.. [ ملجه } ,,

[محرومه حبه]

السلام عليكم ورحمة الله وبركاته

شحالكن خواتي عساكن بخير وصحه وسلامه ^_^

الغاليات بغيت أستفسر منكن

لان ماعندي خبره..

شو هي تجهيزات الملجه بالضبط؟
ومتى اقدر ابدأ فيها قبل الملجه بجم يعني ؟؟

اتمنى تساعدوني وتردون علي ^_^

واكون لكم شاكره

[أميرة عند زوجي]

تجهيزات الملجه اذا بتكون عائليه
مابتتعبين في التجهيزات مثل اذا كانت كبيره

اولا خلصي من الحجوزات
الصالونات ميكب وشعر وحلاوه وتنظيف وحمام مغربي وحفاف وبدكير ومنكير وحناء
الفستان اشتغلي على الموضوع يا تفصلين او تشترين جاهز
المكان يلي بتصير فيه الملجه وجهزيه من كوشه ورد وحجوزات وبوفيه وديجي
التصوير الفوتو والفيديو


هذه بالنسبه للحفله الملجه

استعدادج للملجه طبعا المشتريات !! لسته شطولها

خخخخخخ

ملابس حق الطلعات

ملابس حق الكشخه داخل البيت برمودات وتنانير قصيره بديات

عبايات

شنط وصنادل وشوزات

بيجامات واندر وير


خخخ هذه يلي في باليي

البنات بيساعدونج لا تخافيي

[محرومه حبه]

[ أميــرهـ } ,,

تسلمين حبيبتي على الـــرد

والحفله مابسويها بقاعه ولا في البيت

افكر بـ خيمه إن شاء الله ,,

تسلمين مره ثانيه حبيبتي ,,

واتريا ردود الباجين ,, ^_^

[الواثقة في الله]

وشلون تسوينها في خيمة

[محرومه حبه]

خيمة اعراس حبيبتي ^_^ هذي تكون بدل القاعه
شرات القاعه بالضبط

[محرومه حبه]

حبيباتي المعرسات واللي عندهن خبره بـ سالفة الملجه

الله يرضى عليكم ردو علي .. ابي افكار ابي اجهز

ملجتي بتكون على شهر 1 إن شاء الله ,,

وابغي اشياء وافكار حلوه

لاتبخلون علي الله يزيكم الخير

[ع ـذبة المشاعر]

احنا عندنا بالبحرين نسوي سفرة عجم , مادري اذا عندكم تسوون او لا

فإذا تسوون مثلنا تقدرين تجهزين السفرة من الحين اذا انتي بتسوينها

,,

من الحين لشهر واحد فيه وقت اعتقد للملجه

بس لازم تضمنين الشعر والميكك اب

وغير باقي الاشياء ما قصرت ( اميرة عند زوجي )


ع ـذبة المشاعر

[الأم فارس]

انا ما اظن ان الملجه يبالها تجهيزات غير فستان والميك اب والشعر لان هاذي الاشياء احسها عاديه جدا وحق الطلاعات انتو ادرى

[rocky]

هيه..انا ماسويت شي غير المكياج والشعر والفستان

والله يوفقج

[محرومه حبه]

عذبة المشاعر

تسلمين حبيبتي على الرد .. ونحن ماعدنا سفرة عجم .. بس الصراحه حلووه وايد شفت منها ..^_^

::

الأم فارس , روكي

تسلمون حبيباتي

انتو قلتو بس مكياج وشعر وفستان

اوكي

والكوشه والسيرفس والطاولات والكيك وهالسوالف ؟.اخليهم حق منوو ؟؟

إذا ماانا اخترت اكيد بضايج وقتها لو في شي ما كان عايبني ,؟؟ وإلا شو رايكن