التوظيف في وزارة التربية (بنات البحرين)

[نسيم فاطمة]

قوة بنات

الله يوفقنا يا عاطلات و نشتغل

أخواتي : من فيكم قدمت في شهر 4 اللي طاف امتحانات التربية و المقابلة ؟

بغيت أعرف:

- هل بلغوكم بالنتيجة ؟ لأن كا ما اتصل استفسر يقولون للحين ، معقوووولة
- هل في أحد منكم نادوها للتوظيف ؟ أو إذا سمعتوا انهم وظفوا أحد بهالفترة ؟

الله يكون بالعون 3 سنوات بالبيت ، مع أني متخرجة بتفوق و تقدير امتياز ، و كل سنة نعيد الامتحان و يخلونا على أعصابنا لكن لا حس و لا خبر

مع العلم هالمرة مو الكل نادوهم للامتحان ، ما ندري وش سياسية التوظيف هالمرة

الله يستر بس و ما نصدم مثل المرات اللي طافت

بالتوفيق للجميع

[زهرة ايامي]

اهلين+ ---

انا نادونني للامتحان نهاية 2 او شهر 3 .......تصدقين ما اذكر!

المهم...بعد الامتحان مباشرة قالو لنا مقابلة ..........

وسويناها .........وللحين لا حس ولا خبر.......ز

بس في بنات وياي اتصلو اليهم حق توظيف وبنات اتصلو اليهم وبلغوهم انهم راسبين واذا يبغون يسوون تظلم...

وبنات مثل حلاتي لا حس ولا خبر.....

واختك مثلك انا بعد من تخرجت اكثر من 3 سنوات.......

شنسوي الشكوى لله

[نسيم فاطمة]

أني سمعت من بعض الزميلات ، إن الوزارة وظفت عدد من البنات و ذلك قبل ما نقدم الامتحان الأخير ، ماأدري ليش نعيد الإمتحان كل سنة و حنا قادين بالبيت

في الإمتحان الأخير اللي قدمناه و خصوصاً العملي مو الكل نادوهم ، كانوا منادين على عدد أقل و على طول يوم ثاني كانت المقابلة . بس ما أدري يمكن يوظفونا على هالحسبة

انشاالله يا رب

دعواتكم ....... ملينا من الإنتظار

بالتوفيق للجميع

[ماركة بحرينية]

السلام عليكم


معااكم وعلى نفس الحال ،، شلوون اسمع انه في ناس نادوهم حق التوظيف ؟؟؟؟ العاام حطوا لسته الاسامي بالصيف بشهر 8 ،،، وحتى من ضمن الاعلانات انه تم توظيف 400 من العاطلين الجامعيين واول وزاره حاطينها وزارة التربيه !!!


شلووون ومتى واحنا الحين صارلنا شهر من خلصنا امتحاناتنا والمقابله معااهم ،، يعني لي متى بنقعد ؟؟؟؟



بس بنات بسألكم (( وحده كله اخر خبر ))) ووين اقدر اتأكد من اللسته مال العاطلين الجامعيين ،، لازم اروح وزاره العمل ولا اقدر استفسر في مكاان ثاني ؟؟؟ بلييييييييييييييييز خبرووني

[نسيم فاطمة]

حبيبتي ماركة بحرينية أهلين

لما كنت في المقابلة زوجي سأل واحد من اللي كانوا يصوتون على الأسامي متى راح يتم التوظيف ، قال حق السنة الجديدة (الفصل الدراسي القادم ).

بس لما سمعت انه في ناس وظفوهم اتصالنا للوزارة يمكن صار لينا نص ساعة من رقم لرقم يصيح التلفون ويموت لين يسكت بروحه ، و يالله في الأخير تفضل واحد و تكرم و رد علينا و قال للحين ما جاتهم القوائم ، إذا أقروها راح يتصلون و الله أعلم .

و بالنسبة لقوائم العاطلين ، ما أدري شكلها تبع وزارة العمل ، لأن لما نادونا وزارة التجارة لمقابلة قالوا القوائم جاية من عند وزارة العمل........ و الله أعلم

أنتي اتصلي فيهم و تأكدي .. بالتوفيق

[ماركة بحرينية]

هلا أختي نسيم

رحت اليووم وزاره العمل ،، كلش مافيها احد اكثريها في معرض المهن الي في مدرسه الدراز !!! وكل وحده تقطني على الثانيه ،، المهم في الاخير وحده تقوولي دام انهم ينادونج حق مقابلات توظيف يعني انتي موجوده في لسته العاطلين

انزين عيل شسالفه الاعانه ؟؟؟ شلون توصل ؟؟ انا كللللللللللش ماكنت اروح حق المركز من عقب ماطنشونا وزاره التربيه العام ،، واليووم رحت ،، تقولي لازم تقدمين طلب جديد ولا اتيين اليوم لانه مافي احد يتابعج ، تعالي الاسبوع اليااي !!!!!!!!! من صجهم طلب يديد ،، يعني اطلع جني توني متعطله مو من اكثر من سنتين الحين ،، شهالساالفه معااهم ذيلين !!!


بالنسبه حق وزاره التجارة ،، اول ماتصلوا فيني استانست لاني كنت مقدمه بنفسي عندهم ،، يووم رحت الا اجووف الويووه معرووفة ،، كلهم الي قدموا في التربيه جفتهم هناك ،، وتصير عفيسه المقابلات خخخخخخخ

بس جفت الاوراق اللي كانت في يدهم لما نسجل الاسامي مكتوب علينا ((( ضمن المسجلين في المشروع وممن يطلب العمل في القطاع الحكومي فقط ))


يالله ان شاء الله نسمع اخبار حلووة جريب ،، تعبنا واحنا ننطرها منهم وموفقين ان شاء الله أجمعين

[Cute Mother]

مراحب بنات

سؤال

لمتى اخر يوم التقديم حق وزارة التربية والتعليم
بالنسبة لتخصصات العلوم الانسانية؟

[ماركة بحرينية]

تفضلي اختي هذي اعلان وزاره التربيه الجديد

[نسيم فاطمة]

خبر طازج و ساخن جداً ............

سمعت انه في ناس راح يتوظفون في هاي الكورس و اسمائهم انوضعت و راح يتصلون فيهم عن قريب و اللي عرفته انه في تخصص ( التربية الرياضية ، تكنولوجيا التعليم ) و عن باقي التخصصات ما عندي خبر

توظيف من تحت لي تحت يعني محد يعرفهم ،ما أدري ليش ما يعلنون اسمائهم مثل غيرهم ؟؟؟؟؟؟؟؟ م شالكثرهم اللي يوظفونهم من غير ما ندري ....و الله حرام

و احنا لينا رب اسمه كريم

[نسيم فاطمة]

أهلين أختي ماركة بحرينية ...... و السموحة ، ما قدرت أرد عليج لأن الجهاز كان عطلان

و بالنسبة لوزارة العمل ، أنا كنت مسجلة عندهم من لما بدوا المشروع ( يعني من البداية )، و ما سجلت لمشروع التأمين ضد التعطل إلا من شهر 1 اللي طاف تقريباً ،لأنه صادتني ظروف و ما قدرت أسجل من أول الشيء .

بس إذا مثل ما تقولين إن وزارة التجارة صوتوا عليج من قبل المشروع ، يعني اسمج موجود ضمن قوائم العاطلين بس يمكن مو موجود ضمن القوائم التي تستلم الإعانة . أني بعد شفت هالعبارة لما كنت في المقابلة تبع وزارة التجارة ((( ضمن المسجلين في المشروع وممن يطلب العمل في القطاع الحكومي فقط )) .

على فكرة لما رحت أسجل لمشروع التأمين ضد التعطل طلبوا مني تجديد بيانات ، و عطوني موعد حق محاضرة اللي كانت تتكلم عن (كيفية إعداد cv و المقابلة ) و مدتها لا تتجاوز الساعة . أنتي روحي سجلي ترى من حقج تحصلين هالإعانة ، و إذا كنتين من المحرق فالمكتب في عراد .

بس أنتي تأكدي منهم ، ترى كل شيء جايز عندهم ، يمكن الوحدة مسجلة و يقولون لا مو مسجلة ، الحمدلله و الشكر .


و بالتوفيق للجميع