ماأعرف أفطمه الحين ولا لا......

[um_mohmed]

:هلا فيكم ..
ولدي عمره سنة وشهرين يرضع طبيعي بس وما يطيع يشرب أي حليب ثلني حاولت بس يشوف اللون الابيض بتنرفز عطيته كذا نوع حليب وغطيت المرضعة عشان ما يعرف شو فيها غيرت طعم الحليب حطيت بسكوت وياه وحطيت بعد كاكاو بس للأسف أشوفه أتعلق بصدري بزيادة وقام ما ياكل إلا بموت يعني بروحه بلقط مني ومناك أي شيء ويحطه إف حلجه عيبه كله ما عيبه طلعه مع إن قبل كان أكلة شوي أحسن عن الحين وايوعه عشان يشرب الحليب بس أبد بس إذا خلطت الحليب بالاكل هي عادي ممكن ييتقبل وحاولت صج أعطيه الحليب بالكوب يوم يطعمه يكفخ راسه عاد لا اتحطين الحليب بكوبي (كوبه يعني) مع إني أكون مغيره النكهة وأنا أحس خلاص نشفت ما أقدر يعني لازم طول النهار ما أرضعه عشان فليل ما يقوم من النوم يوعان عاد اتخيلو أضطر إني أسويله أكل نص الليل الصراحة مب حاله فماأدري لازم أفطمه الحين عشان ما يتعلق بزيادة ولا أستمر عادي ما فيها شيء أرجوكم فيدوني...............طلبتكم لا تردوني

[فطامي ***]

السلام عليكم , نفس القصة حليب الثدي ما يكفي ولكن للأسف حتى المرضعة ما تعرف تمصها ,والله أنا صليت الاستخارة وللحين ما فطمتها عمرها 11 شهر,, صلي استخارة والله ييسر لج

[um_mohmed]

مشكورة أختي وأنا قريت مشكلتج أف موضوع سابق.

[حواء055]

فطميه وحاولي تضيفين الحليب للاكل

[حواء055]

الله يعينك

[الدلوووعة الليبية]

السلام عليكم

ا لمشكلة نفس مشكلتي

بنتي عمرها 11 شهر وماأخدت

المرضعة أبدا مش متقبلتها

وبصراحة انا خلاص أبي أرتاح

مو يعني ماأرضعها طبيعي لا بس لازم

تساعدني المرضعة


ساعدوني ارجوكم ايش الحل

[اتركني وحيده]

انتي حاولي معاه احرمي من الحليب اشوي انشاء بعدين في نتيجه

[نورة1980]

بقولج يالغاليه اصلا الحليب الحين مافي فايدة لان الفايدة كلها في 6شهور..

وهذي الكلام مب مني من الدكتور والله خلاص انتي الحين لازم تفطمينه..

الله يكون في عونج يالغاليه..

[لارا كول]

ساعدونا ارجوكم فى مسالة الفطام بنتى ما تستغنى عن صدرى لكنها بتاكل وخصوصا وقت ما تكون عاوزة تنام صعب لازم تاخدو والا تنهارواخاف على اعصبها

[توتة البحرين]

عزيزتي um-mohmed

عزيزتي من الخطا ان الام لم تعود طفلها في الايام الاولى على

المرضعه والحين صعب تعلمينه ،،،

يالله الحين فات الوقت على ذي الكلام ،،،

لازم تحصلين حل على المشكله ،،

لا تضايقنه تراه بيعاند اذا اصرت الام على شي ،،،

عيل شنو تسوين ،،،؟؟؟

اقول لج انا شنو ،،،

عطيه عصيرات طازجه في الليل يعني تسوين عصير وتخلينه لي قام

الليل تعطينه ولا تتعبين نفسج تطبخين له نص الليل،،،

المهم وعن الحليب تقدرين تسوين له محلبيه الارز بالحليب ،،،

او شوربه وتضيفين له الحليب للمعدل الاحتياجات اليوميه للطفل ،،

واذا عندج اي مشكله ثانيه او شي تقدرين تكتبين لي في موضوعي لحل المشكلات

@@ @@

الاخت فطامي ***

تقدرين عزيزتي تعلمينها على الكوب السن مناسب لذلك

والله يساعدك ،، واذا احتجتي اي شي تقدرين تكتبين لي على موضوعي

للمشكلات ،،،

@@ @