لحقووووووني يابنات(مشاكل بالساق)

[أماسي الجوف]

بسم الله الرحمن الرحيم


السلام عليكم و رحمة الله وبركاته

كيفكم يابنات؟


بليز الله يخليكم ساعدوني انا عندي مشكلتين بالســـــــــــــــــاق:

اول مشكله :-
عندي نقط بنيه بالساق والمسامات مفتوحه ابغى حل؟
لاتقولوا لي ليمون ونشا وماء ورد وماادري ايش لأنها ماااااااتنفع
ابغى شي مضمون او كريم

وثاني مشكله:-
الساق عندي مليانه سمينه دبه رغم ان جسمي حلو
اللي يشوفه يقول فخذ مو ساق اهي اهي

ساااااااااااعدوني والا بصيح

[sandybell2]

ماتزعلي أختي ان شاء الله كل واحده تدخل تدعيلك
وبالنسبة للساق أختي مالك إلا التمارين الرياضية هي اللي بتخسس أو تتخن
روحي لجيم أو اعملي سيرش على تمارين رياضية للتخسيس
أما بالنسبة للنقط السودا ان شاء الله البنات يفيدوكي

[أماسي الجوف]

شكرا لك اختي

[رينا الخليجية]

عزيزتي هالمنطقه محتاجه صبر وطولة بال للمشكلتين لازم تستمرين على السكرب بطريقه دوريه ولفتره طويله عشان تلاقين نتيجه بالاضافة اذا تقدرين توقفين الحف بالحلاوة لفترة يكون افضل

[qa6wa mtwa7sha]

على فكرة اختي انه عندي نفس هل مشكلتين بالضبط وواااااااااااااااااايد اعاني منهم احس كل مرة اذا اشيل شيرة مااحس ان ريلي حلوة لان يروح الشعر وتضل المسامات تخرب المظهر جربت حق ريلي الليمون لان سمعت انه يقبض المسام بس بصراحه ماقدرت اواصل لان وااايد يحرق وريلي بعد متينه وايد بنسبه حق باقي جسمي احس مافي تناسق ...

ماادري شاسوي

[استيناس]

والله يكلبي انا اقول روحي لدكتور لان يمكن يكون عندك مشكلة تقرن بجذور الشعره انا البارحه رحت وبديت اليوم اخذ علاج

[زهْـرةُ الأمـَــــل°]

اختي حاولي انك ماتعبثي بالمسامات او الشعر اللي داخل الجلد لأن تسبب اثار ونقط وتوسع المسامات اكثر

وقفي عن الحف لفترة وخلي ساقك ترتاح فترة ولاتنسي تسوي سكراب

والتمارين كفيلة بتخسيس الساق

^_^ تحياتي ^_^
زهووور

[M!SS Styl!sh]

حاولي تداومين عالسكراب والحمام المغربي وايد زين رح يشيل الشعر الي تحت الجلد
واكيد لاتنسى تسكرين المسام افضل انك تستخدمين ماسك النشا حلو
انا كنت اعاني من هالمشكلة بس الحمدلله خفت وانعدمت صرت استخدم سكرا بشكل يومي وبعديها ماسك النشا او اي ماسد يسد المسام واكيد اخيرا اللوشن

[yassora4]

و الله ما نقدر انفيدك نتمي ان البنات يقدرو و كل مشكلة و ليها حل انشاء الله وسعي بالك بس.....

[أماسي الجوف]

شكرا لكل من ردت

بس حبيباتي ايش هو السكراب؟؟
<<< تراني غشيمه