مشكلي - مع الفايروس << طفشت

[أسيل111]

السلام عليكم ورحمه الله وبركاته ... اما بعد

كيفيكم ياحلوين ... مشكلتي تعبت منها حيل اللي اهي الفايروس

حاولت وحاولت وحاولت .... اني اشيله من الوجود لكن ماقدرتـــ ولسى الامل موجود اني قادره على اني اشيله من جذوره بس لاتبخلون علي بمساعدتكم ( السؤال الاول )

هاذي الصور ....

وزياده على كذا ... اذ اشتغلت مده ساعه عالاب توب >> يعلق / مافيه حل الا اني اطفيه

اكون متحمسه وانا اصلح عروض بوربوينت وبالأخير يعلق ويفصل ولا كأني صلحت شي

ياليته يقدر الجلسه اللي جلسته قباله <<< وش السبب انه يعلق ؟؟؟ (السؤال الثاني)

.
.
للمعلوميه / اسم برنامج حمايه الفايروس عندي ؟
واسمه << موضح بالصوره
طيب ؟؟؟؟ وين الخلل فيه ؟؟؟؟

.
.
.

احبكم في الله

[أجياد]

أختي هذا ماهو بفايروس والله أعلم ولو انه الصوره ماهي بواضحه ....
بس هذا المكافح عندج يطلب التحديث أو التسجيل لأني أشوفه مطفي ....
أختي جربي تدورين لج مفتاح للنسخه ال6 من الكاسبر اللي مبين عندج وغيري المفتاح لانه منتهي ورجعي حدثيه كامل وفحصي جهازج وبإذن الله بينضبط كل شيء ....

والله أعلم

[سالي حكيم]

هو انتي لليوم ابتستعمال كاسبر 6 ؟

نزل 7 وكمان 8 .

احذفيه وسطبي 7 .

اذا ما تبغي .

الكلام الى على الرسالة مش واضح .

لما تاتي لكي الرسالة . اضغطي على زر printscreen >

وروحي على الرسام واعمل لصق.

وارفعيها هنا .

[frawla]

السلام عليـكم ..

الي يطلع لج مو فايروس ..

بس عـندج خطوة لازم تضبطينها بالكاسبر سكاي علشان يضبط معاي 100 % ..

بس ياليت لو تكون الصور واضحة و تصورينها من الكمبيوتر عن طريق print scrn الموجود في لوحة المفاتيح ..

و تروحين لبرنامج الرسام >> و تحطين لصق >> تطلع لنا الصورة أوضح ..

و هالموضوع يفيدج ..

http://www.3roos.com/forums/t338441.html

عمــوما ً أعتقــد انتي منزلة برنامج الحماية 7 ..

راجعــي هالموضوع ..

و إن شاء الله يفيـدج ..

http://www.3roos.com/forums/t343742.html

أمــا إذا كانـت المشكلة بالمفاتيـح ..

فهذا الرابط يفيدج ..

http://www.xkavkeyx.com/

بلغـينا بالجديد الي يصير لج ..

تحـياتي ..

..

[وردة الثلج]

السلام عليكم

عزيزتي فعلاً الصور مب واضحة

بس من الصورة الاخيرة مبين ان المفتاح صار بلاك لست

يعني يجب تبديله باخر جديد

او حملي الاصدار الجديد من الكاسبر 8


بخصوص تعليق الجهاز جربي هالاداة لتنظيف الكمبيوتر
برنامج ATF Cleaner حجم صغير وسريع وقوي لتنظيف اجهزة windows xp

[unprofessional]

أختي واضح من الرسالة الثانية إن فيه برنامج يحاول يشتغل والجدار الناري للبرنامج عامل له إيقاف ويسألك بالرسالة الثانية هل تبغين يوقف البرنامج الآن يعني يعمل له Tarminat أو يعمل له حظر بشكل دائم يعني Deny أو يعمل له سماح دائم Allow طبعاً انتي اختاري اللي في الوسط اللي هو Deny لاكن قبلها تلاقي تحت على اليسار مربع صغير حطي فيه علامة ( صح ) علشان يتذكر البرنامج الاختيار اللي اخترتيه ثم بعد ماتحطي علامة صح إضغطي على الزر Deny ...

عموما أختي الصور غير واضحه اطلاقاً علشان نقدر نشوفها ونفيدك أكثر وأحسن طريقة للتصوير مثل ماقالوا لك إخواتي الكرام إنك لما تشوفي الرسالة ظاهره قدامك إضغطي من لوحة المفاتيح على الزر Print Screen وتلاقيه احياناً بإسم PrtScn دوري عليه في لوحة المفاتيح .. وبعد الضغط على هذا الزر افتحي الرسام ثم اختاري من فوق ( تحرير ) ثم ( لصق ) وراح تلاقي الصورة كاملة قدامك ثم اعملي لها حفظ لاكن اختاري الصيغة JPEG علشان لما ترفعيها تكون صغيره في الحجم وواضحة اكثر ...

أخوك الهـــــــاوي ............