مرحبا حبوبات
بالبركه افتتاح الجزء اليديد
وربي يبارك ويزيد إن شاء الله
وهذي مشترياتي إلي وعدتكم إني احطها من فتره
بس لأني ماكنت احصل وقت اصور الأغراض
وأغلب مشاركاتي في المنتدى كانت بشكل سريع
بعض المشتريات كنت شارتنها من البلاد
والبعض الثاني خذتها من المطار وقت ماسافرت لمملكة البحرين
ونبدأ بالمشتريات كلها
----------------------------------------------------
هذيلا بلاشرات فيهم لمعه حلوه وصبغ أظافر من bourjois..
خذتهم من عقب دعاية الأخت الغاليه مجد
----------------------------------------------------
وهذا الكيك لاينر ومثبت الميك آب من كريولاين .. أول مره أجربهم!!
كنت في مجمع من مجمعات البحرين .. وحصلت محل كامل بس يبيع منتجات هالماركه
----------------------------------------------------
باليتات أرواج من ميك آب فورايفر وكاريولاين ..
بس ما ادري ليش طالعه ألوانهم جذيه
!!
باليتة فور ايفر فيها ارواج بين درجات البرتقالي والأحمر .. وآخر لون بنفسجي
ما ادري ليش طالعين كلهم نفس اللون !!
وباليتة كاريولاين فيها وردي وأحمر وبيج
البيج درجته رهيييييييييبه بس في الصوره طالع وايد افتح !!
----------------------------------------------------
ستار باودر من ميك آب فورايفر ..
واحد على سلفر والثاني على ذهبي .. واللون الفوشي
----------------------------------------------------
eye pencil .. من ميك آب فورايفر
تركواز وبنفسجي
----------------------------------------------------
آيشدوز من ماركة inglot .. والأثنين الكبار تحت على الطرف اليمين هذيلا بلاشرات
لا تنصدمون من الألوان .. ادري شكلهم بشع
بس لأني اخترت الالوان بشكل عشوائي من كثر الدرجات إلي عندهم دار راسي
بس نوعيتهم رووووعه .. خصوصاً السطر إلي فوق عاليسار
درجات البني والبيج .. هذيلا صدق صدق روووعه
----------------------------------------------------
أرواج inglot ..
بإختصار شديد .. أحلى أرواج جربتها في حياتي
هي بين القلوس والمات .. تقريباً نفس الـPlastic Gloss من Dior
هذا غير انه ملمسهم عالشفايف روعه
من كمن يوم كنت حاطه من الوردي .. طلعت جني باربي رهييييييييب
----------------------------------------------------
قلوسات من ديور خذتهم من المطار
----------------------------------------------------
هذي من غيرلان ..
شفتها في موضوع اختنا عنوده .. ودشت خاطري من أول نظره
ومن شفتها في المطار على طووول خذتها بدون تردد .. لأني ما اشك في اختيارات عنوده ^_^
----------------------------------------------------
لمعه من غيرلان
كنت منشنه عليها من زمان ..
ويوم سرت باخذها في المطار
قالتلي إلي تبيع : ليش ما تاخذين الثلاث درجات بس في علب اصغر
ويوم روتني اياهم استانست .. لأنه حجمهم حلو وايد يناسب الشنطه
وياهم بعد فرشاه حلوه .. والمميز إنه ريحتهم وااايد حلوه
هن ثلاث درجات ..إلي فوق على البني والبيج .. إلي عاليمين تحت درجات البرتقالي
وإلي عاليسار اقرب للوردي .. طبعاً عالطبيعه أحلى وإلا التصوير كله غششش ما تبين الالوان عدل
----------------------------------------------------
وهذا إلي قدرت أصوره إلين الحين
وعندي بعد مشتريات يديده من Festival watarfront center
السنتر اليديد عندنا فدبي .. وإلي فيه سيفورا
وإن شاء الله باجر بصورهم وبحطهم
مواضيع مشابهة 
النمط المتتابع
