شامبو وبلسمي المفضل لجميع أنواع الشعر! كله من مواد طبيعية عضوية وصحية! بصراحة روووعة!

[دبلوماسية حلوة]

السلام عليكم عزيزاتي ..

حبيت أقولكم عن ماركة للمستحضرات الطبيعية ..

الصراحة وايد وايد حلوة .. وخصوصا إنها طبيعية ومافيها من البلاوي اللي نشوفها في مستحضرات هالأيام ..

هي مستحضرات AVALON ORGANICS



لكن اهني راح أكلمكم عن الشامبو والبلسم اللي أستعمله ..
عندهم أنواع وايد .. لكن أي شامبو ممكن أي وحدة تستعمله لأنه حق كل أنواع الشعر



والشامبو والبلسم اللي أستعملهم حاليا هذولا ..



الشامبو مستانسة عليه .. ريحته حلوة وينظف شعري بلطف .. لأن مافيه منظفات قوية وتسبب أضرار كبيرة مثل "سلفات لوريث الصوديوم" اللي عرفت إنها اتوقف عمل الغدد فالجسم عن طريج برنامج أوبرا ..

وكانوا يحذرون من مواد خطيرة جدا موجودة في الشامبوهات

ومنها ..

PARABENS / MYTHYL PARABEN
BETAINE
SODIUM LAURETH SULFATE
FRAGRANCE/PERFUME

المادة الأخيرة اللي هي العطور .. تدل على وجود مواد سامة في المنتج

والبلسم ريحته حلوة وينعم شعري .. وأحلى مافيه .. إن تقدرين اتخلينه على شعرج قد ما تبين !!
دايما نقرا على البلسم إن المفروض مانخليه أكثر من 10 أو 15 دقيقة .. يعني البلسم اللي نقدر انخليه على شعرنا قد ما نبي أكيد ماله أضرار

والمواد اللي يستعملونها عضوية .. يعني استعملوا موادهم اللي مزروعة بدون كيماويات أو سماد كيماوي أو هرمونات

المهم .. اشلون حصلت عليهم .. اهني المشكلة هههه بلد المنتج هو كندا .. وأختي حد يابلها من كندا ..وهي عطتني .. حاولت أدوره فالدوحة بس ما حصلت .. لكن أكيـــــــــــد موجود!!

لأن أخوي كان ماخذه قبل ما أعرف عن منتجات أفالون أورغانيكس .. واخوي ويهه مو ويه كندا

يعني احتمال يكون موجود فالصيدليات أو المحلات اللي يبيع منتجات طبيعية


واللي تحب تعرف أكثر .. هذا موقعهم ..

http://avalonorganics.com

والموقع فيه اختبارات عشان تشوفين نوع شعرج ونوع بشرتج حق اللي شاطرة بالإنجليزي ...

وأخيرا وليس آخرا .. واااااااو حلو وااااايد وكفاية عليه إنه صحي

وسلامتكم ..

<<لحد ينسى التقييم

[دوحانية]

ماقصرتي

شكله حلوو

عاد وين نحصله

[دبلوماسية حلوة]

دوحانية ..

عيونج الحلوة .. ان شالله بتحصلينه فالصيدليات والمحلات اللي تبيع منتجات طبيعية

[abrar300]

الله يعطيك العافيه

[**ام عبادي القمر**]

ماطلعت لي الصور
كنت ابي حل حق شعري الي معتفس
من تقصف وجفاف وضعف

على العموم يسلمووووووو

[دبلوماسية حلوة]

abrar300

الله يعافيج .. ومشكورة عالرد

**ام عبادي القمر**

الله يسلمج حبيبتي .. روحي الموقع مالهم وبتشوفين أكثر من الصور

[نونو القطريه]

ماشاء الله عليج
دخلتيه بخاطري<<< مايسوى علينا كل شي يدش بخاطرج لوول
شكلي بدور كل المحلات وبدوره لووول

وننتظر كل جديدج ومفيدج يا قلبي

[sandybell2]

مشكورة حبيبتي على التوضيح

[روح ورده]

مشكوره والله يعطيك العافيه

[بـــطه]

شكلة روووعة..
ان شاء الله نحصلة..