مرحبا أختي عنوده
أول شي بالبركه على إستلام الإشراف
والسموحه لأني من كمن يوم مادشيت المنتدى وتوني أشوف موضوع التهنئه
والمنتدى ما تميّز إلا بالقائمين عليه .. وبإنضمامج لهم بيتميّز أكثر وأكثر
وبالبركه مره ثانيه على الجزء اليديد .. والله يزيد ويبارك
حابه ابدى الموضوع بمشترياتي خلال زيارتي لمملكة البحرين هالويك إند
من عطور وميك آب ..
بس حالياً صورت العطور وباجر بإذن الله بكمل باقي التصوير
وايد عيبني هالعطر من Boucheron اسمه Trouble
بس إلي قهرني إنه ما حصلت البدي لوشن وياه
وكل ما اسألهم عن عطر ماحصل البدي لوشن!!
برد ادوره في محل ثاني إن شاء الله
classique من Jean paul gaultier
غرامي هالعطر ..
أتم ألف ألف على العطور .. وآخرتها أرجعله
مع إنه نزلوا منه أنواع يديده .. لكن هذا من بينهم ماشي شراته
Blanc من S.T.Dupont
هالماركه ربيعتي تحب عطر معيّن من عندهم لكنه جديم وما تغيره ابداً
فحصلت اليديد منه وهو قريب شوي من عطرها
فخذتلها واحد وحطيته من ضمن الصوغه إلي يبتها لها من البحرين
وعقب رجعت خذت لي واحد وخذت للوالده بعد واحد وعيبها وايد
لأنه ريحته مألوفه عندها من زمااان
كوكو مادمزيل من Chanel
كنت احبه وايد ..
بس في فتره انتشر وايد وقمت اشوف الكل يتعطرون منه
إلين ما عفته من كثر ما استوى وايد منتشر
وانا من طبعي احب الوحده يوم تتميز بعطرها عن غيرها
فأعلنت الإضراب عنه ..
وكل ما ادش محل عطور ما امر صوبه ..
بس هالمره حنيت له .. خصوصاً يوم جربته في المحل
ذكرني بذكريات وايد حلوه .. فما قاومته
وخذت وياه الـBody Mist .. أحلى من البدي لوشن
ولي عوده بمشتريات الميك آب
مواضيع مشابهة 
النمط المتتابع
