ياجماعة انا عندي بينتين وولد الكبيره عمرها 3 سنين و9شهور والأصغر سنتين و9شهور و البنوته عمرها سنه تقريبا
بنتى من النوع اللى ايعاند ولا تسمع كلامى أنا ما اشتكى منها بس فيها اشياء انا احاول اسيطر فيها عليها واحاول اغير بعض الأشياء
المهم
من يومين انا كنت في بيت أهل زوجي اللى هو قريب من بيتى وبين البيتين فريه ( فتحة في الجدار بين البيتين ) نتزاور منها كنت عندهم انا وعيالى وطبعا خوات زوجي وعيالهم وحده من خواته قالت جدام عيالى انهم بيسيرون الألعاب وبياخذون عيالى وياهم طبعا هي كانت اتسولف بس يعنى تضحك معاهم وهم لانهم اطفال ايصدقون كل شي المهم اذن المغرب وآذان المغرب في بيتى يعنى انهم يتعشون ويلبسون البيجامات ونتبدي انرتب للنوم طبعا بنتى الكبيره شلت الدنيا على راسها ومارضت تطلع معاي وضلت اتصيح بشكل هستيري واتصفع عمرها بطريقة غريبه انا انصدمت ومن صدمتى قمت ضربتها طراق ( كف ) والله انها طاحت على الأرض منه وطلعتها على البيت وكانت اتصيح ( والله ما اقدر اتذكر قلبي يتقطع ) وجلست على الدرج وقمت ضربتها مره ثنيه على كتفها وطلعتها البيت وضربتها مره ثانيه كف ثانى على خدها الثانى
والله ياجماعة اتحولت وحش على هالصغيره اللى لاحول ولا قوه عندها اوووووووووف والله انى تعبت وانا اكتب
المهم طبعا بعدين يتنى الحاسية وكلمت عمتها علشان اتقولها انهم مابيسيرون ( يعنى ليش مافكرت قبل ) والله انى جاهلة وعديمة رحمة
طبعا البنت اقتنعت شو فو جهالتى ياربي ليش ماسويت هالشي قبل لا اضربها يارب اتسامحنى
المهم طبعا وجه بنتى علم من اصبوعى( علنى الكسر )
احس نفسية البنت اتغيرت يعنى هي عادية معاي بس احس فيها شي مكسور او يمكن يتهألي من كثر ما بكيت وصحت عقب الللى سويته
ياربي الرحمة
طبعا الكل زعل مني أهل زوجي وأمى وخواتى بس حاولوا ايفهموني سألونى انا ليش جية سويت هل انا ضايجة من شي هل انا امخزنه ضيج معين وطلعته في البيت
لا والله انا مافيه شي والله لا زعلانه ولا شي بس والله ما أدري ليش والله أحس ماكنت في حاسيتى
انا بطبيعتى ما أضرب عيالى وضد هالشي وأصلا ضد ضرب العيال بأي شكل وتحت أي ضرف حتى الكل منصدم منى مب امصدقين انى انا ضربت بنتى
معروف عنى انى ما أضرب عيالى ولا احب حد يضربهم
لدرجة انه اهل زوجي ايحسون انى فاشلة في التربية لانى ما أضرب عيالى هم ايشوفون الضرب ( الخفيف ) له نتائج ايجابيه
ياااارب ساعدونى ما ابغي عيالى يتعقدون وما ابغى اخسر عيالى وما ابغى اضربهم شو اسوي خبرونى
يارب اتسامحنى يارب تهدينى يارب تحفظ عيالى
انا تعبانة متأزمة ونفسيا في الحضيض وكل ما أشوف وجه بنتى اموووووووووووت
خبرونى ساعدونى ساعدونى
مواضيع مشابهة 
انا سويت شي غلط 
النمط المتتابع
