أول حمل لي أبي فزعتكم

[غربة أيامي]

مرحبا بنات ؟شخباركم.
باختصار هذا اول حمل لي وأنا في نص الشهر السابع .
بس المشكله ماني عارفه بالضبط الأشياء اللي اشتريها للبيبي أو حتى لي أحس الأغراض اللي كتبتها ناقصه ياليت اللي عندها خبره تكتب لي بالتفصيل الأشياء اللي المفروض اشتريها.
وشكرا مقدما والله يرزق كل محرومه.

[PrinCess SariTa]

تفضلي

[*Hala*]

مرحبا
حبيبتي لازم تاخذين ملابس للبيبي (ملابس داخليه.(بربتوزات مكممه ونص كم وبدون *يتعمد ع الجو* ) . لبسات كشخه ، بيجامات .. مهادات ، قبعات ، جوارب ،، قفازات للبيبي ،، لحاف او بطانيات لليبيبي ولفات للبيبي) مريله للبيبي
اغراض السباحه ( بانيو ، شامبو ، صابون جسم .. اسفنجه للبيبي..) فوط للبيبي + مقياس حراره الماي (موجود بمذركير)
شفاطه الحليب لان بعد ماتولدين صدرج بيدر حليب وبتكون فيه كميه وقت ماتكونين مرضعه ممكن تشفطين وتحطينه بالفريزر لوقت تحتاجينه .. رضاعات .. معقمه رضاعات ، صابون خاص لغسيل الرضاعات ، لهايه
مقص اظافر ،، مدري شسمها اللي يحطونها بآنف البيبي ويشفطون الوصخ .. فرشاه للشعر ..مقياس حراره
سرير البيبي او سله..
شنطه لاغراض البيبي..
كريم لمنطقه الحلمه (ماركه بالمرز)
حفاظات وكريم لمنطقه الحفاظ (ماركه سودو كريم مره رهيبه) ومسحات حفاظ (وايبز)
كرسي السياره
عربه للطفل
العاب ..


وبس هذا اللي اشوفه مهم ،، ان شاء الله تستسفيدين

[صمتي مهابة]

بالبــركــة حبيبتــي واللهـ يسهـل عليـج ويقـومج بالسـلامـة

انـا بصـراحة مـاعنـدي خبـرة بس كنـت اروح ويـا بنـت خالـتي ليتن كانـت تتشـرى

كانـت تـاخذ مراضـع - فـوط - مصـاصـات - بيجـامـات - فانيـلات حق تحت الثياب - مهـاد - مرايـل

كريـمات - شـامبو اليهـال وصابـون - زيـت جونسـون - العـاب خفيفـة - قفـاز حق اليـد عشـان اليـاهل مايشمـخ

روحـه

وبعـد هاي اللي نفـس بانيو صغير حق اليـهال والاسفنجـة اللي ويـاه

هـاي اللي اعرفـه ماحبيـت ادش وماارد عليـج

[*Hala*]

نسيت اقولج الله يقومج بالسلامه وتفرحين بالبيبي

[الاسطوره المحطمه]

ماشاء الله تبارك الله
الله يثبته ويجيبه بصحه وسلامه
والله يحسن خُلقه وخََلَقَه
اولاً: البيبي
لازم تشترين له ملابس قطن لان البيبي بشرته حساسه
توفرين له مهاد مفرش قطن تلفينه عن البرد لان الطفل يبرد حتى لو كان الجو حار
بعدين حفائض اعزك الله والقارئين
طقم كامل للطفل (شامبو - شور جل- زيت)
طقوم ملابس اطفال
فوطه حمام
مناديل مبلله
كل شيء تبينه خاص بالطفل تلقينه عند محلات الاطفال
بس قبل تلبسين الطفل ملابسه
انتبهي لها قبل تلبسينها الطفل احتمال فيها دبابيس او اي شيء
لان اخوي ولده مولود له شهرين ويبكي مايدرون وش فيه ويحرك رجله ويوم شفه ليقت على بنطلون البدله دبوس قاطع رجله ورجله فيها دم
وولدي لبسته جزمات سبور وجالس يبكي حسبته ما يبغاه وانا اقوله لا ماراح انزلهم من رجلك وشوي والا القى دبوس تحت جلده الجزمه من تحت ماتشوفين الا راس الدبوس وهو يدوس برجله بنغزه الدبوس ويبكي علي لين رميت الجزمه بالزباله لاني كرهتها

[* وريف *]

انا من راييي ماتكثرين اغراض يمكن تجيك هدايا من اقاربك او صديقاتك خاصة انه اول طفل لك ان شا الله

موفقة

[اميره نفسي]

دخلت الموضوع ظنيت انك تبحثين عن وحده تجهز ادوية نفاس مابغيت اطلع ولى افيدكم بشي الله يتمم عليكم

[نور النجوم 888]

بس أختي انتي شنو االأغراض اللي كتبتيها ؟؟

عشان نقدر نقول لج شنو الناقص .

[iiioiiio]

انا بستفيد من موضوعج وبشوف قوائم الاغراض :>