.. سندويشات دجاج بالمايونيز على طريقتي ..

[pinkeez]

HiZz
شخباركم فديتكم


اليوم ابوي قال لأمي سوو عشاا بالبيت لاعت جبدنـا من اكل برع خخخ
وامي قالت لي تبين تسوين شي ؟ قلت لها شنو عندج
قالت دجاج قلت لها اوكي خليه ..

وانا رحت امشي >> رياضيه البنت

ويوم رجعت جهزت الاغراض ..

وسويت العشـاا شي خفيف

(( سندويشات دجاج مايونيز ))

...




المقادير :

دجاج مسلوق مفتفت
خضار (( جزر - فلفل رومي - ملفووف >> ماعرف اذا له اسم ثاني ))
ملعقتين جبن مالح + مايونيز حسب الرغبه كثر ماتحبون حطوو
مكعب ماجي - ملح - فلفل اسود

..



نحمر شويه بصلـ ونضيف عليه مكعب الماجي



ونضيف الخضاار حته تنضج وتحسون انها ذبلت



نحط عليها الدجاج ونقلبه شوي ونقصر على الضوو و نغطيه شووي



نحط الجبن والمايونيزز

بعد ماخلطناا كل المقادير مع بعض اي صح لا تنسون رشه الملح والفلفل الاسود



...

الحين جيبوو روتي توست
و حطو الحشوه داخلهـ و قطعوه بالشكل اللي تحبونه
انا سويته مثلثاات و بمـا ان اهلي مافيهم صبر يبون ياكلون
ماصورت لكم بعضه حطيته بالتوست صاار ألذ



طعمه احلى من دجاج مايونيز مال برع والله
موو مدح بس صج المذاق الذ

وبالعافيه عليكم

[ماذا اقول]

[نور التقوى]

ماشاء الله

تسلم ايدك

[amoula000]

ماشاء الله عليك طباخة
شكلها لذيذة تسلم ايدك

[الؤلؤه الصغيرة]

ياقلبي ماشاء الله موضوعك وااااااااايد حلو ومميز يالغاليه
يمي يمي

[أمةالله]

تسلم إيدك يا قمر

الملفوف هو الكرنب ... أعتقد إنك تقصدي الصغير تبع السلطة ... فيه ناس بتقول عليه خس

[amkaled]

يم يم

جوعتيني ...........


تسلم ايدج

خفيف ولذيذ

[pinkeez]

فديتكم والله
مروركم الالذ
يعطيكم العافيه
واختي امه الله
اي صحيح اسمه الكرنب كأن
مشكوره على التوضيح فديتج

نورتوو

[السـ بنت ـعودية]

يعطيك العافيه عمري

شكلها روووووووووووعه وراح اجربها

ان شاء الله

[sosomedo]

ماشاء الله

تسلم ايدك