تجربتي مع أول ليله زواج..

[مفتون]

مرحبا يا حلوات..

حبيت اني احطلكم موضوع كامل.. عن ليلة زواجي .. عشان افيد اللي على وش جواز

وأطمن اللي عندهم استفسارات عن هالليله .. بما انه انا كنت وايد مرتبكه ومب عارفه كيف بتكون


بس الحمدلله.. انا بقولكم شو سويت و بصراحة زوجي وايد استانس عليه.. وكان يوم جميل لين اليوم نذكره ونبتسم

انا رتبت يوم عرسي انه اسوي ميك اب وشعر من وقت.. واتصور بروحي و مع زوجي فالغرفة وعقب ننزل القاعه

عشان يكون الميك اب فرش فالتصوير و ما نكون مزحومين.. يعني تخيلو اتصور عقب ال12 فليل.. كيف بيكون وضع الميك اب؟..

وصار اللي خططت له الحمدلله... فعقب ما رحنا انا وزوجي للغرفة .. كانت لحظات ولا اروع

خليت خواتي يساعدوني يشيلون الطرحة .. ورتبو لي المكان و راحو..

وبقينا انا وهو .. بفستاني و كشختي

وايد كان مستانس على هاللحظات.. ملا عيونه مني وانا عروس .. واستمتعنا وايد..

وساعدني بفتح ازرار فستاني.. وهاللحظات كانت وايد رومانسية و مرحه .. مثل ما يقولون breaking the ice


وبعدها.. قلتله عطني شوية وقت اتعدل لك.. فقال لي اوكي انا بطلب العشا من الروم سيرفس

دخلت وكنت حاطه من قبل فالحمام مقابض حلوة للشعر .. وشنطة ميك اب صغيره و شور جيل والكريم ماله وعطري.. فبديت بفتح المقابض عن شعري.. وكنت على فكرة متفقه مع الكوافيره تسويلي تسريحة فيها كيرلز عشان يوم افتح شعري عقب.. ما اضطر اغسله وما كثرت السبراي الحمدلله..

ففتحت المقابض عن شعري و ضبطته شوي فما احتجت اني اغسله ابدا .. بس حطيت لي مقبضين على الاطراف شكلهم حلو ..

غسلت جسمي بشور جيل .. و حطيت كريم .. و الماكييره علمتني طريقة تخفيف المكياج وتضبيطه بالبودرة ..

وهي انج يكون عندج بودره مضغوطه .. و أي شدو يناسب اللون اللي هي حطت لج اياه .. فتمسحين اطراف الآي شدو بالبودره مش بمزيل المكياج .. و عقب بفرشاة الاي شدو تضبطين الاطراف .. ولو احتجتي ضبطي اللون عادي ما بيحس بالفرق زوجج ..

هو بصراحة حب فكرة اني كنت عروس و خليت عدول العرس عليه .. لأنه انا بطبيعتي وايد ناتشورال و دايما احط ميك اب طبيعي ..

بس مع التخفيف بنات لا تنسون ...

وتعطرت .. حطيت دهن عود مسحات ورا اذني .. وعلى راسي (لأنه اول يوم وايد بيبوسج على راسج ههههه ) و على خط الصدر (بس مسحة لأنه الدهن عود مر) و مسحه خفيفه تحت الابط و على السرّ و على خط البكيني .. و لبست قميص نوم اول ليله .. وهو ناعم وطويل ..

على فكرة .. قميص نوم اول يوم أبدا مب شرط يكون ابيض مثل ما هو متعارف عليه عند البنات.. اصلا الرياييل ما يعرفون هالسوالف ولا يتريون منا نلبس شي معين في يوم معين ههههه

انا عن نفسي خذت قميص نوم ناعم وطويل و كان مشيّر.. بس مميز مب عادي..

وطلعت له .. سولفنا شوي و عقب يا العشا وتعشينا وكنا وايد تعبانين وكانت ليله طويله .. فبالتالي ما قمنا الصبح هههههههه

كنا بنسافر عقبها بيومين .. فاليوم اللي بعده كله قضيناه بين الفندق و الطلعات الرومانسية .. وكان بيني وبين اهلي اتصال.. ما زرتهم .. وهالشي كان كيوت وايد لأنه حسينا انه نحن لبعض .. وشهر العسل ابتدا خلاااااص

ادري موضوعي طويل.. بس انا ايام عرسي احتجت اسأل حد هالاسئلة ..

ان شالله اكون افدتكم .. انا عروس يديده .. فاللي حابه تسألني سؤال ومحرجة تكتب فالعام تبعثلي في الخاص وانا بكون أمينه معاها والله شاهد ..

[الدمع حبر العيون]

مشكوووووووووووووووووووووووووره على الموضوع واذا عندي اسأله بسئلك ان شاءالله

[أميرة عند زوجي]

شوكرن اختي

حياه سعيده يارب

واذا عندنا اي استفسار بنسألج

[قلبك الأخر]

مبروك حبابه
منه المال ومنج العيال:>
ويستفيدون منج ان شاء الله

[بــاربــي]

مببروك
وعقبال العياااااال..

«·´`·.(*·.¸(`·.¸ ¸.·´)¸.·*).·´`·»
«·´¨*·.¸¸.* ..:: *][باربي][*::.. *.¸¸.·*¨`·»
«·´`·.(¸.·´(¸.·* *·.¸)`·.¸).·´`·»
*(¨`·.·´¨)*
`·.¸.·´
.·*

[moona moona]

الف مبرووووووووووووووووووك

[أميرة العرايس]

مبروك يا حلوه وعقبال مانسمع خبر البيبيات يا رب

[nassam]

يسلمو ع نقل تجربتك......... بس ممكن اسألك عن طريقة شعرك؟؟ مافمتها زين! و الميك اب قصدك تعدليه بالبودرة مارح تثقله اكثر؟؟؟؟

[fu55ll55a]

موضوع رائع ...أتمنى الكل يشارك ويساعد العرايس

[Bint -qatar 2008]

مبروك حبيبتي وعقبال الذريه الصالحه