ملف افكار ازفات و دخلة العروس علي القاعه........ موضوع متجدد دائماً

[thequeen]

مرحبا بالنسبة لشكل العرس اول شي لازم تكون فيه فكرة للعرس او لون معين واللون الدارج الحين الاحمر او الوردي..
اما انا فابي الجسمي او عيضة يغنون بعرسي
بس ماني عارفة شلووون احصلهم

[may moon14]

أنا عندي لكم فكرة ولا في الخيال صدقوني روعة ..






موطبيعية...








مرة وحدة سوتها ....













وياالله على هذيك الزفة .. عجبتني بمعنى الكلمة ...








صدقوني أنا أتكلم معكم بصراحة ....;) ;)











زفة ولا أجمل زفة.....














تدرون وشهي ....







(البساطة سر الجمال )


طبعاً كلكم تقولون هذي بايخة وسخيفة وماعندها سالفة

لكني أكتشفت أن مامن ورى هذي الحركات إلا الخساير ومهما سويتو يا أخواتي تأكدو أن (((((رضا الناس غاية لاتدرك )))))

[romantic bride]

يكون الفستان ابيض منثور عليه ورق شجر
وماله اكمام قصة صدر ساده زي افلام المصاريه زمان الابيض واسود
وبدل الاكمام ملفوف على يدك من فوق الكتف لتحت غصن لالشجار البني الرقيق اللين زي حبال طرزان اللي يتعلق فيها
وعليه ورق شجر برضه ملفوف حول يدينك بشكل عشوائي يجنن وتسريحتك برضه فيها ورق شجر منثور على شعرك وخلي الزفه بدايتها صوت اذغال وغابه وشلالات وحيوانات وعصافير كأنك في غابة وقبل ما تطلعي فكوا عصافير صغيرة في القاعة ((احنا مجربين في زواج صارت العصافير تطير فوق وتغرد شي خيالي والمعازيم عيونهم لفوق))
والكوشة مرة سمعت عن محلات كوشة يبيعوا كوشات مو عادية كراسي والسلام لا انا احب الاشياء اللي تلفت الانتباه
الكوشة عبارة عن أرجوحة ((شكل ارجوحة ماتتحرك ماتهتز بس شكل كذا فهمتي ؟؟؟))
وشجرة كبيرة ومغارة وراكي((ورا الارجوحة))
والعريس يلبس لبس طرزان ويطول شعره ويجي يصررررخ زي طرزان
راااااااااااح تكون مفاجأة للمعزيم
هاه اش رايك
ههههههههههههه
ترى امزح معاكم في حكاية العريس اللي مثل طرزان لا تصدقو هاه؟؟؟
بس الزفه خياليه صح اذا ما عجبتكو عندي افكار اهدأ وأحلى

[قلب جرئ]

مشاركه جديده للاخت الفاضله دهن الورد

اقتباس

	كاتب الرسالة الأصلية : دهن الورد السلام عليكم......... فكرة العرس الروماني والهندي وايد حلوه............ الصراحه كل وحده منا تريد تكون حفلة عرسها أحلى حفلة وتكون فيها حركات غريبة وجديدة... بس التعقيد والاكثار من الحركات ممكن يضيع العرس ويملل بالحضور لا سمح الله ......... بالنسبة لي من الافكار الحلوه اللي كانت في عرسي.. مشوا قدامي ست بنات صغار لا بسين نفس الالوان وشايلين في ايديهم مباخر فيها عود.. يعني قبلي بحوالي متر كان الممر كله ريحة عود ,,,,,,,,,,,,,, ريحه حلوه وشكل حلو حتى بالتصوير كان شكله حلو والناس كلهم عيبهم.. بس انا سمعت عن عرس كان روعه... العرس في الامارات ,,,,,كانت كل تفاصيل العرس من تراث الامارات........ يعني الكوشة كانت عباره عن بيت شعر في كل أثاث بيت الشعر بالوان الاحمر والخمري والاسود وجدامه بئر ورمل ومجسمات للحيوانات ويمكن تكون حقيقية مثل الطير والغزال والعنز.......والنخل,,,,,الاواني الفخارية والتنور.....الخ,,,طبعا مع التأثيرات من اضاءة وصوت.....(أحس انه روعه) ;) كل ديكورات القاعه (أعتقد خيمة) متناسقة مع بعضها,, نخل وعريش وقطع من بيت الشعر.. على كل طاوله نماذج من الاواني الفخارية صغيرة الحجم معاها نوع من التمور المحشاية بالمكسرات والكاكاو..ولافينها بنماذج لخامات مثل بيت الشعر..وشي منها نوع المداخن الصغار.. بالنسبة للزفه كانت مداخله مع أصوات للربابة ودخلة رومانسية على صوت العود مع تأثيرات الدخان والليزر.. بعد ما وصلت العروس ,,دشوا مجموعه من الأولاد الصغار بين الخمس والسبع سنوات ويالوا على اغنية لميحد ومعاهم البنات الصغار ينعشون.. طبعا فستان العروس كان مزيج من الفستان العصري مع الثوب الاماراتي الحلو وكان شكله جنان الكل يمدحه وسعره بعد غالي... أعتقد ان العرس وايد حلو وكنت أتمنى لو حضرته اكيد بكون عرفت التفاصيل اكثر,,,,,, والعرس كله من تصميم وترتيب العروس ,,الصراحه احييها لانه ما فكرت بأفكار الغرب ولا الشرق ,,,,,راحت لتراث بلادها أتمنى تعيبكم الفكره وتسلمون

[قلب جرئ]

مشاركه للاخت love touch

اقتباس

	كاتب الرسالة الأصلية : LoveTouch مرحبااااااااا بنات.. يعطيكم الف عافيه،،،الزفات حلوه.. بس انا زفتى(عرسى بعد اسبوع ان شاء الله) بسيطه جدا بكل بساطه ،، فصلت نفس فستانى لخواتى الصغار(ثنتين).... نفس الفستان بالضبط بس شكل اصغر..على اساس يكونون عرايس صغار و فديتهم بطلعون يجننون يعنى مثل الاميرات بالرغم انى ما راح احط لهم مكياج بس تسريحه مع ورد ابيض طبيعى... بعد لهم نفس المسكه...بس مصغره و بالنسبه للون اللى اختره و راح يكون مسيطر على القاعه( العرس راح يكون فى بيت هلى) و الاجواء راح يكون اللون ((الابيض)) لان هاللون له معانى وااااايد لو تاملتوه راح تحسون فيها الكوشه وكل الورود اللى تزين المكان بتكون بيضاء،، اما بالنسبه للزفه فاخترت اغنيه راشد الماجد البدر و فيه بعد اغنيه هااااااااااااديه وغايه فى الرومانسيه خاصه اللحن (اللاغنيه انجليزيه) كنت ابى احطها للزفه (يعنى اول شى شعر يمدح فيه العروس بعدين هالاغنيه) بس بعدين هونت لو انى للحين فى خاطرى هالاغنيه... المهم ،، فى بدايه الزفه الكل تقريبا يتوقع العروس تدش ،،بس العكس اول خواتى الصغار(فديتهم) يدشون بعدين بعدهم على طول ادش انا واخوى ما سك ايدى..نمشى الين ما اوصل الكوشه ناخذ لفه خفيفه و نوقف نطالع الباب... اللى بيدش من الباب هالمره بيكون العريس ،،يمشى الين ما يوصل للعروس(انا) ويستلم ايديى من اخوى..نتصور صوره مع اخوى بعدين يطلع بعد ما يبارك لى انا وللمعرس... الحركات وايد بسيطه،، قبل كنت ناويه اسوى الحفله فى قاعه بس احس ان البيت وسيع و مناسب واقدر اتحكم فيه اكثر و بالمناسبه تكاليفه اقل بوايد لو انى راح اجيب مقهويات (عشان يهتمون فى الضيوف) و اغير فى الديكور واشياء وااااايد راح اضيفهم... ارجووووووووكم بنات قولوا لى شو رايكم واذا عندكم تعديلات قولوا لى... بانتظار ردودكم..

[قلب جرئ]

مشاركه للاخت دلع الامارات

اقتباس

	كاتب الرسالة الأصلية : دلع الامارات السلام عليييكم... انا عرسي قريييب وعندي افكااار وااايد ... 1. في عندنا وحده (فالامارات) تعزف على الكمااان باللحن الي تبووونه تكووون واقفه على الكوووشه واحلى انه يكووون لحن رومنسي وتدخلييين علليييه.... 2. انا حضرت عرس كانت العروووس ماسكه باقه فيها ليت (كشاف) وكانت ليتااات الصاله كلها مبنده ما عدا طبعا الي فالمسكه والليت مركز عليييها بس هيه وكانت حلوه وايد.. 3. فالباقه الي تمسكها العروووس علييها حمااام ابيض مربوووطات بخيييط هي ماسكتنه من تحت الباااقه بدوون ما ينشاف ويوووم توصل فوق الكوووشه تودر الخيييط ويطير الحمااام ما يدهااا... 4. وعندي فكره وابا اسويييها قولولي رايكم فيها .. وهيه اني ادخل من صووب الكوووشه والريااال يدخل من الباب يعني من الجهه الثاانيه هو يمشي وانا امشي لين ما نتلاقى يمسكني ونرجع للكوووشه .. ابا اسوييها بس خايفه خبروووني اي وحده فيهم الاحلى .. وشكرا.. دلوووعتكم..

[قلب جرئ]

مشاركه للاخت الفاضله بدور

اقتباس

	كاتب الرسالة الأصلية : البدور عندي لكم زفه عمرها ما صااارت طبعا الا في زواج بنت عمي وهي كالتالي: يوم تدخل العروس حطو بروجكتر وشاشتين عرض على جانبي الصاله مصورة فيه العروس صورها من طفولتها و فترة المراهقه ثم خطوبتها وصور ملكتها وينتهي العرض بصورتها وهي لابسه الفستاان ثم تولع شموع وتدشغل زفه خااصه لها وهي شعر في اسمها واسمه وتقوم الزغااريد في العرس وهي تمشي بشويش ,يعدين ولعت زفه ((هب السعد)) ومشت الى المسرح وجلست بعدين طقوا لها كم اغنيه ورقصوا خواتها وبنات عمها وصديقاتها .بعد نص ساعه دخل المعرس على الزفه العاديه ((الدزة)) ودخل على العروس في الصااااله وجلسوا بعدين غنوا أغنيه راشد ((فمان الله يا مسافر)) وطلعو هاه وش رااايكم فيها البدور

[قلب جرئ]

مشاركه للاخت الفاضله العاش

اقتباس

	كاتب الرسالة الأصلية : العاش مرحبا بنات....افكاركم حلوه بس بالنسبه لحركة الصور من يوم صغار الي تنحط على الشاشات شفتا وااايد...هي حلوه بس وايد مسوينها... اما بالنسبه للي تبا افكار عن البحر...اقولج القاعه اتكون كلها الوان زرقا و مثلن مفارش الطاولات اتكون زرقا و عليها قماش كأنه شبك..و عقب انثري عليه قواقع و نجوم البحر و ورد ازرق مجفف..الكوشه اتكونين معلقه عليها شبك و اعشاب البحر و قواقع كبيره..البنات الصغار ممكن يلبسون مثل الحوريات و اتحطين على شعرهم قواقع صغار و عشب البحر بس بشكل ناعم.. دخلتج اتكون على صوت امواج البحر و مثلن صوت طيور النورس كأنج يالسه على البحر...اما انتي مكياجج يكوزن فيه الون الازرق اذا يناسبج و بعد دخلي في فستانج لون ازرق خفيف...الباقه ورد ازرق و علقي فيها قواقع صغااار و تنلف بعشب البحر ..طبعا خبيري الي بيسوي الباقه و هو بيعرف بس شوفي لج واحد مبدع في التنسيق..حتى في شعرج ممكن اتحطين نجوم البحر صغار...حلو بعد لو اترشين عطر frish يذكرج بالبحر...اما بالنسبه لهدايا المعازيم ممكن اتوزعين سله صغيره فيها قواقع للزينه و عطر صغير.... اتمنى انها اتعجبج و سلااااامتج

[قلب جرئ]

مشاركه للاخت سيدهم كلهم

اقتباس

	كاتب الرسالة الأصلية : سيدهم كلهم انا شفت فرح كل الديكور الموجود بالقاعه لونه كحلى وفضى بعدين وقت الزفه سمعنا موسيقى نفس الموسيقى الموجوده بعرض الازياء بعدين جو اطفال تقريبا عددهم خمسه كلهم لابسين ملابس لونها كحلى وفضى بس الشى الحلو مره تدخل بنت ومره ولد يمشون بطريقه عارضات الازياء واللى يروح يرجع لابس لبس جديد وتخيلو الاطفال وهم يعرضون الازياء صراحه كان شئ حلو بالمره ايش رايكم

[قلب جرئ]

مشاركه للاخت الفاضله kenzo-girl اغني للزفات حلوووووه

اقتباس

	كاتب الرسالة الأصلية : kenzo-girl يا بنات لاني احبكم وايد وايد في اغنيتين للزفة جديدة توه نازلة الاولى اسمها عروســـــنا يغنيها يوسف العماني والثانية ل حمود ناصر وواحد ثاني دويتو يقولون فيها (صلوا على العدناني))وايد هادية بس لاني ما اعرف اسمها حطيتلكم الكلام اللي ينقال فيها وسلامتكم