مشكلتي مع الاكل؟؟؟

[وردة قطر]

السلام عليكم بنات ..

بقولكم مشكلتي مع الاكل .. اول شي ابي اعرف انتو شتاكلون عالغدا ؟؟؟

لان انا اقوم الصبح ماكل شي واروح الجامعه وعقب ارد البيت وقت الغدا وماكل شي بعد ولين الليل وانا بطني فاضي غير الماي مافيه

ماعرف شنو اكل اقصد .. انا ماحب العيش ولا المعكرونه .. استغفرالله ماحب هالاكلات .. وامي كل يوم تسوي عيش او معكرونه

وفي نفس الوقت ماحب اكل كله من برا ومن الفاست فود .. عشان ماخرب جسمي

وساعات احس مالي خاطر في شي لاني تعودت اصوم طول اليوم والصراحه احس ماحب اكل شي غير الكورن فلكس

قولولي انتو شنو تاكلون ؟؟ وشنو الحل بالنسبه لي عطوني افكار حق الاكل .. والله انا شعري بروحه خفيف ويطيح شوي واقرع وبعد ماكل شي طول اليوم شبيصير؟؟ بينزل اكثر وطبعاً احس بتعب طول اليوم وجسمي يثلج لان مافي طاقه

قلت حق امي مره ثانيه سوي بيض عادي عندي اكل بيض ولا اكل عيش سامحني يارب بس ماحبه
امي تقول بيض غدا ؟؟؟

اهئ ساعدوني

[Noor A A]

عليكم السلام ورحمة الله وبركاته يا أحلا وردة
هذي طريقة حلوة وجربيها ..
وجبة الفطور اهم الوجبات الرئيسية ...
جربي كل يوم تسوين لك بيضة على الفطور وكل مرة تشكلين فيـــة
مثلا يوم بيض بالجبن ومرة بيض بالبطاطس ومرة بيض شكشوكة
ومرة بيض اومليت او عيون .. واكليه مع خبزة او توست وجبنة

بعدين على الغدا اذا ما كنتي تحبين العيش او المكرونة سوي لنفسك سندويش جبنة او بيض ترى مافيها شي بالعكس مفيد واكلي معاها سلطة مع صلصلة ( صلصات السلطات موجودة في السوبرماركت ) ..
وممكن تشربين شوربة مشروم او خضار مفيدة جدا .. ولذيذة ايضا ..

حاولي بقدر الامكان عند الاكل تجربين شيء من المشهيات مثلا على الغداء اكلي مخلل او حطي شطة اذا تحبينها مع السندويش

واللحين الحليب .. ممكن تسوين لنفسك نسكافية مع حليب فرش وتشربينة مع بسكوت دايجستف مثلا كوجبة خفيفة ...

والعشاء ممكن تاكلين دجاجة مشوية او مقلية او ستيك مع صلصة وخضار مفيوحة او تشربين شوربة عدس ( لان العدس يغني عن اللحوم )

-- -- -- -- -- -- --
وافضل شيء سويتية انج ما كلتي من الفاست فود .. وعلى فكرة أكل البيت احلا والذ ..

اطلبي منهم يسون لك هالأكلات وان شاء الله بيتغير عندكم روتين الغداء وتنفتح شهيتك

[umlayan]

حبيبتي اني مع الاخت نور في كب كلمة كالتهة و حاولي تبدين شوي شوي و ان شاء الله اتشوفين نتيجة زينة

[وردة قطر]

اقتباس

المشاركة الأصلية بواسطة Noor A A

	عليكم السلام ورحمة الله وبركاته يا أحلا وردة هذي طريقة حلوة وجربيها .. وجبة الفطور اهم الوجبات الرئيسية ... جربي كل يوم تسوين لك بيضة على الفطور وكل مرة تشكلين فيـــة مثلا يوم بيض بالجبن ومرة بيض بالبطاطس ومرة بيض شكشوكة ومرة بيض اومليت او عيون .. واكليه مع خبزة او توست وجبنة بعدين على الغدا اذا ما كنتي تحبين العيش او المكرونة سوي لنفسك سندويش جبنة او بيض ترى مافيها شي بالعكس مفيد واكلي معاها سلطة مع صلصلة ( صلصات السلطات موجودة في السوبرماركت ) .. وممكن تشربين شوربة مشروم او خضار مفيدة جدا .. ولذيذة ايضا .. حاولي بقدر الامكان عند الاكل تجربين شيء من المشهيات مثلا على الغداء اكلي مخلل او حطي شطة اذا تحبينها مع السندويش واللحين الحليب .. ممكن تسوين لنفسك نسكافية مع حليب فرش وتشربينة مع بسكوت دايجستف مثلا كوجبة خفيفة ... والعشاء ممكن تاكلين دجاجة مشوية او مقلية او ستيك مع صلصة وخضار مفيوحة او تشربين شوربة عدس ( لان العدس يغني عن اللحوم ) -- -- -- -- -- -- -- وافضل شيء سويتية انج ما كلتي من الفاست فود .. وعلى فكرة أكل البيت احلا والذ .. اطلبي منهم يسون لك هالأكلات وان شاء الله بيتغير عندكم روتين الغداء وتنفتح شهيتك

وعليكم السلام هلا نووور

اعجبتني فكرة الريوق .. لكن اذا دوامي الصبح (الساعه 8 ) ماظن اقدر اكل .. لان اول شي مافي وقت وثاني شي انا من النوع اللي يحاتي وجذي
لكن اذا دوامي الظهر .. ممكن احاول اكل الصبح شي من اللي قلتيه ..

انا اذا تريقت ماظن اني بتغدا .. اعرف نفسي لازم وحده منهم

فكرة الشاي حلوه .. اسويلي شاي اذا عندي امتحان او واجب طويل وناويه اسهر .. ههه بس عشان اشرد من الدراسه اسوي نفسي تعبانه وارقد .. لكن لو شربت شاي وماعندي دراسه تحصلين عيوني جي طول اليوم ههه ويمكن مارقد الا ساعتين .. (ترا الارق مشكلتي الثانيه والله مابتصدقين لو قلتلج ان هالمشكله صارتلي من الاسبوع اللي طاف وطبعاً بسبت عوامل نفسيه .. اقعد افكر طول الليل غصباً عني في الف موضوع ولا اقدر ارقد وكل يوم مواصله واذا رقدت ماطول اكثر من ساعتين وكل ساعه اقوم وقسم بالله مأساه متضايقه حدي ودي بالي يرتاح وانام مثل الناس لاحول ولاقوة الا بالله .. ان شاء الله .. الله بيساعدني وبيريح بالي تعبت والله خصوصا اني محتاجه الراحه عشان اقدر اروح الجامعه واقدر ادرس وافهم )


والعشا اممم يمكن اخذلي سلطه من SUBWAY سلطتهم صحيه وحلوه ..


امممم مادري ساعات افكر اشترك في دايت سنتر عشان يطرشونلي اكل .. كتغير يعني وبالمره اكل صحي .. يمكن اقدر اكل واخاف اشترك وماكل


شكرا حبيبتي عالرد وعالاقتراحات .. وان شاء الله في ميزان حسناتج
وادعيلي ان مشكلة الارق تروح عني وارقد طبيعي ... والله حتى الحبوب صارت ماتأثر فيني لو اخذ حبه ولا حبتين مافي فايده بعد مانام ..

[وردة قطر]

اقتباس

المشاركة الأصلية بواسطة umlayan

	حبيبتي اني مع الاخت نور في كب كلمة كالتهة و حاولي تبدين شوي شوي و ان شاء الله اتشوفين نتيجة زينة

شكراً لج

[Noor A A]

بسم الله الرحــمن الـــرحيــــم


هلا فيــــج يا أحلا وردة في قطـــر ..
اولا
الافطــار وجبـــة مهمة طبعا لكن انا أقدر ضروفك في أن بعض الايام محاضراتك تكون الساعة 8 ..
لدي حل
.. الطلب من الخادمــة (ان امكن ) عمـل وجبة أفطار صباحا ..
او بامكانك الافطار في الجامعة بعد المحاضرة .. مع صديقاتك .. أعتقد ان في ذلك متعة ايضا ..

وجبة العشاء كما ذركرت (مطعم صب واي ) sub way
المعروف .. بإمكانك إضافة الدجاج او اللحم الى السلطة ولديهم الكثير من الخيارات ( جبنة شيدر او قليلة الدسم ) ..
والصلصات ( رانش - thousand island-والزيت ...)

ايضا لديهم مخلل الخيار و فلفل الهلابينو .. والزيتون ((مشهيات))

---------------------------------
والان العوامل النفسية
.. من المعروف ان العامل النفسي له دور رئيسي في تناول الطعام فالبعض تزداد شهيتة والبعض الاخر لا يشتهي الطعام .. والحل كما ذكرت سابقا اتبعي هذه الطريقة في تناول الوجبات ..

اما عن النوم .. فيعتبر سبب أولي للارق ..
لكن حذاري من تناول الادويـــة المنومة ( لانها تؤدي الى الادمان عليها ) بشكــل سريع
ويبطل مفعولها ...
عزيزتي , بما أنك تعانين من الارق الان ,فطريقة نومك بشكل اسرع سهلة ولاتقلقي ..
قبل النوم .. اشربي كوب حليب طازج بارد او لبن (داندي)مثلا بارد
..
أقرأي المعوذات قبل النوم
وحاولي تنامين علــى الجانب الايمن .. شيلي التفكير من راسك وحاولي ماتفكرين في شي غير النوم ..
صدقيني بعدها راح تنامين نومة عميقة هادئة رائعة مريحة للجسم والاعصاب ..

تحياتي

[غرام أحباب]

وييييييي
حبيبتي حاسبي على روحج لايصير فيج شي
يالغلا
اكلي اكلي

مثلا الصبح مو لازم ريوق
انا ما اتريق الصبح
بس اشرب اورانج جوز فرش عشان يعطيني شوية طاقه
وماحس بالتعب
جربي اشربي عصاير فرش
ولو تبين معاها كرواسون
او كوكيز

وعالغدا وانتي راجعه اخذي لج مثلا ورق عنب
او شوية فطاير

والعشا
نوعي بالشوربات والاكلات الخفيفه
مثلا مره شوربة دياي
ومره خضار
ومره مشروم لو تحبينه
ولو ماتبين الشوربات
سوي لج سندويشات جبن ولا بيض
وهالسوالف
او سلايس مع نيوتلا




وحاسبي على صحتج فديتج
صحتج اهم من شكل جسمج ^_@

[parpi]

شوفى ياقمر انا مشكلتى مثلك مفيش وقت للفطار ولما ارجع البيت تكون معدتى قفلت ومش راديه تدخل حاجه فيها الحا بقى اى انك متديش فرصه لمعدتك تفضى على الاخير يعنى خليها شغاله بشويه عصير او بسكوته اى حاجه صغنونه عشان نفسك متسديش خالص نيجى بقى للفطار مثلا انا بحب المعمول و البسكوت بالعجوه انتى شوفى نو البسكوت الى بتحبيه ايه او قطعه كيك و لو عايزة حاجه حادقه ممكن اى نوع فطائر صغنونه بالجبنه مه كوب عصير برتقال او اى نوع انتى عايزاه وياسلام لو تخدى على الريق معلقه عسل نحل تخلى وشك احمر ومنور وفيد جداااااااااااا وياستى لو مش عايزه اى حاجه من ديه اعملى زى رسولنا الكريم حطى 7 تمرات فى كوب لبن وكلىهم على الصبح اظن مفيش اسهل من كده

الغذاء بقى اممم لازم يكون فى نشويات ولحوم وخضار قطعه لحمه مثلا او فراخ مشوى او مقلى او حتى مسلوق ألى تحبيه او سمك ومعاهم سلطه خضراء او شوربه خضار وفى طرق كثيره جداااااااااا للسلطات وكلها ممتازه المشكله بقى فى النشويات ممكن بدل المكرونه كلى شويه أرز باكارى او كبسه او بريانى او رز بالشعريه او ممكن اعملى شويه بطاطس محمره او بطاطس ودجز او بطاطس بيوريه بالثوم تحففففه
العشاء بقى لو بتحبى الجبن مع التوست وكوب لبن او زبادى او بيض مسلوق وممكن بيض بالتمر حلو اوى وتحطيه فى ساندويتش توست او اى نوع عيش بتحبيه وممكن تحطى العيش فى الفرن وتحمصيه وحطى عليه شرايح طماطم وفلفل اخضر وعليهم شريحه جبنه ودخليهم الفرن تسيح الجبه وكلى بالهنا والشفى ومتنسيش كوب اللبن حطى عليه معلقه كاكاو او شيويه توفى او كراميل يبقى جميلللل او اخلطيه باى نوع فواكه فى الخلاط

[sss_12]

الغدااا هوة اهم وجبة رئيسية


كبسة مثلاا

محاشي مشكلة

شوربات


اسماك فيلية مع رز


صينية بطاطا باللحم اوالدجاج

ايدامات مع رز ابيض سادة

[كــ7ـــل]

حبيبتي مشكلتي مشاابهه لمشكلتج شوي .. استغفر الله تعبت من الاكل .. ماعرف شنو اكل ): ..

احس اكلت عيش بما فيه الكفايه .. و فاست فود ماحبه .. و اكل سلطه بس ابي شي ما كلته من قبل شي يدييييد ..

وكل يوم على العشا عندي مشكله ماعرف شنو اكل ..

وهالشي اثر على صحتي "قلة الاكل" وصرت احس بدوخه و الضغط دايما نازل و الدكتور عطاني فيتامينات ..

انتبهي لا تصيرين نفسي .. بعيد الشر ..

الصبح صرت اشرب حليب شكولاته ..

اما الغدا و العشا.. مشكله بالنسبه لي و خصوصا الغدا اذا كان بالجامعه ..

الله يعيينااا