مهم نتناقش في هالموضوع!

[loloalsageera]

السلام عليكم
بنات الموضوع اللي شاغل بالي من فتره واكيد وايد بنات مثلي
قضيه التصوير في الاعراس او الحفلات ومن ضمنها في بعض بنات
يكون معاها جوال ابو كامره وطايحه تصوير في بنات العالم هذي
حلوه وهذي كشخه وغيره والجوال يطيح في يد احد من اخوانها
او زوجها او هي من النوع اللي ماتخاف الله وتقوم ادوار النشر
علي البلوتوث او غيره والبنات المساكين مو دارين ؟
وانا قطعت عهد علي نفسي مافي تصوير ولا حتي انزع حجابي
حتي اني ما اتندم عقبها لان مارح ينفعني التصوير في شي
واتمني من قلبي ان الله يستر علي بنات المسلمين
ويهدي كل وحده تتلاعب في اعراض الناس لانها هي الخسرانه
دنيا واخره حطيت هالموضوع لاني شفت عرس والبنت اللي مصورينها
مبينه ما تدري انهم مصورينها والمشكله في بعض الاعراس تدخل
رجال متخفين بعبايه ونقاب ولا يبين عليهم

[Noor1979]

السلام عليكم ورحمه الله وبركاته..

بارك الله فيكي اختي الكريمه على النصيحه ,, الحين في تطورات كثيره .. طبعا هالمشكله ما نعانيها وايد بالبحرين .. بس اكيد بالسعوديه منتشره اكثره بحكم ان البعض يدخل بنقاب .. لكن الحل الوحيد هو شركات الامن ... ادري ان مو الكل يقدر يستأجر .. لكن ممكن وضع نساء ثقات معينات على الباب والمحاوله الحرص على عدم حمل اي موبايل او حقيبه .. ومالنا الانقول ان البنت تحاول تحافظ على نفسها وتحاول ان لا تتعرى في الاعراس وتلبس لبس فاضح .. لان في ناس ما عندهم ضمير ..

مشكوره اختي وجزاك الله الف خير

ام جنى

[ريماااااان]

اقتباس

المشاركة الأصلية بواسطة Noor1979

	السلام عليكم ورحمه الله وبركاته.. بارك الله فيكي اختي الكريمه على النصيحه ,, الحين في تطورات كثيره .. طبعا هالمشكله ما نعانيها وايد بالبحرين .. بس اكيد بالسعوديه منتشره اكثره بحكم ان البعض يدخل بنقاب .. لكن الحل الوحيد هو شركات الامن ... ادري ان مو الكل يقدر يستأجر .. لكن ممكن وضع نساء ثقات معينات على الباب والمحاوله الحرص على عدم حمل اي موبايل او حقيبه .. ومالنا الانقول ان البنت تحاول تحافظ على نفسها وتحاول ان لا تتعرى في الاعراس وتلبس لبس فاضح .. لان في ناس ما عندهم ضمير .. مشكوره اختي وجزاك الله الف خير ام جنى

الآن أختي أم جنى لا يكاد يخلو حفلة او مناسبة في المملكة الغالية إلا وهناك مشرفات أمن تفتيش على جوال الكاميرا بواسطه اجهزة ... لكن ومع هذا يدخل الجوال ...
لان الي مايخاف من الله .. ماراح يخاف من الناس .. وانا أعتقد أن هذه الظاهرة بدأت تقل .. عن أول لما طلع جوال الكاميرا ...

ولكن كما تدين تدان ...

ودقه بدقه ... ولو زدت لا زاد السقه ..

تقبلي مروري ..

[أحلام صغيرة]

صح كلامج اختي

احنا اهنيه في قطر في شركات امن والكل يجيبهم عشان الجوالات اللي بو كاميرا والكاميرات

واحنا انعاني من سالفة التصوير في الجامعه مانقدر نفصخ شيلتنا حتى يوم بنعدل شعرنا نخاف حتى في الحمام (الله يعزج) لان في بنات ماعندها لاذمة ولاضمير

الله يهديهم ان شاء الله
ويحفط كل بنات المسلمين

[lazord]

تشكري أختي عالموضوع

والله يهدي الجميع

ولكن الله يمهل ولا يهمل

وكما تدين تدان


وأنا عندي موضوع ثاني في نفس القضية "التصوير في الأعراس"

طبعا الحين الكل يجيب مصورة عشان تصور العرس سواء صور عادية أو فيديو

انزين المصورة ممكن تنسخ هذي الصور شي حالها وشي حال العروس

وماحد يضمن هي أيش تسوي بهذي الصور!!!

جزاك الله خيرا أختي عالموضوع

[عيشوش]

الله يصلح الحال
مشكورة اختي على الموضوع الهادف
جزاك الله خيرا

[loloalsageera]

السلام عليكم شكرا بنات علي التفاعل
وقضيه التصوير متفرعه حتي مصورات الاعراس
مثل ما قالت الخت lazord منهم ما تهمهم الامانه
وفي وحده كانت تصور في الاعراس وتخلي الرجال
يحمضون الافلام او يسون المونتاج اذا كان فيديو
والله قضيه فيها خراب بيوت وخراب سمعه

[mero_717]

موضوع مهم ورائع فعلا

سبحان الله مش عارفة ليه الناس كدة بتحب الشر لاخوانها

هى مش عارفة ان الله سريع الحساب

لاحول ولا قوة الا بالله

[loloalsageera]

شكرا عزيزتي
فعلا اللي ما يخاف الله مايخاف من الناس في هالامور
والله اني اتذكر وحده كانت تصور مع البنات في الاعراس
وتوري اخوها صور الحريم والمفروض احنا لوشفنا منكر
نغيره بقدر المستطاع وانا حطيت هالموضوع عل وعسي
البنات يخافون علي عمارهم سواء ان كانت البنت
تبالغ في الزينه وعادي عندها اي كان ترضي يصورها
او اللي تصور في بنات خلق الله وتفضح فيهم او حتي
ان ما كان قصدها التشهير شنو يضمن ان الصور ما تطيح
في ايد احد او تضيع

[سعودية أصلية]

أختي بحكم ما لحظته في زوجات بعض الأقارب وبعض صديقاتي والعائلة فأن منذ دخولي لباب القاعه تفتش المدعوه للحفل حتى ولو كانت أخت للعريس أو العروس تفتش شنطتها ويفتش جسمها بجهاز يكشف عن أي معدن.

ولله الحمد أي وحده عندنا تدخل لبسه عبايتها وحاطه نقاب يجبرونها أهل العريس والعروسه تنزعه أو تتفضل بلخروج خارج القاعه.

ومن اللمكن يكون في تصوير بس صدقين ما يكون الا لسبب وهو خلاف بين أهل العريس أو العروسه مع من قامت بتصوير.