.. نورتو الموضوع بطلتكم الطيبه..

وين البقيه؟؟؟؟؟؟؟

وشكرا..

[صفوة القلب]

ربي يعطيج العافية أختي أم سعيدة ويوفقج إن شاء الله

[حتى إشعار آخر]

مشكوووووووووووووووووووووووووووووره جزاج الله الف الف خيررررررررررررر
ومااااااااااااقصرتي اختييييييييييييييييييييييييي والله فديت روحج موضوعج في قمة
التميييييييييييييييز وباذن الله بدور عليه والقاه ^______^

[ماسة دبي]

السلام عليكم و رحمة الله و بركاته

بارك الله فيج الغاليه والله فرحتيني لأني وحده أعاني من الشيب و متردده أصبغ من ثلاث سنين

إن شاء الله بجرب هالمنتج و إييب نتيجه و المهم عندي الشعر الأبيض يختفي

تسلمين الغاليه

[بقـ الشوق ـايا]

يعطيج العافيه اختي وماقصرتي

بس عندي سؤال انتي قلتي انج كنت تستخدمينه في الاجازات وبعدين ترتكتيه لان ريحته شوي قويه !!

يعني بعد ما تغسلين شعرج كانت الريحه اتم يعني ماتطلع حتى بعد ماتغسلين؟؟؟؟

[كحيلة العين]

تسلمين ام سعيده ما تقصرين !!
!تعرفين كيف احصل عليه بالسعوديه ؟

[نجمة عروس]

مشكوووووووووره والله يعطيك العافيه