مرحبا اخواتي شخباركم عساكم بخير ..
اليوم كان في خاطري تشوفون اشياء استخدمها وما استغنى عنها .. والاهم من هذا كله راح اعرفكم على 3 منتجات سحريه وخلت بشرتي ولا روعه .. وقولو ماشاء الله ووعد مني لو استخدمتوها راح تشوفون النتيجه من اول يومين ..
هذا كريم شانيل ... من الاشياء الاساسيه الي لازم محد يستغنى عنه .. لان الصراحه .. خله بشرتي مثل بشره بنتي .. وتستخدميه أما بالنهار قبل المكياج او بالليل ..ويساعد على تنعيم البشره وترطيبها بدون ترك اي اثر دهني والاهم من هذا يشيل كل عوامل التعب ويعطيها نظار وملمس مخملي .. انا ماحب اسوي دعايه لكن اتكلم من منطلق تجربه .. هذي رقم واحد
هذا المنتج الثاني . الي ماقدر استغنى عنه من التوب الثلاثه .. مع شانيل يوميا بالليل قبل لا انام لازم انظف بشرتي بهذا ... يشيل اي بقايا .. واي اتربه حتى لو بسيطه وحتى الرؤس السودا اختفت .. حتى حبوب الي داخل فيها وساخه .. اختفت ... ما تتصورون شلون حلو على البشره ..
اما هذا .. هو الاساس ...في التوب الثلاثه ...... يعني من بعد ما تنظفين بشرتج من كلين وكلير .. حطي كريم الليل من فتامين سي ... ريحته برتقال ... اذا ما شتفي النتيجه باجر برجع فلوسج هههههه بس والله صراحه .. مفعوله عجيب من البشره .. ملمس حريري . اعتقد الكثير يجربه سعره 13 دينار .. من البدي شوب.... ما استغنى عنهم ابدا لانهم سووا بشرتي صراحه .. لااله الا الله محمد رسول الله خمسه في عين الحاسد
اما ذي .. الصراحه .. من السبا ما عليه كلام .. اي توتر عضلي او تبون استرخاء حطو على جسمكم قيمته 16 دينار من الريتز .. انا اخذه .. بس لو تحصلونه بمكان ثاني .. اخذوه لان هو زيت مساج .. ويقدرون حتى الازواج يستخدمونه حق بعضهم
البديل الممتاز لمن تخلص كريماتي .. والي يشتغل بعد كمرطب للبشره بشكل مو طبيعي اخلطيه مع الفازلين الي بتشوفونه تحت .. وحطي على شفايفكم .. كأنكم حاطين ملمع شفاه شفاف..
تبين بشره ممتازه وناعمه .. اقصد بشره الجسم .. مرطبه حلوه .. والصراحه .. وايد .. حلو على بشرتي وماستغنى عنه بعد وجريب اشتري غيره مابقى شي منه..
مادري ليش نزل مقلوب مع اني معدلته .. لكن اهم شي الصوره واضحه ..
اعتقد كلكم تعرفون .. الصراحه هالكريم مزيل للعرق ... ممتاز في الحفلات . وتحطينه مره وحده باليوم .. حتى اليوم الثاني .. اعتقد اغلبكم جربوه..
بالنسبه لي قطي اي كريم معالج للاقدام واخذي هذا حق التشققات ,, وصدقون 5 ايام .. مثل ما قال الكريم ,, وريليج مثل ريل عيالج ..
لقيت هالعطر صراحه في السعوديه .. وبالمطار قيمته ستين ريال.. الصراحه .. ريحته فوق الخيال.. خصوصا بعد الحمام ناعم وحلو .. ويدوم طول اليوم ..
طبعا فازلين الكل يستخدمه .. وانا ما استغني عنه .. مرطب حق اليدين احسن من اي كريم ثاني ..
واخيرا ليس اخرا .. الصراحه .. الكريم هذا اول كريم عين احطه ما ينفخ عيوني ولا يزيد السواد ..وايد ارتحت له ,, واحطه وانا مرتاحه .. الصراحه خفف السواد الي حوالين عيني وايد..
طبعا التغذيه السليمه من السلطات والاشياء المفيده تساعد البشره .. وخصوصا الفواكه ..مافي كريم يشتغل بروحه ..
اتمنى تعجبكم اغراضي .. الصوره مقلوبه مع اني معدلتها مادري ليش انقلبت...
تحياتي
أم جنى
مواضيع مشابهة 
اغراض ما استغنى عنها تحبي تشوفي (صور) 
النمط المتتابع
