ركن العناية بالشعر

أوراق الخريف · 18/10/2006, 08:49 م

ازايكمــــــــــــــــ؟! كيفينكمـــــــــــــــ؟!
في شنو؟!
اونه عاد ارمس الرمسه السودانيه هههههههههههه..

خبروني شخباركم وشو الرمضان معاكم؟! هل اتجهزتو للعيد!؟
ترى ما باقي شي يالله شدو حيلكم..

عن نفسي ما شريت شي حق عمري والا هم يحزنون لان متوقع ولادتي في اي لحظه (في كل مره اقول نغس الكلام مرو شهر عليه هههههههههههه)..

اليوم موضوعنا عن:

زيت جــــــوجــــــوبــــــا..

طبعا بعضكم سمع عنه.. وبعضكم لا..

jojoba جوجوبا زيت مستخلص من نبته وهي تكون طبيعيه..
وهذي هي شكل النبته..
مثل الزهره..

من فوايد الزيت المستخلص من الزهره:

1- ممتاز لكل انواع البشره وخاصة الجافه.. تعطيها الطراوه والنعومه.. يعني ان استخدمتيه لمرطب يوميا الصبح قبل غسيل الوجه ب ساعه سوف تحصلين على بشره نااااااااااااعمه كبشرة الطفل..
2- علاج الفعال للقشره.. يستخدم كل 4 ايام مره مع فرك الفروه وباذن الله تنتهي المشكله مع الاستمراريه..
3- ممتاز لتقوية بصيلات الشعر..
4- يقضي على جفاف الشعر.. بحيث يعطيه طراوه والنعومه..
5- يستخدم العطور الزيتيه المستخلصه من الازهار لراحه النفسيه وللمساج..
6- ممتاز للحفاظ على لون الشعر.. فبعض الماركات العالميه مثل الwella للشامبو والكريم يستخلصون الزيت من الزهره ويستخدمونه في صناعتهم..
7- ممتاز للناس التي تكثر من استخدام الصبغات.. فهي ممتازه للحفاظ على اللون والهيئه وهي علاج للشعر المصبوغ..

احدى مدرساتي كانت تدرس في بلده في آسيا في الجامعه عندهم.. تقول لي ان هذا الزيت يستخدمنه كل البنات وبشكل غريب اتقول في عطلة الاسبوع الكل يستخدم الزيت ويعجف شعره وكل عجفه امتن عن الثانيه هههههههههههههه.. طبعا نظرا لفوائده الطيبه والمغذيه للزيت.. وحتى بشرتهم رهيبه نظرا لاستخدامه كمنظف ايضا.. وهي صارت مدمنه عليه.. ما شاء الله شعرها نعومه وابد ما شي لا تقصف ولا جفاف ولا حتى خشونه.. وبشرتها حلووووووووووه كانه baby نعومه..

ف نصيحتي حق الي تعاني من الجفاف والتقصف والخشونه والتساقط انها تستخدم الزيت..

طريقة الاستخدام:

1- طبعا توزعه على الفروه وتركزين في الفروه.. ومن ثم تعملي للفروه مسااااااااااااااج لمدة ربع ساعه.. ومن ثم يمشط الشعر ب مشط ذو اسنان لتوزيع الزيت على الاطراف..
2- تعجف الشعر وتترك الزيت فيه طوال الليل او اذا استخدمته بالنهار تتركه لمدة 6 ساعات..
3- تغسله بالشامبو المناسب..

أماكن الحصول على الزيت:

العطارين او محلات بيع الادوات التجميليه الطبيعيه مثل زهور الريف او الBody Shop أو نكتار أو لاش..

الرجاء ذكر المصدر قبل النقل للامانه ..

راعية الزين · 18/10/2006, 09:13 م

مشكوره يام سعيده على المعلومات انا بعد سمعت انه ها الزيت يفرد الشعر وخاصه اذا انضاف له زيت الخزامى

عذباء · 18/10/2006, 10:46 م

وعليكم السلام ورحمة الله وبركاته
هلاااا حبيبتي
يسرج الحال
أنتي شحالج؟
إن شاء الله تربين وتقومين بالسلامه
<<<<ترمس اماراتي
اذا فيه غلط قولي لي

وش هالزيت العجيب
شفت هالزيت بس ماادري وين
عجبني شكله بس ماشريته
إن شاء الله بشتريه
وبخبرج وش صار معي

دمتي بحفظ الله

الانسة الصغيرة · 18/10/2006, 10:53 م

جزاك الله خير

أوراق الخريف · 18/10/2006, 10:55 م

تسلمين حبيبتي راعية الزين على المرور الطيب والاضافه الطيبه..
وان شاء الله الكل يستفيد من ردج الطيب..

هلا والله بعذوبه الحلوه.. اش دعوه ترمسين اماراتي هههههههههههههههه..
عزيزتي مش شرط ان الزيت يكون نفس الصور.. الصور بس لان الموضوع عن الزيت.. اي ماركه بس ايكون الزيت بخلاصة ال جوجوبا يا حلوه.. ونورتي الموضوع حبيبتي بطلتج الحلوه..

تسلمين الانسه الصغيره على الطله الجميله..

حلا عمر · 19/10/2006, 03:31 م

تسلمي يا أم سعيدة على موضوعك أنا كمان سمعت عن هالزيت كتير .. وإنشاله بنجربو بس سؤال صغير شو يعني تعجف الشعر ؟؟ وممكن نستعملو كدهن خفيف لشعر بعد الحمام ؟

أوراق الخريف · 19/10/2006, 03:38 م

أهلين حلا عمر.. الله يسلمج..
عجف يعني عقص.. يعني لما تفرقين الشعر ل3 اجزاء ومن ثم اداخلينهم لبعض..
ان شاء الله فهمتي عليي؟

أم البنين-الفرسان الحلوين · 19/10/2006, 05:51 م

السلام عليكم

هلا اختي تسمحين اساعدج واشاركج بالموضوع؟؟؟

اكيد انتي طيييييييييييبه وتسمحين

الحقيقة اني لما كنت صغيرة سمعت عن هالزيت

وشفت برنامج كامل بالتفزيون عن طريقة زراعته وفوائده

واعجبت فيه

ولما كبرت وبديت اهتم بشعري

دورت عليه وااااااايد

وما حصلت الاا نوع مصري وغرشته صغيره يا دوب تكفي قذلتي

المهم

وصيت اخوي يجيبه لي من شيكاغو ما لقاه

وصيت بنات حماي يجيبونه من كاليفورنيا

ما لقوه

اخر شي طلبته من مصنع عنده غاااااااااابااات جوجوبا

واستعملته ويا سلاااااااااااااااااااااام شي خرافي

وانا الآن ابيعه لبنات الكويت

وكل من استخدمه انجن على نتيجته

يعطي لمعه مو طبيعيه

شي عجيييييييييب

يقال ان الهنود الحمر كانو يدهنون شعرهم فيه

وهذا سبب نعومة ولمعان وطول شعرهم

وعندي عنه معلومات غريبه وعجيبه

تصدقون يا بنات ان له اكثر من عشرين فائده للشعر والجسم ؟؟

منها الرطوبة والنعومه واللمعان

وتطويل الشعر ومعالجة الإكزيما والصدفيه

وهو الزيت الوحيد اللي له القدره على التغلغل داخل الشعر وجعل النعومه والرطوبه من داخله

ويعالج الدوالي والثعلبه وامرااااض واااااااااايد

بنت الغالي · 19/10/2006, 07:48 م

واووو
اول مره اسمع عنه انشالله القاااه بقطر...

تسلمين ياام سعيده والله يسهل عليج يالغاليه

أوراق الخريف · 19/10/2006, 09:29 م

أهلين أم البنين الفرسان الحلوين.. الله يسلمج..
ومشكوره على المعلومات الطيبه ونحن اهنيه علشان انفيد.. بارك الله فيج..

هلا حبيبتي بنت الغالي مشكوووووووره على المرور الطيب.. والله يسلمج ويسلم غالييج..

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي

مواضيع مشابهة
الموضوع	الكاتب	القسم	الردود	آخر مشاركة
.•.°.•ஐ• \|[♥ இΞ صــــور مــتــنــوعـــه لـلـمـسـن Ξஇ ♥]\| •ஐ.•.°.•	ღ روح ^ بابا ღ	الكمبيوتر والبرامج	68	26/01/2008 07:45 م
இஐ‡•:.الحيـــــــاة متـــــعــةஇஐ‡•:.	Versace Vamp	أفكار وخبرات	26	30/09/2007 05:35 م
இஇ..المــوضــهـ الجديــدهـ مــن وضــع الاحزمـــهـ..இஇ	»‡«الجـــوري قــطــر»‡«	ركن الاكسسوارات	15	15/07/2007 02:01 ص

ركن العناية بالشعر

ركن يختص بالعناية بالشعر القصات الصبغات التسريحات ، للنساء فقط .

_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._