(فكره حلوة وغريبه للطرحه)

[freedubai]

مرحبا بنات أبا مساعدتكم..أبا فكره حلو وغريبة لطرحة فستان عرسي...

[سحاب الود]

ههههه بسم الله عليك
طيب حبة حبة

اول شي كيف شكلو فستانك؟
تقدري تصوريه ؟
عشان لو نشوف الفستان يمكن نقدر نساعدك في افكار مناسبة


في الانتظار

[freedubai]

الفستان بعده ما خلص...هو من فوق كله دانتيل ومن تحت ايي تور..وعند الصدر تي ربطه تي م ورا ربطه..أنا صراحه عايبتني افكار طرحات إزرا بس أبا مساعده

[حلم العذارى]

أنا دائماً أفضل الطرحة التقليدية إلي تجي مع تطريز وديزاين الفستـان

مثل هذي :



لكن إذا حابه فكرة جديدة و حلوة!

راح يعتمد على تصميم فستانج والتسريحة إلي خاطرج فيها

عندج هالطرحات إلي تجي مربوطة ممكن مع إضافة ورود أو كريستالات





وعندج هالطرحة مشغولة كلها بالشك

إلي عجبني فيها إنها صايرة مثل القبعة تقدرين تخلينها على راسج أو تنزلينها

والذيل طويل & جاي قسمين



وعندج طرحة ستايل أوروبي بحـت

وهي الطرحة الفرنسية تجي منفوشة شوي

ومزمومة تنحط مع تسريحة شعرج



/
\

وآخر فكرة للطرحة

وهذي شفتها بعيوني

بزواج صديقتي



طبعاً الصورة ما تبين الطرحة بالضبط

جايه الطرحة مقسومة نصفين

نص ليدها اليمين والنص الثاني ليدها اليسار

تنربط باليد أو على الكوع إذا تبينها منفوشة شوي

وتصير مفتوحة من ورى ( يعني مقسومة نصين ) وتتعلق مع تسريحة شعرج

وفعلاً فظيعــــــة