السلام عليكم
هلا وغلا بالحلوات
مثل ما تعودتوا على نوعية شراشف الجورية الممتازة من حيث الخامة ، والألوان والديزاين ..
استعمال على مدى 5 سنوات .... وكل ما غسلتيه كل ما صار ناعم أكثر وأكثر ..
ألوان ثابته ماتطير مع الغسيل
قطن ناعم ، لا يوبر ، ولا يعقّد ،،،، بشهادة كل البنات اللي خذوا منهن ..
قبل لا أعرض الشراشف عندي ملاحظة هامة للبنات :
من خلال التجربة السابقة في تسويق شراشف عيد الفطر المبارك ،، نبهت البنات أكثر من مره على ضرورة الحجز قبل العيد بمدة على شان أقدر أرتب أموري مع شركات التوصيل ، وبفضل الله وتوفيقه قدرت أوصل أغلب الطلبات ، لكن لاحظت أن بعض البنات على آخر يومين قبل العيد ترسل رسايل للحجز وتلّح لحّ ان الطلبيه توصل قبل العيد ... طيّب ..اذا شركات التوصيل ماتوصل قبل العيد بيومين أو ثلاثه ،، انا كيف أدبّر للبنات توصيله على السريع ؟ واحنا كتاجرات بعد علينا التزامات عائلية ومنزلية .. وكذلك مندوبين التوصيل لازم بيتجهزون للعيد اذا هم يكرفون كراف قبل في التوصيل ..بعد مايحصلون يومين يجهزون انفسهم ويلتفتون لأهلهم ؟ ..
والله ياخواتي ما يصير هالكلام ..
هذا الموضوع جدامكن .. وطلباتكن على عيني وراسي ، لكن تسمح لي أي وحده بتطلب قبل العيد ب5 أيام .. لأني مابقدر أضغط على عمري ولا أضغط على الشركات .. باب الحجز مفتوح ،، والطلبات بتوصل لكل وحده بإذن الله في أقرب فرصه ... هذا اللي أتمناه منكن خواتي ..
فيه شي ثاني بعد حازّ في خاطري ..
الحين انا اتعامل مع البنات بكل سهوله وعفويه .. واحاول قد ما أقدر أني اراعي ظروفهن وألبي حاجاتهن .. وكل البنات اللي تعاملن معايه يعرفن انا شو اقصد ... لكن ليش بعض البنات يستهترن بوقت وجهد وتعب التاجره ؟
ليش ؟
التاجره انسانه حالها حالج .. لها مسوؤليات والتزامات .. وكونها تاجره هذا ما يسمح لأي وحده أنها تتلاعب معاها بس عشان التسليه وتضييع الوقت .. اذا هالوقت ما يهمج .. انا يهمني .. وخواتي الباقيات أولى به بعد .. !
وفيه شيّ ثاني بعد يقهر .. اللي تعطيني رقم زوجها ، أو اخوها ويوم يكلمونه من شركة التوصيل مايكون عنده خبره ، وترجع الطلبيه ، وترجع الزبونه تقول طرشوا طلبيتي مره ثانيه ونرجع نطرشها ونفس الشي ..! ليش ؟ .... واللي ماتكون جاده تخلي احد من اهلها يرد احنا ما طلبنا ... ليش ؟ اذا انتي مب قد كلمتج لا توهقين الناس وتضيعين الجهد والوقت والفواتير على خالي بلاش !
ياليت الجدية ترسل طلبها وعنوانها على الخاص ، ومن عيوني الثنتين ما بقصر مع حد معاكن ..
واسمحوا لي اذا غثيتكن بهالكلام .. شي في الخاطر .. ولازم يطلع .. والا والله ان بعض البنات مثل المـاي البارد على قلبي .. ومعرفتهن تشرفني وتكفيني ..
نرد لموضوعنا
مجموعة عيد الأضحى ، أستقبل الحجز فيها لين تاريخ 25/11/2008 ،، ومن بعدها أعتذر عن استقبال أي طلبيه ،، لأنه ما بيكون شي وقت إلا لتوصيل الطلبيات .. سامحوني
مواصفات الشراشف
كينغ سايز / صناعة صينية بديزاينات إيطالية عالمية
الخامة قطن ناعم 100%
وأهم ملاحظة :
احيانا يكون فيه اختلاف في طريقة توزيع الورد أو الحاشية أو التقليم وهذا راجع لتصوير المصنع وطريقته في عمل الدعاية
6 قطع
1 تلبيسة بدون حشو + 4 تلبيسة مخدة + شرشف
مقاس الشرشف 250 *270 سم
مقاس التلبيسه 220*240 سم
السعر : 250 درهم
أصليات !!- أصليات – أصليات ........... ليش أقول أصليات ؟ لأن بعض المحلات تقلد نفس الصوره على خامة مغشوشه ... وانا خبرتكن مقدما ..
واللي تحب أوفر لها الحشوة الأصلية عندي نوعين
ثقيلة ب200 درهم
أخف شوي ب150 درهم
التوصيل 25 درهم مع الشركة المريحه جدا جدا جدا الهوت لاين داخل الامارات ، ،سلم واستلم ، ومع كل زيادة 5 كيلو يزيد 10 درهم حسب الوزن
وللخليج البريد الممتاز ، شحن الشرشف 80 درهم والدفع مقدم
للمناطق الغربية مع البريد العادي ،، والدفع مقدم
نقول بسم الله
1
2
3 
4 
5 
6
7 
8 
9
10 
11 
12 
13 
14 
15 
16 
17 
18 
ومن المجموعة الأولى
19
20 
21
22
23
24
25
26
27 
28
29
30
مواضيع مشابهة 
المجموعه الكاملة لشراشف عيد الأضحى//// ألحقيييي على الحجززززز 
النمط المتتابع
