10/10/2008 >>> ملجتي :: تقرير بالصووور ::

[ياسمينة البحرين]

بسم الله...

تبارك الله ...

السلام عليكم ورحمة الله ...

اقدم اليكم اليوم تقريري الخاص ليله ملجتي مع صور بسيطة للحناء ...

الملجة كانت 10/10/2008 يوم الجمعه ...

التفاصيل :

المكان : في صاله مأتم علشان اوسع ولانها عائليه ...

فقط ملجة وسفرة عجم في صاله مأتم ....

السفرة من عند ام علي : جدحفص

السفرة ب 55
التركيب 5
التوصيل 10

=70دينار كامله

بدون التوزيعات وبدون الفواكه ...

الحنايه : زهرة سلطان ب 30دينار هندي

الفستان : لونه اخضر داكن مع ذهبي ماصورته .... بس شكله حلووو لملجة ...

ويناسب مع السفرة ...بنفس درجات السفرة مع المشمر ...

الصالون : سلوى عند البنات
المكياج : لمياء
الشعر نوريه

وصرت وايد حلوة والمكياج لنوريه وايد احلى من مكياج سلوى وعجبني وااااااااااااايد

والكل ماتوقع اني في سلوى وايد غير وايد حليو صرت .... من غير مجاملات الكل قال لي تغيرت وصرت ...... احم احم .... كملو الفلم

اترككم مع الصوووور

بسم الله ....

هذي صورتي لما جى الشيخ ياخذ الوكاله 6.30 مساءاً .. وبعدها مباشرة رحت الاستيديو أصور ... ستيديو الماسة في الزنج 60صورة ب85دينار ...

مثل جودة صحاري تقريبا ... وبيطلعون هالاسبوع ...

وهذي الخيمة : المسرح اللي قعدنا في : بالماتم مع السفرة موجود ...

شكل السفرة بعد ما عدلناها قبل بليله 9/10/

هذي الفواكه وكلفتي حوالي 45دينار بدون الفواكه اللي من البيت ...

الفراشات اللي بحوض السمج من المحموديات اللي في الديه اللي يبيع مستلزمات الخياطة .. القطعه ب 200فلس ركبتها بعود الذرة ولزقتها بالصمغ المسدس ...

الكاسات خذيتهم جاهزين من عند همس المشاعر من منتدى الاسر المنتجة ب 2.500 مع الصينية والسجين ...

شكل السفرة ليله الملجة الليتات مولعه

فاصل ونواصل ....

صلوا على النبي وآآآآآآآآآآآآآله ....

[دريم ويب]

مـــــــــــــــــاشاء الله رووووووووووووووووووووووووعة الله يوفقج ويحرسج من العين.

[AL'MaNaMeA]

يالله ننتظر البقية حلووين
متباركة

[ياسمينة البحرين]

نكمل :

الوجبه خذيتها من مخبز الجميع .. تتكون من : كبه وسندويشة جبن و فطيرة زعتر و ورق عنب وشيش طاوق و سمبوسه ... الصحن ب 700 فلس ...

800 حبه طلع علينا ب 520دينار والكيكة مجان ....

مو شي الكيكة ... بس عدت على خير ...

التوزيعات بالصوووور :

هذي الشبة في سلة معاهم صورة عروس ومعرس وكاكو ..

ومعاهم طير معاه كاكو ...

وطبعا بالبطاقة تبع التهنئة ...

هذي طاسة فيها حنه مغلفة بتور مع شريطة ...

هذي طاسة كريستال ... الحبة ب 300فلس وداخلها كاكو الاصفر مع البطاقة ...

هذي كاس مع وردة وشريطة وكاكو

هذي الشبه ...

هذي توزيعات القلوب والاشكال الباقي مع العصا ... معاهم كاكو وبطاقة ....

داخل الصندوق ...

هذي شكل توزيعه العصفور ..

الحبه ب 200فلس
وكيلو الكاكو ب 12 دينار من حلويات الجزيرة ..

توزيعات الكاسات مع كاكو سنكرس

شكل توزيعات الكاسات بالشموع ...

فاصل ونواصل .....

صلوا على النبي و آآآآآآآآآآآله ....

ملاحظظظظظظظظظظظظظظة ..

لحد يكتب بكمل التنزيل الاااااااااااااان ....

اخر شي انتظروا شووووي ...

*-*

[ياسمينة البحرين]

ختامها مسك

هذي صورة السيارة اللي جابتني من الصالون للبيت ... لانها بعدها ملجة وطلعت مع حبيبي للستيديووو

هذي صورة حناي .. التفاصيل بالبدايه ...

لبست يوم الحنه بنجابي احمر والصروال برتقالي وايد حلوووووو ...

والمكياج هندي ...

ماعجبني المكياج ... بس عدت ع خيررررر ...

هذي صورة حنة امي بشكل العجين ....

ولا تنسونا من الدعاء بالتيسر و الرزق ... والنجاح ... و الرفاء والبنين ....

[دريم ويب]

ماشاء الله تبارك الرحمن كل شي حلو ومرتب الله يسهل عليج دربج ويوفقج يارب
بس حبيت أسأل منهي الحناية ؟؟

[ياسمينة البحرين]

اقتباس

المشاركة الأصلية بواسطة دريم ويب

	ماشاء الله تبارك الرحمن كل شي حلو ومرتب الله يسهل عليج دربج ويوفقج يارب بس حبيت أسأل منهي الحناية ؟؟

اهلين اختي ...

الحنايه : زهرة سلطان من دار كليب - البحرين


كتبت التفاصيل بالبدايه كلها ....

*-*


تصبحون على خير ... بكرا جامعه ...

[بنت سالمين]

ما شاء الله تبارك الرحمن

الف الف مبروووووك يا ياسمينة

منه المال ومنج العيال

والله يهنيكم ويسعدكم مع بعض على طول ان شاء الله ..

[cute qtri]

الف مبروووك خيتوو والله يوفقج في حياتج

[زوز البحرين]

ماشاءا لله

الف مبروك

بس اختي اذا ما عليج امر بغيت رقم الحناية