استفسار ضروري دشو بسرعه والله محتاره!!

[أم الكناري]

السلام عليكم كيف حالكم يابنات عروس أن شاء الله بأتم صحه وعافيه

ماطول عليكم

حبيت استفسر عن الغساله الاتوماتيك جينرال الكترك ام دورين في احد منكم استخدمها اواحد

من اقاربه و ايش ايجابياتها وسلبياتها

او الي عندها نوع ممتاز ومجرب بشرط يكون تجفيف 100% تقولي عنه وياليت اعرف الافضل الي تتعبى من الامام او من الي فوق ومن ناحية الازرار الفر احسن او المس وش افضل ماركه

والي عندها معلومات اضافيه فلا تبخل علي والله محتاجه لمساعدتكم لاني احترت ايش اخذ ولازم اقرر وايلا بتروح علي الله يعطيكم العافيه ويرزكم الي تتمنون يارب

[أم الكناري]

والله زعلتوني عدة مشاهدات بدون ردود معقوله ماحد عنده اي معلومه؟؟

[الامورة شجن]

هلا حبوبة

انا استخدم الاتوماتيك الكاملة اللي تتعبا من فوق وفيها تجفيف وغسيل في مرة وحدة يعني مجرد احط الثياب واحط الصابون او الشامبو واضبط التوقيت وبعدين اتركها واروح اسوي اشغالي وبعدين ارجع لها واخلي الثياب اشوي على الحبل لان ضروري اتصيدهم الشمس حتى لو كانت جافة عشان البكتيريا ، واذا تبين ماركات زينة LG وبعد سوني وجنرال كلهم زينين ، انا استخدم ماركة واو واشوفها الحمدالله زينة
اتمنى اني افدتج وسامحيني على القصور

[أم الكناري]

مشكورة خيتو على ردك لي وماقصرتي بس بغيت أسئل تجفيف 100% يعني على طول بالدولاب لو بغيت ماحطها على الحبل وبكم خذتيها وكم كيلو معليش طولت عليك

[لوله الحلوه]

حبيبتي أنا عندي غسالة أتوماتيك إل جي تتعبى من فوق راح أقولك عيوبها ومميزاتها
أولا العيوب: مشكلتلها لازم تذوبي مسحوق الغسيل يعني زي التايد عشان ممكن تبقى بقايا الصابون على الملابس وهذا الكلام مكتوب في الكتالوج ولاحظته طبعا وبعدين التايد السائل غالي ما أدري على إيش وتلاقي بالنادر صراحتا عمري ما أستخدمته .
وكمان غسالتي ما فيها القماش إلي يصفي ويشيل الشوائب إلي في الغسيل ما أدري إذا فهمتي .
وعن التجفيف لأ ما تجففه 100% وكمان حسب القماش وإذا كان عندك أهم شئ التجفيف ترى الغسلات الأتوماتيك ما تجفف زين يعني إلي تغسل وتجفف مع بعض إشتريليلك المجفف لحاله تمام في التنشيف على طول منها إلى الدولاب حتى مايحتاج كوي ....
ومميزاتها : طبعا أريح تحطي الملابس ولاخلصت على الحبل على طول يعني تريح
أنا آسفه طولت عليكي بس حسيت إنك محتاجه السموووووحه

[بقعة ضوء]

هلا حبيبتي
أناغسالتي سامسونج تعبأ من الأمام وتجفف 100% جدا ً مرتاحة منها ومساحتها 10 كيلو

شريتها من الكترو أو اكسترا نسيت و سعرها حدود 3400 ريال ..

[الامورة شجن]

اقتباس

المشاركة الأصلية بواسطة أم الكناري

	مشكورة خيتو على ردك لي وماقصرتي بس بغيت أسئل تجفيف 100% يعني على طول بالدولاب لو بغيت ماحطها على الحبل وبكم خذتيها وكم كيلو معليش طولت عليك

حاظرين حبوبة


بالنسبة للغسالة التجفيف 95% ما ابي اقول 100% بس انا بعد افضل احط الملابس في الشمس اشوي، وخذيتها 195 دينار يعني 1950 ريال ، وفيها 10 كيلو ، وما يحتاج لا صابون سائل ولا شي وعلى فكرة اهي اتغسل الملابس بالماء البارد يعني صحة ونظافة وتوفير صار بونكس هذا ما صارت غسالة ههههههههههههههههههههههههههههه وانا بس اخلي الصابون واهي تاخذ ماء على كفايتها اتوماتيك وبعدها تغسل وتجفف بس واااااااايد مرتاحة منها الحمدالله

[الامورة شجن]

معذرة حاضرين بدل حاظرين *

[أم الكناري]

لولو الحبوبه مشكوره خيتو وماقصرتي وفاهمه قصدك في القماش الله يعطيك العافيه يارب

[أم الكناري]

بقعة ضوء مشكوره خيتو و ماقصرتي على المعلومه الله يعطيك العافيه يارب بس فيه بنات يستخدمونها ومامدحوها مدري ليه