بناء على طلب العرايس صور عطوري اخيرا

[غدووورة]

هلا حبيباتي شخباركم وشخبار العطور وياكم

ما اعتقد ان في وحدة منا ما تحب العطور سواء الفرنسية او العربية ومع اختلاف اذواقنا لكن في النهاية لازم يكون عندنا كم عطر مشترك

من فترة كثير من البنات من المنتدى راسلوني على الخاص يبون يشوفون تشكيلع عطوري خصوصا لما رفوا اني من النوع اللي احب اجمع العطور
ومن فترة وصل عدد العطور اللي عندي بالبكس يعني جداد وما مفتوحين حوالي 40 عطر

اي لا تستغربوا 40 عطر لكن بالنهايه تبرعت كثير من هالعطور لامي واختي والشغاله

الحين عن الهذرة وشوفوا اخر تشكيله من عطوري والعطور اللي بعدها بالبكس وما بطلتهم

نبدا باسم الله


عطور للجسم من اليمين هذي ماركة ماري كايت واشلي ما موجودة عندنا انا اخذتها من استراليا لما سافرت السنه اللي طافت فيها لمعه حلوة وناعمة واللي بالنص من افون والاخير من بيبي شوب ما احبه كثير


عطورات البيت يعني استخدمهم لمن اكون بالبيت وبتلاحظون ان اغلبهم الصغار مال سمارت
هذي الله يسلمكم في وحدة على قدهم كانت تبيعهم فحبيت اساعدها واشتريت من عندها كميه والاخير الطويل بالتفاح من سنتربوينت


عطور الشعر هما الاثنين من شانيل روووعة بمعنى الكلمه احطهم بعدما اغسل شعري


عطور العباياه كلهم من اجمل الا اخر اثنين اعطر فيهم العبايات قبل ما ابخرهم


من اليمين عطر ماركة لورا بياجوتي هاديه للصباح واللي بالنص العطر الجديد من جانيفر لوبيز حلو للصباح والاخير هذا ماركة ديفيدوف اسمه جود لايف عطر قوي يصلح للسهرات فقط


من اليمين عطر اليزابيت اردن بروفوكاتيف ومن عطر قوي شوي بس يصلح للعصر والمسى وفصل الشتاء واللي بالنص عطر ماكس هذي ثاني غرشة اشتريها لان وايد خفيف واحبه للصبح او البيت والاخير عطر رومانس روووعة بمعنى الكلمة ويصلح للمساء اكثر برايي


هدية من زوجي عطر اليزابيت اردن الجديد ريحته وايد حلوةوتصلح للصبح والمسى


عطر يوفوريا من كالفن كلاين بالاول حصلت غرشة هديه من زوجه عمي وهذي حصلتها هدية من صاحبتي
العطر روعة بجد


من اليمين شاورجل ماركة بيبلوس واللي بالنص عطر سيل من امواج وهذي الماركة تعتبر عطوراتها من اغلى العطورات في العالم والاخير ديور شاين


من اليمين عطر مس سيكستي وبعدها عطر ديوبونت وعطر ايجنر ريحته قويه شوي فبعطيه امي لانها حبته والاخير عطر بيير كاردن

يتبع حبيباتي

[طيف الحلى]

وينج ننتظرك

[غدووورة]

يالله خلونا نتابع مع بعض


من اليمين عطر ماركة بيبلوس والاثنين هذولي عطورات عربية


عطر نوا ماركة كاشاريل هذي ثالث غرشة اشتريها لانها تذكرني بايام الكليه لووووووووول


عطر سيلين ديون القديم ريحته بودره ناعمه وعطر ويش من شوبارد
وبعدها بخور خاص من اجمل الحين ما صاروا يبيعوا منه


واخيرا مجموعة عطور سمارت من نفس الحرمة اللي خبرتكم عنها



وبكذا خلصت كلللل عطوري ماعدا العود وعطور التوله

الموضوع مجهود شخصي وما احلل لاي وحده تنسبه لنفسها وتنشره في مواقع ثانيه

حبيباتي لاي استفسار انا جاهزة

[ماكس مارا]

ماشاء الله
تتهنين فيهم ...ياللا ننتظر الباقي

[أريج المحرق]

ما شاء الله رووعة عطوراتج ويا ربي تتهنين فيهم .

[فتوح الصغيره]

تتهنين فيهم يارب
عطوراتج كلها تقريبا جربتها
ماشاءالله عليج ذويــقة في أختيارج للعطور
يعطيج العافية على المشاركة المميزة

[شمس الضحـى]

غدووورة ما شاء الله كوليكشن حلو كثييير
تتهني فيهم ان شاء الله

فعلا ماكس روعه ريحته

تسلمين

[جود الليل]

مشاء الله تتهنين فيهم

[شذى لبنان]

عطر اليزابيث الجديد لونو اسود صح؟ حبوبة خبريني عن ريحتو كيف؟
وكيفو لعطر سيل من امواج لو كان حلو قبل ماروح علبنان لازم بشترية

هل عطر سيل ريحتو نظيفة متل الصابون وراقية ولا ريحة بخور وعودة ؟ وكمان عطر اليزابيث لانو انا بحب ريحة الصابون اكتر من ايا ريحة اخرى وشكرا" لك عزيزتي واسفة عالأطالة

[lina84]

الله يعطيج العافية على الموضوع الحلو