يا هلا ويامرحبا فيكم والف مبروك الاشراف ام صلوح واشكر ام نجود على اختياري تسلمين ياقمر
.عرفينا عن نفسك وخاصه في الطبخ ؟
انا متزوجة توي ماصارلي 3 شهور ونص .. متخرجة من الجامعة وربة بيت ما أفكر اشتغل .. واحب اتفنن في الطبخ وخاصة الحلويات..
.وجبتك المفضله؟
أحب المنسف جدا جدا وكل ما اروح بيت أهلي اطلب من امي تسويه
.طبق تحبين تسوينه كثير؟
الشاورما الماكسيكة وشوربة الدجاج
.متى تعلمتي الطبخ؟
تعلمت الطبخ من يوم صف سادس ..أشتريت مجلة ماجد وفيها طبق حلى الاناناس وكان سهل وعجب الكل
موقف طريف صار معاك في المطبخ ؟
موقف طريف صارلي في المطبخ اني عقب ما تزوجت الفرن كان على الكهرب غير في بيت اهلي على الغاز ومره بصخن الشوربة وطلعت على الطبخة وكنت حاطتها بالصحن بس بقى منها شوي وما اشوف إلا الدخان يطلع ويحترق باقي الاكل كله وزوجي يقولي اشم ريحة حراق
وانا بسرعة اصك غطاء القدر واحطه على المويه وصادني ويا فضيحتي خخخخخ
يعتمد عليك في الطبخ او لا؟
يعتمد علي بما إني البنت الكبيرة في البيت لمى تكون امي تعبانة ولا مشغولة اطبخ لهم عادي بس ابوي يقولي خففي الفلفل
سوي طبخه وصوريها لنا؟
انا حاليا ببيت اهلي وجهازي مو عندي وبكرة الصباح بنزل لكم الطبخة..
نصحيه توجهينها لطباخات منتدى عروس ؟
انهم يخففون من الاكل الدسم والحلويات ويكثرون من طبخ الاكل الصحي
.هل تستخدمي الميكرويف؟
استخدمة بس مو كثير
ما هو رأي أهلك أو زوجك في طبخك ؟
عاجبهم طبخي ولله الحمد
.ماهي نوعية الاواني التي تفضلين ان تطبخي بها؟
انا افضل السنستيل مدري شلون يكتبونها 
بس ما احب التيفال يقولون خطره ياكافي الشر..
ماهي الأكلة التي تحبها عائلتك وأنتي لا تحبيها ؟
مكرونة بالبشاميل .. سبحان الله ما احبها ابداً
اول طبخه طبختيها ؟؟
اول طبق حلى سويته يوم كنت صف سادس ويوم رحت اول متوسط سويت كبسة دجاج طبختها الساعة 11 الليل استوت 3 الفجر خخخخخ
.كم مره احترقت الطبخه معاك ؟؟
والله ببداية زواجي ما كنت اعرف لفرن الكهرب وكنت احرق الاكل شوي يمكن 3 او 4 مرات
اول كتاب طبخ اعتمدتي عليه ؟؟
انا عندي النخبة ومجلات اجنية قالت لي عنها بنت عمي بصورها لكم بكرة واغلب الطبخات اشوف امي وهي تطبخ
مين قدوتك بالمطبخ ؟؟
أمي الله يحفظها لي يارب
تحبي احد يساعدك بالطبخه ؟؟
بالطبخ لاء .. بس احب احد يقطع عني خخخ لاني ما احب التقطيع..
اذا خربت عليك الطبخه ايش تسوين ؟؟ ترميها ولا تضطري تاكليها؟؟
والله مره كنت اصوم ديني وسويت شوربة وطلعت مالحة مرررره اضطريت اني اشربها لاني كنت جوعاانة..
ما رأيك بــ الفكرة لقاء وحـــوار مــع ضيفة شرف منتديات عروس؟
مره حلوة واعجبتني الفكرة والحمدلله اني دخلت النت من بيت اهلي وشف دعوة لي
مـــيـــن ترشحى بعدك او ممكن تختاري اللي بعدك ..
أختار اختي آآآآآآآآهات الصمت 
س 21 من اي دوله انتي ؟؟
أنا من السعودية
وماهي الاطباق الشعبيه المشهوره في بلدك ؟؟؟
الاطباق المشهورة في بلدي الهريس والرز المحمر مع السمك المقلي والمرقووق
وماهو الطبق الشعبي الذي ما زلتي تطبخينه وتحبينه ؟؟؟
اهل الحجاز عندهم السليق واحبه كثير ودايم اسويه
اكتبى لنا طبق مفضل من اختيارك ... او من مواضيعك فضلا ؟
sweet and sour pineapple chicken من مطبخ أختي آآآهات الصمت مره عجبني..
س 25 متى كان دخولك منتدى عروس وكيف تعرفتي عليه ؟
والله كنت ادور على وصفه تسمني ودخلت على منتدى عروس آخر عام 2005 وسجلت فيه 2006
س 26 ماهو الجهاز اللي ماتقدري تستغنين عنه
لاب توبي الجديد ..
س 27 ماهو الجهاز اللي تتمنين يكون عندك؟
جوالي طاح مني بشهر العسل واخترب وصار مخبط وخاطري بجوال سوني اريكسون البنكي الجديد 
س 28عضوه تعجبك طبخاتها او طريقه تقديمها؟؟؟
اختي كمر
س 29 مانوع الكاميرا اللي تصورين بها طبخاتك؟؟
على حسب السرعة مره من جوالي ومره من كاميرتنا الكانون
س 30 هل تتقيدين في الطبخه بالمقادير وإلا ممكن تضيفي شيء من عندك وتغيري في المقدار؟؟
لاء دايم العب بالمقادير.. لان مافي إلا انا وزوجي واسوي مقدار اقل
والف شكر لج على الموضوع الحلوووو
النمط المتتابع
