| حملة تطويل الشعر بدون ريحة
بسم الله الرحمن الرحيم
نبداء بنات
امس قريت موضوع وعجبني كثير للأخت شيماء عن حملة تطويل الشعر هو حلو برنامجها كثير بس انا ما احب الروايح النفاثة واقتبست من فكرتها انا نسوي حملة لتطويل الشعر بدون ريحة
والفكرة انا نحط برنامج للعناية بالشعر ويكون بالخطوات كل يوم نحط شي مثلا خلطة او زيت ويكون في نفس اليوم كل البنات اللي مشتركين معنا يحطون الخلطة او الزيت وتمر على الموضوع وتكتب الي سوته لازم تكتب عشان نتشجع ونستمر
والبرنامج يكون نقاط كاتالي :
1_الاثنين زيت الي يناسب شعرك
2_الثلاثاء راحة
3_الاربعاء خلطة حناء
4_الخميس حمام زيت مثل فاشكول و بانويل لان الحنا تنشف الشعر فلازم يكون بعدها حمام زبت
5_الجمعة راحة
6_السبت زيت اللي يناسب شعرك
7_ الاحد راحة
وبعدين لازم كل وحدة
1_ تقول نوع شعرها
2_ الزيت الي تستخدمه
3_الخلطة الي مع الحناء واذا هي صابغة شعرها تسوي الخلطة بالسدر لان الحناء تكسر الشعر المصبوغ
4_ حمام الزيت وش نوعه
5_ الشامبو اللي تستعمله
6_المكمل الغذائي
نستمر على البرنامج هذا لمدة شهر بعدين نشوف اذا فيه نتايج مشجعة من ناحية الطول النعومة صحة الشعر بشكل عام نستمر على البرنامج وبكذا نشجع بعض لان الحاجة اذا كان فيها تنافس
الوحدة تبي تسوي جهدها ولا راح تمل
خصوصا اذا كانت الجائزة تاج على راسها
ياللا بنات كل وحدة تزين تاجها على كيفها
1_نوع الشعر دهني في الفروة والشعر جاف
2_الزيت زيت زيتون مع الاس
3_الحناء مع قرنفل و سدر
4_حمام الزيت دابر فاتيكا
5_ الشامبو صانسليك بالبيض
6_حبوب زيت السمك
واهم شي الغذاء يعني كثري في اكلك زيت الزيتون واللبن باشكالة واهتمي في غذائك لان الصحة من الداخل والباقي عوامل خارجية مساعدة
والله يوفق الجميع لما يحب ويرضى
| 
مواضيع مشابهة 
النمط المتتابع
