أنوقة تعرض تجاربها الناجحة و الفاشلة.. تفضلوا و تجولوا هنا
هلا بالعرايس..
كثيرين يراسلوني و يسألوني عن أحسن منتجات مكياج و أحسن عطور و مستحضرات استخدمتها
ففكرت ليش ما أحط موضوع أجمع فيه خلاصة تجاربي .. الايجابية و السلبية..
اذا حسيت الموضوع عجبكم.. بنزل عن مستحضرات البشرة و العطور..
نبدأ..
للعلم بشرتي تراها مختلطة..
بسم الله الرحمن الرحيم...
أولا: تحضير البشرة و البيس(قاعدة كريم الأساس):
البيس مثل ما تعرفون هو مستحضر ينحط قبل الأساس.. فائدته للترطيب و سهولة توزيع الأساس و بعضها يعطي اشراق و لمعة للبشرة..
رشاش ايفيان.. ماي عادي.. ينفع للطلعات و احطه في الشنطة خاصة أيام الحر.. منعش
فكس من ماك.. غني عن التعريف
رشتين منه قبل الأساس.. يعطيج بشرة
بيس من شانيل .. اسمه blanc universal
يرطب و يعطي لمعة خفيفة.. عيبه أنه دهني .. يعني ما يناسب ذوات البشرة الدهنية و احيانا المختلطة..
بيس من YSL..complexion enhancer
أحلى بيس جربته.. يرطب و يعطي اضاءة حلوة للبشرة
بيس من كانيبو.. جربت التستر منه.. و كان حلو نفس مستوى مال اللي قبله
&&&&*****************&&&&
الكونسيلرات:
من بوبي براون.. روعة هالكونسيلر.. تغطيته و ثباته عجيبين..
قوامه كريمي و ثقيل.. و لازم تحطين البودرة اللي معاه حتى ما يتكتل..
هو مو للاستخدام اليومي..
touch eclat من YSL
روعة.. يعطي اضاءة لتحت العين..
مشكلته خفيف.. يعني ما ينفع للي هالاتهم غامقة
من كلارينس.. خفيف و ما له داعي
جربت واحد من جيفنشي.. مثل الروج شكله.. ما لقيت الصورة بس كان يتكتل
اخر واحد من لانكوم.. نفس المشكلة التكتل
&&&&****************&&&&
الفونديشن:
حظي حلو مع الفونديشن.. كل اللي جربتهم كانوا حلوين
من كلارينس.. يعطي اضاءة حلوة.. خفيف.. للاستخام اليومي
أول أساس استخدمه ما في منه الحين.. حلو و ناعم.. لوك شبه مطفى..
أساسي المفضل من غرلاين دفينورا silky smooth
أساسي المفضل رقم 2.. من كانيبو.. روعة ..
أساسي اليومي من شيسيدو.. اتعب و أقول روعة.. ثبات..لون.. حماية نت الشمس
ناعم و ما يدهن...
&&&&*****************&&&&
البودرة الحرة:
شريت هالبودرة و انا على بالي انها مضغوطة بس طلعت حرة بشكل مضغوط ما أدري اشلون !!!
ما حبيتها وايد..
بودرتي المفضلة من غرلاين.. خفيفة.. ناعمة.. ريحتها .. ثابته
بودرة فورايفر all mat..
كانها تراب ..
بودرة استي لودر.. حلوة و قمة في النعومة بس ألوانها غاممقة..
اللي كانت عندي كانت علبتها شفافة بس تشبه هذي
&&&&*******************&&&&
البودرة المضغوطة:
بودرة كانيبو total finish
تغطيتها روعة و تعطي اضاءة حلوة
بودرة غرلاين المفضلة.. ما عاد يجي منها للأسف..
بودرة شيسيدو .. روعة من ثبات و تغطية و حمماية من الشمس.. تنفع للدوام و السفرات تنحط في الشنطة و ممكن تتعدلي أي وقت
بودرة جيفنشي matmat.. روعة كنت استخدمها ل3 سنوات تقريبا ..
بلاشر أو البودرة الحرة الملونة من ديور.. لمعة حلوة .. ثبات روعة
بلاشرات من استي لادور.. ما حسيتها مميزة.. عادية
بلاشر من ايف سان لوران.. أحب لونه القوي.. حلو وايد
الأضاءات:
بودرات الاضاءة من ماك .. السكين فينيش.. روعة
السن غلو من سيسلي .. اضاءة برونزية حلوة..
الشيمر غليمر من ماك.. روعة.. لمعة واضاءة طبيعية..
كل هالاضاءات ممكن تستخدم لبلاشر او اضاءة لأماكن البارزة للوجه مثل عظام الخدود.. الأنف.. الجبهة و الذقن
بيس الظلال:
بينت من ماك.. اسمه استلايف.. يعطي ثبات للظل و يوضح لونه.. و يعطي لمعة حلوة
الظلال:
ظلال ديور.. ثابتين.. حلوة ألوانهم.. يجون في مجموعات متناسقة من الألوان
ظلال ماك الغنية عن التعريف.. ثبات.. ألوان متنوعة.. قوة و وضوح .. أحلى ظلال
ظلال انجلوت.. تجربتي حديثة معاها.. ألوان روعة و عندهم ألون كثيرة يمكن أكثر من ماك و أرخص.. واضحين و ثابتين.. يجون بمرتبة شوية أقل من ماك
ظلال نوبا.. حلوين واضحين.. ثلبتين
مجموعة متنوعة من مختلف الماركات.. من اليمين استي لاودر حلو... NYX حلو ما ينعاب.. too faced روعة في اللمعة.. الطويل من غرلاين ما حبيته أبدا
نجي للظلال السيئة
من لانكستر.. لا ثبات و لا لون
من مكياجي.. ألوان حلوة بس الألوان الغامقة باهتة مثل الأسود و الأحمر.. و لازم بيس تحتها عشان يوضح اللون و يثبت
البني من لانكوم تعيس .. و الثاني من رفلون اتعس منه
من بوبا.. ألوان حلوة بس باهته و مو ثابتة
الأيلينر:
الجل ايلينر من بوبي براون أعشقه .. ثبات.. لون روعة..
الفلويدلاينر من ماك .. يشبه مل بوبي براون بس مل بوبي أحلى
الأيلينر السائل من ماك.. حلو و سهل بالرسم
الايلينر السائل من لانكوم.. روعة..
الايلينر السائل من ريفلون.. سواده عجيب..
أقلام التحديد من برجوا.. قوية الألوان بس تسيح بسرعة
كحال و أقلام تحديد مختلفة.. من ماك كحل سواده فاحم و ثابت .. أحبه
من ديور تعيس.. لا لون ولا ثبات
من كلارينس مثل ديور
من ارتريكو.. مثل اللي قبله
كحال ملونة من ماك..
للأسف ألونها حلوه لبرى العين فقط.. بس داخل العين باهتين
أحلى كحل جربته من بوت.. سواد و ثبات
الماسكرا
ماسكرا جربتها من لانكوم .. ما لقيت صورتها .. كانت وتربروف.. طيحت رموشي.. ما حبيتها
ماسكرا من هلينا روبنشتاين حلوة و تعطي لوك طبيعي.. البنية من كلر انستيتيوت ماشي حالها
ماسكرا و أحلى وحدة عندي من ايف سان لوران
أقلام الحواجب :
كل اللي جربتهم فاشلين من كلر انستيتيوت
أقلام تحديد الشفاه:
من ديور.. أحلاهم
من استي لادور.. لانكوم.. بوبي براون.. كلهم حلوين
من شانيل شوي سايح ,, ماكس فاكتر ماشي حاله
من بودي شوب.. حلو
الأرواج:
من بوبي براون.. عشقي هالماركة.. كل شي حلو فيهم.. أول مرة أشوف أرولج مات بس ناعمين
أرواجي المفضلة من ديور .. قمة في النعومة , الوان متنوعة
من غرلاين.. عادية
من ماك.. حلوين يجون بعد ديور في الرتبة
من لانكوم و استي لادور.. حلوين
من YSL ماشي الحال
أسوء الأرواج اللي جربتها كانت من كلارينس و سماش بوكس.. جافين.. و يطيروا بسرعة
من رفلون.. حلوين
Revlon long stay.. good
Revlon..bad
...Max factor
من بودي شوب.. حلو
الغلوسات:
من بوبي براون.. ألوان طبيعية و لمعتها حلوة.. اللي ما حبيته العلبة الصغيرة و فرشاتها ناشفة شوي
من ديور.. غلوساتي المفضلة
من غرلاين.. الثانية بعد ديور
من انجلوت.. ألوان عجيبة.. ريحة و طعم يمي يمي
غلوسات ماك .. روعة
غلوس من بوت.. لونه حلو و طعمه بعد بس العلبة صغيرة
مرطب الشفايف من ماك.. أحب طعمه و لونه
للاستخدام المتعدد:
الروج بوت من بوبي براون.. للشفايف و الخدود.. روعة
الكريم كلر بيس من ماك .. ظل و حمرة و بلاشر.. ممكن استخام كبيس للظل
اللمعات:
من makeup for ever.. الدايموند بودر.. روعة و لمعته كنها حبات ألماس..
من ماكس فاكتر الستيك.. فاشل
البجمنت من ماك.. روعة..لمعة الدايموند بودر أقوى بس لون البجمنت أقوى
لمعة لوس بودر من نوبا.. حلوة بس مو وايد
الستار بودر .. روعة ..روعة..
المناكير:
من ميشا.. حلوين بس بعضهم شفافين
من ديور.. روعة
من بودي شوب.. روعة
الوردي من لانكوم .. حلو
الأبيض من نوبا.. ماشي حاله
كان عندي واحد لونه روعة نحاسي من جيفنشي..
الفرش :
الحمد لله كل اللي عندي توفقت فيهم سواء من ماك.. بوبي براون.. بودي شوب.. مكياجي .. فورايفر
منظف الفرش.. ما جربت غير مل انجلوت.. و حلو..
أخيرا صورة لمسكن مكياجي:
هذا اللي قدرت أجمعه و أتذكره من خلال تجاربي.. أتمنى أنكم تستفيدون و تدعون لي بأن الله ييسر لي أموري و يفرج همي..
ّ
منعش
.. ثابته
النمط المتتابع
