اطباقج ماشاءالله تبارك الله واروع من تصويرك الله يحفظك ويخلي رشود لك وهذي سؤالي: لو بتروحين مطعم اي نوع اكل تحبين ايطالي او هندي او مصري او لبناني يعني ما هي اكلتك المفضلة خارج البيت..؟ تسلمييين ياغاليتي....
ما عليج زود يأم سالم...
و عسى ربي يحفظ لج كل غالي
بالنسبة للأكل خارج البيت، أعشق المطبخ الإيطالي... فأكيد راح يكون إختياري مطعم إيطالي
اقتباس
المشاركة الأصلية بواسطة am slooh
يعطيك العافيه أم راشد والله يقومك بالسلامه فعلا الموضوع عرفنا عليكم أكثر كل الشكر حبيبتي على رحابة الصدر وتلبية الدعوه عندك ميزه لفتت أنتباهي أطباقك غير تقليديه مريت بنفس التجربه مع زوجي وللحين ما يتقبل بعض الأطباق العفو منكم المهم رضائكم
يعافيج ربي و يسلمج حبيبتي...
و لو يأم صلوح، أنا اللي لي الشرف إني أكون بينكم و أشاركم في الموضوع الرائع...
أما بالنسبة لأزواجنا و مشكلة عدم تقبلهم أكلنا، فأنا أعذرهم بصراحة... لأن كل شخص يكون متعود على نمط معين و أكل معين في بيت أهله ، و فجأة يتغير النفس عليه و نوع الأكل فيصعب عليهم التأقلم بسرعة... لكن مع الوقت، يتعود الزوج على اكل زوجته و ممكن حتى يبدي رايه في الأكل أو يقترح عليها إقتراح في طريقة الطبخ
اقتباس
المشاركة الأصلية بواسطة ماذا اقول
مشكوره حبيبه قلبي ديزي اش وانتي جديره بطلبي ان تكوني ضيفتنا لانك ما شاء الله مبدعه وانا كتير معجبه بطبخاتك اللي بدها كتير من الدقه وخصوصا بالمعجنات الف شكرلتلبيه الدعوه وربي يخليلك ابنك ويقومك بالسلامه لاني من رد ام صلوح فهمت انك حامل مشكوره على الردود الحلوه وبدي اسالك سؤال واحد ايش اكتر الاكلات بتفضليها؟الخليجيه واللا الشاميه واللا المصريه واللا المغربيه واللا الاكلات الاجنبيه؟ وتحياتي
حياج الله حبيبتي ماذا أقول... انا لي الشرف بتلبية دعوتكم لي، و إن شاء الله دايماً أكون عند حسن ظنكم فيني...
و عسى ربي يحفظ لج أولادج و من يعز عليج
أما بالنسبة لسؤالج، في البيت أحب أجرب من كل مطبخ أكلات مختلفة... يعني تشوفيني أتنقل من مطبخ للثاني... و عندي أكلات مفضلة من كل مطبخ...
بصراحة كل المطابخ غنية بأكلاتها و نكهاتها المميزة، فليش أحرم نفسي من إني أجربها و أتلذذ فيها
حيا الله الابداع الممزوج بالزازة حيا الله بأم رشود
قبل ما أبدأ أحب أذكر شيء يعجبني في شخصك ... وهذه ليست مجاملة !!!!
يعجبني فيك التجديد والتنويع والإبداع .... أحسك ماخذة الطبخ بنفس حلو ... مب مثل بعض الحريم اللي يكون عندهم الطبخ عادة يومية مملة ... لا بل تحدي
يمكن سؤالي يكون للبعض ماله معنى ... ولكن بالفعل شو يعني اسمك المستعار ؟!!!
السؤال الاني ... كيف مستواك في الحاسب؟؟؟خاصة في الجرافيكس لأني أحس ان عندك أفكار وابداعات فيها ....
وسامحينا ان طولنا عليك
و عليكم السلام و رحمة الله و بركاته...
حيّا الله الطيبة
ربي يسلمج و يسعدج على كلامج الحلو... انتوا كلكم فيكم الخير و الله... و لا فيني زود عليكم
أما على نوعية الأكلات اللي أسويها... ذكرت في البداية إني ما أفضل أكلاتنا التقليدية كثير، فتشوفيني أشتري كتب الطبخ الأجنبية و أحاول أجرب كل شي فيها... لأني أحس إن المقادير فيها ثابتة و مضبوطة أكثر من بعض الكتب العربية... و أحرص لما أجرب أكلة معينة إن الناتج يكون مثل الصورة اللي في الكتاب لكن هذا ما يعني إني ما أطبخ أكلاتنا التقليدية، بالعكس... أطبخها و أستمتع بالطعم
اسمي شكله بالنسبة لج لغز غامض الله يسلمج، Daisy يعني ورد الربيع اللي أحبه كثير مثل الصورة الجانبية اللي حاطتها... أما Ash فهي الحروف الأولى من اسمي... و هذا اختصار ينادوني فيه صديقاتي، يعني تقدرين تقولين اسم دلع... (اش) و انتي كملي الباقي
و الحاسب، إذا تقصدين دراسة، أنا ما درسته لكن حاطته من ضمن خططي المستقبلية، عاد شوفي متى!!! لكني أطقطق بروحي و أكتشف لحالي... أما الجرافيكس و الله ما عندي فيه أي خبرة... بس عندي أختي ماشاء الله عليها، هي كثير ساعدتني في البداية عشان أضبط الصور بعدين تعلمت أسويها، و هي اللي تسوي لي التوقيع حقي
و بالعكس ما طولتي عليّ و لا شي، استمتعت بأسألتج... و حياج الله مرة ثانية
اقتباس
المشاركة الأصلية بواسطة اللـيدي
Daisy Ash
يسعدلي مســائكـ بكل رضــــى وحب ياالغلاااااا
منوـوـوـوـوـوـورهـ أم رشودي وربي
وهيــا اللعضوهـ الي جذبتني للمنتدى عروس بصراحهـ ..... وأول موضوع ليا كان تطبيق لهااا...
بصراحهـ من الشخصياااااتـ اللي تشدني وتعجبني فديتهـاااا ....
مشـاااااااء الله العضواتـ كفوـوـوـو وفوـوـوـوـو باسئلتهم ؛؛؛
بس عندي سؤلين صغننين
1- طبخاتكـ اللي تسويهـاتحتفظي فيهاااا ؟؟ مثلآ بـ مدونه خاصه لكِـ... او بـ ملف بجهازكـ ؟؟ وهل عندكـ مرجع خاص للطبخ ؟؟ 2- ايش رايكـ بطبخاتي المتواضعه ؟
>>>>>> آآآآآأأأأأأأوت
كل الغلا؛؛؛
و يسعد لي مساج يالغالية... و النور نورج و طلتج المميزة في القسم ما شاء الله عليج
بالنسبة لسؤالج الأول، عندي دفترين... واحد عبارة عن مسوَّدة، أكتب فيه الطبخات اللي آخذها من التلفزيون أو من الأهل و تنتظر دورها في التطبيق... و بعد ما أطبقها أقيمها حسب نجاحها من 0 إلى 5 نجوم و اللي تجتاز الإختبار أنقلها للدفتر الثاني، و هذا فيه كل الوصفات المجربة و الناجحة 100%، و هو اللي أرجع له دايماً... أما الملفات اللي عالكمبيوتر، هي اللي حطيتها في المنتدى... يعني قبل ما أنزلها، أسوي لها ملف و أضبطها بعدين تشوف النور و عندي بعد مجموعة كتب طبخ أجنبية ما أستغني عنها هي مرجعي الثاني و أعتمد عليها كثير...
و بما إنج سألتيني عن طبخاتج، أنا بتكلم عنج انتي أول يعجبني فيج روحج المرحة و خفة دمج ما شاء الله عليج... و دايماً أتفاءل لما أشوفج في القسم... و طبخاتج ما شاء الله عليج بعد ما عليها كلام... و مبين إن انتي تحبين تجربين كثير، و تعجبني طريقة تقديمج للأكل
هلا و الله
ممكن لو سمحتي كم اسم من اكثر الكتب اللي وصفاتها تضبط و اسم الauther?
و لكي جزيل الشكر اختي
و على فكره انا دايما اطبق وصفاتك و تضبط عندي
keep it up!!
و انتي بعد ما عليج زود، دائماً متجددة في نوع الأكلات اللي تقدمينها الله يعطيج ألف عافية و ربي يبارك فيج، و عقبالج تجيبين نونو صغير لطارق يتسلى معاه
خططي المستقبلية... فاجأتيني بالسؤال، حالياً أنا عايشة كل يوم بيومه ما عندي وقت افكر لبكرة... لكن خليتيني أراجع مخططاتي عندي رغبة كبيرة إني أدخل تحفيظ القرآن، و لما كنت حامل في راشد سجلت معاهم في الصيف، لكن تعبت مع الحمل و ما كملت و تعرفين شلون الوحدة تنشغل بعد الولادة... و إن شاء الله ربي ييسر لي و أسجل مرة ثانية... و ناوية إن شاء الله آخذ دورة في الحاسب الآلي، إلى الآن ما قررت التخصص بالضبط، لكن أخليها للوقت إن شاء الله... و في المستقبل القريب أحاول أستعد نفسياً للنونو الجديد و مادياً إني أجهز اللي ناقصني
أما يومي يبدأ من الفجر، مع زوجي أول ما يصحى و يروح الدوام... أصلي و أقرا اللي يتيسر من القرآن، بعدين إذا عندي شغل في البيت خلصته و نمت، أو إني أستغل الفرصة إن راشد نايم و و أسوي لي فطور و أفطر على رواق و أنا أشيك المنتدى و الظهر كله مع شوشو، أفطره و أغديه و أجهز إما حلى أو معجنات لشاي العصر بعد ما يرجع زوجي من الدوام... و بعد المغرب أبدا في العشا عشان أعشي أبو الشباب و ينام بدري للدوام، و أنا اكمل السهرة مع شوشو و قبل النوم لازم أقرا، و عندي مجموعة كتب جنب السرير أقرا فيها لحد ما يكبس النوم
هلا و الله
ممكن لو سمحتي كم اسم من اكثر الكتب اللي وصفاتها تضبط و اسم الauther?
و لكي جزيل الشكر اختي
و على فكره انا دايما اطبق وصفاتك و تضبط عندي
keep it up!!
هلا فيج حبيتي...
أغلب الكتب اللي عندي هي مجموعة من The Australian Women's Weekly cookbooks و ال Food Editor اسمها Pamela clark... و عندهم سلسلة كبيرة من الحلويات و المطابخ العالمية و المخبوزات و كثير أشياء... و أنا أشتريها من جرير
And sure thing I'll keep it up Thanks sweetie for the encouragement
أما أحسن مطعم؟!!! بصراحة مو من كثر روحاتي للمطاعم، لكن في مطعم حبيته كثير و هو مطعم أوتار في فندق كارلتون المعيبد في الخبر... المطعم لبناني و الأكل روووعة... و مؤخراً، رحت مطعم براسا دي برازيليا في الخبر بعد، و عجبتني مشوياتهم خصوصاً الأناناس
حيا الله بأم رشود 
... ولكن بالفعل شو يعني اسمك المستعار ؟!!! 
...
النمط المتتابع
