شنو افضل اداة تستخدمينها للمكياج؟ وما تستغنين عنها؟

[MoZ(a)N]

السلام عليكم ورحمة الله وبركاته


هلا بنات شخباركم

حبيت افتح موضوع نقدر انحط فيه صور لمنتجات جديدة او غريبة..(مو شرط جديدة او غريبة).. تكون موجودة في السوق او مو موجودة عندنا.. نتكلم عنهم وعن استخداماتهم... جذي نقدر نساعد بعض.. بحيث نتعلم عن طريقة استخدام الادوات.. وكذا.. وممكن تكون عندكم اداة تستخدمونها لعدوة استخدامات.. قولولنا عن تجاربكم.. والادوات اللي تستخدمونها

كبداية جمعتلكم كم من اداة تساعدكم في وضع المكياج بطريقة صحيحة..


ال Eyelash curler: تخلي رموشك تبين وايد وايد طويلة.
طريقة الاستعمال: حطي كوعك على سطح صلب.. عشان ماتعورين روحك وتجرين رموشك بالغلط.
بعدين ثبتي الكرلر على بيس (قاعدة) رموشك واضغطي عليهم تمي ضاغطة كم من ثانية بعدين اتركيهم..[/SIZE]

اسفنجات للفاونديشن (الاساس): هذي النوع من الاسفنجات احسن من الاسفنجات اللي شكلها مثلث.. لان هاذي اطرافها مدورة تساعد في توزيع الاساس بشكل زين على الاماكن اللي مثل الخشم وتحت العين..
طريقة الاستعمال: مرري الاسفنجة تحت الماي.. و اعصريها بعدين طبطبي الاسفنجة على البودرة المضغوطة ووزعي الاساس على ويهج..


هذي للي بشرتها دهنية... تعرفين لما يمر اليوم وانتي طالعة لعزيمة والا بالدوام.. وتشيكين على الميك اب الا تحصلين منطقة في ويهج مدهنة.. خاصة الخشم.. هذي المنتج اللي هو عبارة عن اوراق تمسحين فيها المنطقة الدهنية وتمتصها.. انا خاطري فيها.. خاصة الكفر مال ديور..


فرشاة كونتور العين (Eye Contour Brush): تقدرين تستخدمينه حق دمج وتوزيع الشادو على الجفن وبرا زاوية العين.. او تقدرين تلطخينه (smudge) على خط الرموش ويعطيج السموكي لوك.. انا احط الكحل فوق العين من بداية العين لين اخرها وما يكون حطي مرتب... هاذي الفرشاة استخدمها عشان اوزع الكحل عدل ويساعدني امد الكحلة برا العين وتطلع الرسمه حلوة... ساعات يخف لون الكحل شوي فاحط كحل عليه مرة ثانية عشان اغمقه..ممكن تحصلنه في البودي شوب وكلارنس.


انا استخدمهم لما ما احط الاي لاينر او الكحل بطريقة مرتبه فامسح الزوائد بهم.. بعد لما احط الماسكرا و تطلع كتل صغيرة على الرموش.. فامسح واخففهم بهالاعواد.. تقدرين تستخدمين هلاعواد بعد لتنظيف المناكير..

لي تكمله..

انتظر ردودكم ومشاركاتكم ياحلوات

اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين.

[عطر الخدود]

مشكوره على موضوع

[ام خلفووون]

مشكوره الغلا .........

انا مااستغنى عن Eyelash curler تخلي رموشي فوق ..خخخخ

وعندي الاسفنجه اللي تقصدينها انا خذتها من ميك فور ايفر اشوفها اوكيه .......

مشكوووووووووره حبيبتي ع الموضوع............

[دوحانية]

الفراشة رقم ستة .. أحب استخدمها لتعبئة الحواجب و رسمها .. لأنها تحدد الزوايا عدل .. و ماتعرض طرف

الحاجب الخارجي ..



النوع هذا من الكونسيلر أستخدمه في :

تحديد الشفايف و ابرازها أو تصحيح شكلها / على الشفايف قبل الروج الغامق عشان يخففه و عشان يثبت

الروج طبعا احط فوقه بودرة و عقب الروج اللي ابغيه .. و بجذي يبقى الروج مدة أطول ..



الاسفنجة المثلثة تساعد على توزيع الأساس السائل او البودرة عند مدمع العين و الأماكن الضيقة اللي ممكن

ان الاسفنجة العادية ما توصلها ..



شخصيا استخدم هالنوع من الماسكرا " الجل " اذا ابي اكون بلوك طبيعي و خفيف للصبح ..

بعد مااوزع الكونسيلر الخفيف و البودرة .. حطيت هالماسكرا على حواجبي " حتى لو ما شقرتها " لأنها تبرزهم

أكثر .. و على رموشي منها ما اثقل على الرموش بالمسكرا السودا و منها أنظف الرموش من زوائد البودرة ..

.
.

تسلمين ع الموضوع النايس ..

[MoZ(a)N]

عطر الخدود

مشكورة على مرورج

ام خلفووون

تسلمين حبيبتي على مشاركتج..

دوحانية

وااااااا تسلمين عالمشاركة الحلوة يا حلوة والمفيدة
اقول.. خاطري فالماسكرا الجل الي ذكرتيها من وين اقدر احصلها ;)

اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين.

[**مغرورهـ**]

يالله عطوني من خبراتكم

<< لسه مبتدئه في المكياج

يسلمووو عيوني على الموضوع النايس

[MoZ(a)N]

الله يسلمج حبيبتي
ان شاء الله تستفيدين من هالموضوع
مشكورة عالمرور الحلو



اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين.

[دوحانية]

هلا موزان

تسلمين فديتج ...

المساكرا انا كنت اشتريها من البودي شوب .. عاد مادري لين الحين يبيعونها و لا لا ..

بس الصورة هذي للتوضيح فقط ..

[MoZ(a)N]

اهاااا..
مشكورة بشوف لما اروح هناك..



اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين.

[kholoud_sa]

مشكوره
انا عن نفسي ما استغني عن فرشاة الروج ودائما في محفظة المكياج لليد لانها تثبت الروج على الشفايف