.. دخلو وبتعرفون الموضوع ماعندي عنوان خخ ..

[pinkeez]

السلام عليكم

شخباركم

مابطول بالكلاام

لأني ماعرف احط عنوان ههههههه

..

المهم كل وحده يوم صغيره اكيد امها عطتها اشياء وايد و بالاخير هي تحب شي واحد
يعني في يهال ماينامون الا بالمصاصه او بالمرضعه او بمخده او دبدوب و غيره

..

كلـ وحده تقولـ هي شلون كانت ..

عشان تفهمون اكثر انا ببتدي ^^

....

انا يوم صغيره شفتوو هاي اللي يلفونه فيه يوم صغار احنا نسميه (( مهـااد ))
و انا اكبر حبيته و ماقامو يلفوني فيه بس اخذه و اشمه و انااام >> اتخدر يعني

و كبرت معاي هالعاده من يوم عمري سنتين يمكن لين 5 ولين 7 ولين 10 ولين 14 ولين 17
يعني و هي للحين معـااي ..

بس طبعاً مو مهااد انا الحين كبيره لازم شي كبير
الحين احط يمي لحـااف و ايوده ماقدر لازم اشممه لين احس ان رحيتي صارت فيه

احطه تحت راسي و شوي منه جدام ويهي
و اشمه لين اتخدر وانـاام .. وبدونه لا للنووم

ياتني فتره هديته قلت خلاص يا مره كبرتي
ورجعت له ماقدر اقاومه الصراحه

والله يعين لين تزوجت مادري شبسوي
شكلي باخذ معااي واحد واتعود عليه
وزوجي غصباً عنه يتعوود كيفه

..

الحين ابي كل وحده فيكم تقوليـ ^^


يالله انتظر ردودكم

[اسيل 2]

ههههههههههه

ضحكتيتي يابنكييييز

غصبا عنه بيتعود خخخخ

انا عن نفسي

ماكنت انام الا بمخدة

ولو احد سحبها والا شالها من تحت راسي يااااويله

وهالطبيعة الى الان ولو غيرت مخدتي الحبيبة لايمكن يجيني نووم



يسلمو بنكييييز على موضوعك الظريف

[شموخ VIP]

الصراحه موضوع ضريف وحلو مواقفكم اضحك
انا عن نفسي كنت شالة معاي لحافي الوردي وين ماروح شالته واشمه ما كنت ارضى حد يفره
وانا كبرت وصار عمري 4سنين ومعاي هذي العادة بس مرة امي شلتة ودستة عني تدرووووووون شوسويت
شليت جلابية امي الحرير واحوط فيها كنت العب بالحوي مع اليها والجلابية بيدي واروح بيت عمامي والجلابية بيديه هههههههههه

[pinkeez]

اقتباس

المشاركة الأصلية بواسطة اسيل 2

	ههههههههههه ضحكتيتي يابنكييييز غصبا عنه بيتعود خخخخ انا عن نفسي ماكنت انام الا بمخدة ولو احد سحبها والا شالها من تحت راسي يااااويله وهالطبيعة الى الان ولو غيرت مخدتي الحبيبة لايمكن يجيني نووم يسلمو بنكييييز على موضوعك الظريف

هههههههههههههههههه
ويي يعني مو بس اناا
انتي والمخده للحين
عيل اناا مابستحي كنت احاتي شبسوي
بس كيفه يتعود يتعود عيل

تسلمين على مشاركتج الحلووه

اقتباس

المشاركة الأصلية بواسطة شموخ VIP

	الصراحه موضوع ضريف وحلو مواقفكم اضحك انا عن نفسي كنت شالة معاي لحافي الوردي وين ماروح شالته واشمه ما كنت ارضى حد يفره وانا كبرت وصار عمري 4سنين ومعاي هذي العادة بس مرة امي شلتة ودستة عني تدرووووووون شوسويت شليت جلابية امي الحرير واحوط فيها كنت العب بالحوي مع اليها والجلابية بيدي واروح بيت عمامي والجلابية بيديه هههههههههه

ههههههههههههههههههههههههههههههههههه
صج ضحكتيني عاد زين تسوين فيهاا
انا ماحب احد يحرمني من شي احبه
ونااسه اتخيل شكلج وانتي بجلابيه امج هههههه

فديتج منوره يا قلبي
اسعدتني مشاركتج

[amoula000]

ههههه انا كنت ومازلت ما أنام الا وأنا حاضنة المخدة ههههههههه ولسه للحين اذا رحنا بيت أحد لازم يعطوني مخدتين واحدة أنام عليها وواحدة أحضنها ههههههههه
لاتنسي لما أزوركم تعطيني مخدتين
يعطيك العافية على الموضوع الحلو ياعسل

[عيشوش]

اللي راح اقول غريب وهو اني ماني مذكرة شي
هههههههههههههه
يمكن فقدت الذاكرة
خخخخخخخخخ
لما تعود يمكن اعود
ههههههههههه

[! أنــثــى !]

بنكوزة .. اعرف يهالووه واجد مثلك ! يعني يحبون يشمون اللحاف ليما ينامون .


انا كنت امص صبعتي الابهام ، و اليد الثانية اجود فيها لحمة أذوني !


خخخخخخ تركت مص الصبعه بس للحين لين بنام يدي في اذوني


و زوجي يطيح فيني تطنز !

[سولارا]

احب اشوف الرسوم المتحركه مثل فلونه وانا اكل بسكوت مربع ولازم مربع.اذا رحت عند الناس استحي اكل من الحلى اكثر من مره لان امي كانت تحذرني ماامد ايدي ابدا.

[الزيزفـون]

عادي المشكله محلوله لأن زوجك بيصير مهادك...

[sabreen2000]

هو هو موضوع المخدة كان دايما عندي مخدة معينة لازم انام وهي في حضني لحد ماتجوزت بقى اي مخدة بس لازم المخدة