اذا زاد السكر في الطبخة؟

[دمـوعي قـ ـهـ ـر]

اقتباس

المشاركة الأصلية بواسطة rasseess

	حطي عليها ملح وتصير ممتازه خخخخخخخخخخخخخ ترى امزح

شكرا على الطريقة المبتكرة ..ههههههههه

اتصدقين خليتيها في بالي شكلي بروح اجربها ..

بس مو هالايام مشغولة واايد

[دمـوعي قـ ـهـ ـر]

[quote=الطيبة;7716299]
اشربي معاها قهوة مرة !!!! هالحل الوحيد !!!


انا احب القهوة بس مو لدرجة اني اكل شي السكر فيه ايسبب السكري
سويت طبخة عجيبة بس السكر كل مازدت كمية شي مايتغير

ابي استفيد في المرات الجاية لو سويت طبق او طبخة تحتاج تقليل السكر بدون ماازيد مثلا في كمية طحين الكيك ..يعني بسوي كمية لعشر اشخاص واحنا اثنين فاهمة قصدي
يعني لو كان فيه شي يشفط او يسحب السكر من الطبخة بيكون افضل

[**ام عبادي القمر**]

ان شاء الله اتلاقين واتخبرينا

[دمـوعي قـ ـهـ ـر]

اتوقع موضوعي يوصل الالف صفحة بس بدون ماعرف الحل هههههه

كل يوم داشة وطالعة اقول الحين اكيد في وحدة عرفت شنو الطريقة

[ام نجد...]

سيري ونحن من ورائك

[دمـوعي قـ ـهـ ـر]

ياأم شجاع ياقلبي انتي

انا صادني احباط من هالموضوع واعتقد بخبر احد ينقله الي قسم المشاكل والحلول ههههه

على بالي انا الوحيدة اللي مااعرف اتصرف في المطبخ بس طلع في الااف مؤلفة نفس حالي يعني شي يشجع ان في احد معاي وشي يحبط انه محد من اهل الخبرة يبي يعطينا السر

[ملك حياتى]

اممممممممممممم مش عارفة
ارميها فى الزبالة

[شماريخ]

السلام عليكم ورحمة الله و بركاته
اختنا الكريمة
حسيت سؤالك لغز محير
يعني ما تبغين تشربين قهوة معاه
و تبغين تحطين شي يخفف من السكر بدون ما تزيدين عليه شي
هذا مستحيل ما في حل !

لان الحل الوحيد هو انك تكثرين من كمية مقاديرك ماعدا السكر


لكن انتي تقولين انها مو كيكة ؟
طيب قولي لنا ايش الحلى حقك عشان نعرف نساعدك فيه
مو معقولة تعطينا معلومات ناقصة ؟ اكيد حلولنا لك بتكون ناقصة


عموما ممكن انك تستغنين عن السكر الابيض
و تستبدلينه بعسل أو سكر بني لان حلاهم أقل

[دمـوعي قـ ـهـ ـر]

مشكورة معلومة مطبقة مسبقا ههههه

[دمـوعي قـ ـهـ ـر]

اولا شكرا على مرورج واهتمامج البالغ بهالمسلسل خخخخخخ

ثانيا : انا سؤالي .. لو صار في يوم من الايام وطبختي طبخة وحطيتي المقادير فيها وخلصت ويوم جيتي تبين تحطينها في الصحن وقمتي و تذوقتي طعم الطبخة قبل لا تسكبينها في الصحن مثلا وشفتي ان فيها سكر زايد بدرجة واضحة شنو الشي اللي يقدر يمتص كمية السكر ...مثل ما البطاطا تمتص كمية الملح في الاكل ....لاني مابي ازيد عليها مقادير بس ابي شي يمتص كمية السكر

اتمنى وضح السؤال اكثر لج عشان مايكون لغز محير ..

الانسان لازم يغلط ، يسهو ، ينسى ، يعني لو عرفت شنو الحل لو مرة ثانية سهيت وغلطت في كمية السكر اعرف اتصرف و اصلح الطبخة بدل ماارميها ..

يمكن هالشي مو مهم بالنسبة لج بس بالنسبة لي حابة اتكون عندي معلومة

شكرا على مرورج الحلوووو يالغالية تفاعلج معاي احلى