الســــلام عليكم ورحمة الله وبركاتهــ
أخباركم؟ اعلومكم شوو مسوووين إن شاءالله كلكم بخير...اشوفني واايد شاده حيلي
هالأيام واكتب مواضيع بس شوو اسوووي لازم اخبركم كل اللي يصير لي..
اعتبرتكم والله مثل خواتي
ملاحظه: اول صفحه من الموووضوع راح يكون كلااام واايد لووول عسب تفهمون كل اللي صار
يعني لا تملون
يابنات بقولكم بتاريخ
26-8-2008 وبالتحديد الساعه 2:21 PM رن موبايلي مع رنة المعروفهـ لسوني اركسون
وجان ارد ع الموبايل
الوو مرحبااا معاك ............ انتي االآنسة بنكش
(اسم المستعار) عن تصدقون اسمي بنكش
اي انا معاكم.. مبرووك انتي انقبلتي بس لازم نسويلج اختبار نبى نعرف مدى ثقافتج الإنجليزيه
واختبارج باجر الساعه 7 الصبح فـ دبـــــي
(حددوا المكان) والإختبار 3 ساعات ونص
يااااابنااااااات مااعرف شو اقولكم اناااااا بطير من الوناااااااااسه حلم حياتي وتحقق صدق ما توقعت
يتحقق بس صدق ماشي بعيد عن ربناا والله اناا من الونااسه مااعرف لمنوو اقول.. محد كاان معاااي
ع طوول رحت اتصلت لأميييه فديتهاا حرقت التيلفون 5 مرات لووول وما ترد عليي
( كانت اميي مخليه موبايلها سايلنت)
طلعت من الغرفه اشووف اختي واقولهاااااا تخيلي منو اتصل فيني وقعدت ألعب في أعصابهاا
واقولهااا انااااااا انقبلت بس باجي لي الإختبار وراح اصير ...........................
معقووووووووووله ؟؟ احلفي مااصدق قلتلها والله والله وبصراحه عيوني دمعت ياهووووووووو
ماادري شو اقولكم بس شعووووور رائع وكان هاليوم انا بروح دبي وباجر وراي نشه من الفير
عسب مره ثانيه اروح دبي
(للإمتحان)
وعقب جان اشووف امي فدييييييتهااااااااااااا وقلتلهاا من الونااسه قامت تحضني وعيوني ادمع
حتى الخدمات يباركون لي
اناا مستانسه لأني كان حلمي اني انقبل واكون شي شي.. ومستانسه لأن امي كانت تباني اكون جي المفروض اكون بش مهندسه بس في نص الطريج غيرت واخترت تخصص ثاني واحس خيبت اهلي بس اللحين اقول الحمدالله الحمدالله هب ندمااانه ابد وتخرجت بتقدير حلوو والحمدالله الله عوضني بشي احسن
ويوم الإربعاء تاريخ 27-8-2008 مضبطه المنبه
الساعه 4 الفير مع اني ما رقدت غير ساعتين
اصلااااا النوم عيااااااااا يجيني .. ونشيت من النوم واناا حدي مصدعه جان اقول شوي برقد
اهم شي راحتي النفسيه
( يابرودي انا) ونمت لين 4:33 وانش من النوم مفزوووعه ع آذان الفير
اوووويه ماشي وقت.. ولين احين ما سبحت ولا سويت شي .. وطيران اسبح وصليت ودعيت ربي بتضرع
وما كان شي وقت اكشخ ابد ..قريت قرآن شوي بس حطيت جحال وقلوس شفاف وماااسكراا
وطلعنااا وكان ظلاام شوفوا ما نسيتكم صورتلكم عسب تعيشون معاي الجو مع انه زين مني
افتح عيوني لووول
وفي السيارة كلناا نسمع القرآن واستغفر ربي وبصراحه كان الجوو واااااااايد مخيف
واايد خفت .. صادفتناا ضباب مررررره يا بنات ما نقدر نشوف الشارع اقول في خااطري
شو هالحظ يا بنكش روحي انا متأخره ولازم احضر الإمتحان في وقت المحدد
وعقب صادفتنااا زحمه .. وقمت اتوتر بصراحه واعصابي قامت تنشد شو سويت تتوقعون
جان اشغل المسلسل
Break Prison وأخيرا وصلت السيزون الأخير لووول
وقمت اشوفه عسب مااتوتر وبصراحه اندمجت ولا حسيت بالوقت بس حسيت
بومب تخيلوا صار حادث جدامي عند الشيشة ادنوك نسيت اصوره لكم اصلا انا من
الصدمه ما يا في بالي بس الحمدالله حادث بسيط
سبحان الله صادفناا ظلام وضباب وزحمه وحادث.. بس الله يسر امورناا وصلت المكان
الساعه 6:45 AM
ودخلت المكان وماكنت اعرف بصراحه وين اروح ادخل باب واطلع من الباب الثاني
لين ما شفت واحد وسألته وعرفت المكان
ورحت وجان اشوف 4 بنات وانا الخامسه وتموا يرمسون انتوا ناس محظوظين لأن انتوا بس اللي
قبلانكم وووووو وعاد انا اشتغلت في التعارف هع
يا حووووووووووووبي لتعارف لوووول اصلا مااحب اقعد في مكان واحس عمري غريبه لازم
ادردش معاهم وكل وحده قامت ترمس وتقول عن عمرهاا وحده مديرة مدرسه وحده رئيسه قسم في الجمارك وووووو وانا طلعت اصغر وحده فيهم حتى استغربوا مني
اقول في خاطري عقبال مااصير نفسكم لووول مديرة قسم .. <<<< عادي يا بنكوشه دام وصلتي اهني ماشي بعيد عن ربج
(اعطي حافز لعمري )
وعقب يا المدير التنفيذي ماادري شو اصلا انا روحي نسيت شو وظيفته وقام يكلمنا
وانا بصراحه مااادري شوفيني ارنبط لساني اشوف الكل يسأل وانا صخييت ولا كلمة
حتى يوم كلمني مااقدرت اشوفه
<<<<<<< دخيل المستحى لوول
ودخلت الإمتحاان وطبعا من ايام الدراسه وانا احب اقعد اول وحده لووول سواء في الإمتحانات
او في الدراسه
وتكسرت ايدي وانا اكتب واحل بس توترت الكل طلع من الإمتحان إلا انا آخر وحده لووول
وعقب ما طلعت كلمني المدير ماادري شو وظيفته وطلعت من الإمتحان
وانا انزل من الدري احس يالله اشل بعمري خاطري باجرب سرير واناام حتى كان وراي ناس
يبون ينزلون من الدري وقفت عسب هم ينزلون قبلي.. اخاف أخرهم لووول بطيئه البنت في المشيه
لوولز
اول ماركبت السياره اختي تقوول بردي بردي ع قلبج اشربي عصير برتقال فريش لوول
شو الإمتحان لوول يووه اصبري شووي اخذ نفس
الحمدالله يابنات الإمتحاان كان اوكيه مب سهل ولا صعب يعني وسط بس ايدي تكسرت كله براقرافات
الحمدالله حلمي الأول تحقق
باقي حلمين في حياتي ادعولي يا بنات الله يحقق كل أحلامي يارب
يتبع حبايبي مع احداث مشوقه من بنكوشه وآخر المستجدات 
مواضيع مشابهة 
27-8-2008 يوم حافل بالإنجازات 
وصك الطريج 
النمط المتتابع
