تعالي شاركينا بلعبتنا لعبة ال TAG

[ميره الاميره]

الاسئلة هالمرة عجيبة وووايد حلوة

نتريا اختنا اوراق الخريف

[غدووورة]

مبروك على الجزء الجديد من اللعبه
ننتظر حبيبتنا اوراق الخريف

[حرامية كيوت]

waiting

[MemoriesInBloom]

مبرووووك الجزئ اليديد و الاسئله أحلى ..
اترقب عزيزتي أوراق الخريف

[حروف القلب]

ياسلالالالالالالالالام على اللعبة .. والله نستفيد من بعض ونفيد في نفس الوقت ..

شكرا حبيباتنا المشرفات ..

ننتظر الغالية أوراق الخريف..

[جـلــــنــار]

جميل جدا بالتوفيق للجميع

[أوراق الخريف]

السلام عليكم ورحمة الله وبركاته



* كيف تحفظين وترتبين مكياجك بالبيت ( نبي تصورين لنا مكان حفظ مكياجك بالغرفه وطريقه ترتيبك له )
* ارتبهم بعيد عن أعين عيالي خبركم اليهال وااااااااايد أشرار.. حاطه كل مكياجي بالشنطه مالت المكياج داخل الكبت بعيد عن الانظار والايدي هههههههههه..
صورة البوكس مال المكياج.. كل شي فيه مرتب يعني الي استخدمه دوم في السده الفوقيه.. والبوكس ماخذتنه من Life Style عملي..




* كيف تنظفين مكياجك و تحافظين عليه وياليت نشوف صور الادوات الي تستخدمينها في تنظيف المكياج مع الشرح !!
* تقصدون تنظيف العلب..!؟
اذا كان تنظيف العلب ههههههههههه انظفه عادي بالtissue والماي..!!
اخرس الكلينكس وانظف العلب عادي..!!
ليش في محلول خاص نستخدمه..؟! بليز خبروني لاني عن جد ابغي شي يريحنه لان الكلينكس يتقطه ومرات ما ينظف عدل..؟!

* ماهي مستحضرات العناية بالبشره الي تواضبين على استخدامها كل يوم والي تضعينها قبل المكياج !!!

* من اليمين البخاخ مال الويه معروف Evian.. هذا استخدمه لترطيب الويه وخاصة مرات احس ان البشره تصير جافه قبل المكياج والا مرهقه يعني الاستخدام شبه يومي..
وبعده العلبه الدائريه Mask الويه كل اسبوع استخدمه مره.. وفوقه face scrub مقشر للبشره الدهنيه روعه مره بالاسبوع.. وعدالهم الزيت للوجه قبل النوم يوميا Tea tree oil وكلهم من The body shop روعه.. هذيلا علشان البشره تصير توب ولما استخدم المكياج تكون البشره اولريدي نظيفه..
واقي الشمس مع فيتامين سي وصتني عليه الصيدلانيه روعه ولكن وايد زين لفصل الشتاء وفي الصيف شوي يزيت الويه وخاصة ان بشرتي دهنيه خاصة الT zone عرفتو..!! ولما اوزع المكياج يعطيه لمعه حلوه.. هذا بشكل يومي..
ومقشر ثاني هذا احبه بسبت ريحته وانه خفيف واااااااااايد علبشره.. مره بالاسبوع..



* افضل مستحضر لازاله المكياج وطريقتك في ازاله مكياجك !!!
* هالاثنين اترياهم ينتهون علشان اشتريلي شي ثاني.. ومنتج ثاني..

الكريم من Clean & Clear
السائل للعين فقط Rimmle
عن نفسي ما احب ايمع لينما ينتهي تاريخه.. اشتري غرض ولما ينتهي ابدء بالثاني..
طريقة الاستخدام اوزع الكريم على كامل الوجه واعمل مساج حتى تمتصه البشره ومن ثم انتظر 5 دقايق ومن ثم امسح البقايا بالقطن.. وبعده ايب قطنه ثاني احط عليه المحلول مال تنظيف العين وانظفه.. وعقب اتريا شوي على حسب المزاج مرات اكون fedup واغسل ويهي بالماي والصابون..



* ماهي أفضل فرشاه بالنسبه لك وما تقدرين تستغنين عنها بحيث انج تستخدمينها كل يوم ؟؟؟؟؟
* مال الحواجب وبس ههههههههه متعقده من الحواجب..!!
من بودي شوب..
غريبه صح......!؟


* كيف تنظفين فرش مكياجك وماهو افضل منظف فرش استخدمتيه !!
* اصراحه انظفه بلماي والصابون ما وصلي اي تطور لين الحين.. احس ان الصابون اعقم وخاصة الديتول.. تيبين جل الديتول وتترسينه في الكوب لينما تتكون الرغوه وتخلطينه عدل وتحطين فيه الفرشاة لمدة ربع ساعه وعقب تغسلينه بايدينج تتاكدين انه نظف..

* وين تحفظين الوان المنكير الي عندك ؟؟؟ ماهو أفضل مزيل طلاء اضافر استخدمتيه !!*المنايكير احفظهم في بوكس خاص.. وبيني بينكم توني قمت ايمع من يديد بسبتكم خليتوني ادمن عليه.. كنت استخدمه بكثره وبسبت الصلاة تركته ومن زمان.. الحين رجعتله بعد فتره طويله بسبت مواضيعكم الي تجذبني..

لين اليوم استخدم هذا المزيل من السوبرماركت.. رخيص وينظف بس ريحته مب شي..!!





واسمحولي لاني رديت بسرعه ووالله تعبانه حيل داشه اشوف ردود على موضوعي علسريع وجان اشوف هالموضوع.. ما توقعت ان بتختاروني.. ومن يومين اروح الtraining من الصبح لليل واوصل مرهقه ويوم شفت الموضوع انصدمت وقمت اصور بسرعه بسرعه واليهال بصوب ركيض علاغراض علشان يلعبون به..
اي سؤال لا تستحون مني وطرشولي رساله علخاص.. وان حبيتو تشوفون شي زياده بعد خبروني.. يمكن ما فهمت علسؤال والا معلوماتي ناقصه..
والسموحه حبايب قلبي..
ومشكووووووووووووووووورين وايد مره ثانيه علاختيار.. وصدق صدق مشرفات ركن المكياج وااااااااااااااااااااايد متميزات في طرح المواضيع المتميزه..
واسمحولي وشكرا..

[.تكفيني الذكرى.]

اوراق الخريف

مشالله ردج كافي ووافي
بس يقصدون تنظيف الفرش,في محلول خاص حق تنظيف الفرش مثل الي بماك عرفتي..هذا ينظف الفرش ويمدحونه

الله يعطيج العاااافيه

ووننظر العضوه الثانيه

[حور قلبة]

اجابات وافية يا أوراق الخريف ..

وعن نفسي ما انصدمت من الفرشاة الحواجب لانها مهمة بدل نكشة الحواجب خخخخخخ بس انصحج بالفرشاة اللي تكون نفس مالت الماسكرا وايدةاحلا ..

[عاشقه الدوحه]

كفيتي ووفيتي ياأم حمدان
والصراحه تستاهلين الاختيار اغراضج
ماشاء الله مرتبه وحلوه
ومزيل مكياج العيون من ريميل استخدمه والصراحه حلووووووو كثير

بخصوص تنظيف المكياج
انا اقصد العلب مثل ما قلتي واحيان يتحتاج العلب من الدخل للتنظيف بس تفتت البلاشر او الشدو عن نفسي انظفها بكلينكس
جونسن الي استخدمه لازاله مكياج الوجه خخخ لانه اسرع وانظف

ويعطيج العافيه انشاء الله على الاجابات الروعه



بانتظار عضوتنا القادمه بتكون من اختيار اختنا الغاليه



مسزز غمووووووووووووووضه