توتة البحرين ساعديني بنظام غذائي يرفع نسبة الحديد

[شوق العيوووون]

السلام عليكم والرحمه ..

أهلين أختي توتة البحرين .... إذا ماعليك أمر ياليت تساعديني بنظام غذائي مناسب لرفع
نسبة الحديد في الدم

بنتي عمرها سنه ووزنها 7 كيلو سويت لها تحاليل
وطلع الهيموجلوبين عندها 10.03
والحديد 8.02
وبكذا صارت معها نسبة أنيميا خفيفه والدكتور قالي لازم أعوضه لها بالأكل

ياليت تساعديني ومشكوره على تعاونك معنا
تحياتي

[حبيبة جيمي]

الحمد لله بنتج دمها 10 يعني مو نازل واجد

انا ولدي كان مه 9 وارتفع في خلال شهر

بقول لج نقطو مهم يمكن تفيدج الغدا لازم يكون اكل فيه نسبة حديد كبيرة مثلا جبود او لحم دجاج ربيان وتعصرين على الغدا اشوي ليمون لانة فيه فيتامين سي وهذا يساعد على امتصاص الحديد واذا بنتج ما تحب الاكل وفيه ليون اعطيها عصير برتقال بعد الغدا مباشرة وواظبي بشكل يومي تاكل سلطة كل من الاوراق الخضرة وعصري عليها ليمون او برتقال لانه يساعد على امتصاص الحديد وانا بهالطريقة ارتفع دم ولدي والحمد لله صار 11


بس بقول لج نقطة مهم جدددددددددا ان ما تاكل ولا تشرب اي شي فيه كالسيوم لانه يعيق امتصاص الحديد

يعني وقت الي تكون ماكلة شي فيه حديد تبتعد عن الاشياء الي تحتوي على الكالسيوم

وعندج اللحوم والاوراق الخضرة والربيان المجفف والتين المجفف بالاضافة لفواكه الكيوي والجواف والموز والتفاح وغيره

اتمنى اكون افدتج من خلال تجربتي

[شوق العيوووون]

مشكورة حبيبة طمنتيني انه ممكن يتعوض بسررعه
بس الحين مشكلتي معاها نفسها مسدوده
واصلا هي اذا انفتحت شهيتها يادوب اللي تاكله كمية قليلة مره
وكل اللي يشوفني مايصدق انه عمرها سنه يعطيها أقل

[حبيبة جيمي]

على فكرة انا بعد ولدي ما يشتهي ياكل وانا على طول العب وياه الهيه واكله يعني ما ياكل بروحه كل اني الي ااكله رغم انه كبير والحين قريب يكمل 4 سنوات لكن لحد الحين اسوي معاه هالطريقة العب وياه او يكون يلعب في شي ولاهي واحط له الاكل في بوزه وياكل تعبانة منه بس ما اقدر اخليه على كيفه
وانتي بنتج صغيرة يعني سوي معاها هالطريقة تلعبين وياها او تندمج في التلفزيون شغلي اليها اناشيد قصص وانتي تسولفين وياها وتاكلينها هذي طريقة ناجحة اشوي من خلال تجربتي

[shoog2006]

حبيبة جيمي

يعني اشلون مايشرب كل شي فيه كالسيوم

انا عندي ولدي 7سنوات يحب يشرب الحليب وعنده نقص حديد اضطر كل مابين شهرين اعطيه دواء للحديد وله فروووز ويرجع النقص مره ثاانيه يعني كيف امنعه نهائيا من شرب الحليب ولا اشلون ياااريت تفيديني لانوا يمكن يكون هو السبب